ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ ਓਟੀਟੀ' ਦੀ ਪ੍ਰਤੀਯੋਗੀ ਅਤੇ ਮਸ਼ਹੂਰ ਗਾਇਕਾ ਨੇਹਾ ਭਸੀਨ ਇਨ੍ਹੀਂ ਦਿਨੀਂ ਟ੍ਰੋਲਰਾਂ ਦੇ ਨਿਸ਼ਾਨੇ 'ਤੇ ਹੈ। ਸ਼ੋਅ 'ਚ ਨੇਹਾ ਭਸੀਨ ਅਤੇ ਪ੍ਰਤੀਕ 'ਚ ਵੇਖਿਆ ਗਿਆ ਸੰਬੰਧ ਲੋਕਾਂ ਨੂੰ ਪਸੰਦ ਨਹੀਂ ਆਇਆ, ਜਿਸ ਕਾਰਨ ਗਾਇਕ ਨੂੰ ਲਗਾਤਾਰ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਨੇਹਾ ਇਸ ਟ੍ਰੋਲਿੰਗ ਤੋਂ ਬਹੁਤ ਪਰੇਸ਼ਾਨ ਹੋ ਗਈ ਹੈ ਅਤੇ ਉਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਇਸ ਪੋਸਟ 'ਚ ਨੇਹਾ ਭਸੀਨ ਨੇ ਲਿਖਿਆ ਕਿ ''ਜਿਸ ਦਿਨ ਤੋਂ ਉਹ ਘਰ ਤੋਂ ਬਾਹਰ ਆਈ, ਉਸ ਦੀ ਮਾਂ, ਭੈਣ ਅਤੇ ਪਤੀ ਨੂੰ ਬਹੁਤ ਟ੍ਰੋਲ ਕੀਤਾ ਗਿਆ। ਇਹ ਸਭ ਪੜ੍ਹ ਕੇ ਮੈਂ ਬਹੁਤ ਪਰੇਸ਼ਾਨ ਹੋ ਗਈ ਹਾਂ ਅਤੇ ਮੇਰਾ ਦਿਲ ਮਰਨ ਲਈ ਕਰ ਰਿਹਾ ਹੈ।
ਗਾਇਕਾ ਨੇ ਆਪਣੀ ਪੋਸਟ 'ਚ ਲਿਖਿਆ, 'ਰੱਬ ਦੀ ਸੌਂਹ... ਜਿਸ ਦਿਨ ਮੈਂ ਬਾਹਰ ਆਈ, ਮੈਂ ਸਮੀਰ (ਨੇਹਾ ਦੇ ਪਤੀ), ਮੇਰੇ ਭਰਾ, ਮੇਰੀ ਮਾਂ ਅਤੇ ਭੈਣ ਨੂੰ ਟ੍ਰੋਲ ਕਰਦੇ ਹੋਏ ਉਹ ਸਾਰੇ ਨੈਗੇਟਿਵ ਕੁਮੈਂਟਸ ਪੜ੍ਹੇ। ਮੈਂ ਇਹ ਪੜ੍ਹ ਕੇ ਮਰਨਾ ਚਾਹੁੰਦੀ ਸੀ। ਮੈਨੂੰ ਫਿਰ ਇਕ ਹਨ੍ਹੇਰਾ ਮਹਿਸੂਸ ਹੋਇਆ ਪਰ ਮੇਰੇ ਪਰਿਵਾਰ ਦਾ ਪਿਆਰ, ਸਮੀਰ ਦਾ ਰਹਿਣ ਅਤੇ ਸਪੋਰਟ, ਭੈਣ-ਭਰਾਵਾਂ ਦਾ ਪਿਆਰ, ਮੰਮੀ ਦੀਆਂ ਲਗਾਤਾਰ ਕਾਲਜ਼ ਅਤੇ ਮੇਰੇ ਪ੍ਰਸ਼ੰਸਕਾਂ ਦੇ ਪਾਜ਼ੇਟਿਵ ਸਪੋਰਟ ਨੇ ਮੈਨੂੰ ਬਚਾਇਆ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਨਿਰੰਤਰ ਟ੍ਰੋਲ ਅਤੇ ਕੁਮੈਂਟਸ ਕਰਨਾ ਸਹੀ ਹੈ ਤਾਂ ਇੱਕ ਗਾਣੇ ਦੀ ਮੇਰੀ ਮਨਪਸੰਦ ਲਾਈਨ 'ਐਸੇ ਜਹਾਂ ਸੇ ਕਿਉਂ ਹਮ ਦਿਲ ਲਗਨੇ' ਹੈ। ਜੇ ਤੁਸੀਂ ਉਨ੍ਹਾਂ ਲੋਕਾਂ ਨੂੰ ਸਵੀਕਾਰ ਕਰਦੇ ਹੋ, ਜੋ ਝੂਠ ਬੋਲਦੇ ਹਨ, ਧੋਖਾ ਦਿੰਦੇ ਹਨ ਅਤੇ ਦੂਜਿਆਂ ਦੇ ਦਿਮਾਗ ਨਾਲ ਖੇਡਦੇ ਹਨ, ਤਾਂ ਮੈਂ ਸਿਰਫ਼ ਇਹੀ ਕਹਿ ਸਕਦੀ ਹਾਂ ਕਿ ਮੈਂ ਪਿਆਰ ਲਈ ਬਣੀ ਹਾਂ ਅਤੇ ਆਪਣੇ ਆਖ਼ਰੀ ਸਾਹਾਂ ਤੱਕ ਇਹੀ ਕਰਾਂਗੀ।''
ਨੇਹਾ ਭਸੀਨ ਡਿਪਰੈਸ਼ਨ 'ਚ ਲੱਗੀ ਜਾਣ
ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਨੇਹਾ ਭਸੀਨ ਨੇ ਦਿਵਿਆ 'ਤੇ ਇਲਜ਼ਾਮ ਲਗਾਇਆ ਹੈ ਕਿ ਉਸ ਕਾਰਨ ਉਹ ਦੁਬਾਰਾ ਡਿਪਰੈਸ਼ਨ 'ਚ ਜਾਣ ਲੱਗੀ ਹੈ। ਉਸ ਨੂੰ ਸੁਸਾਈਡ ਦੇ ਵਿਚਾਰ ਆਉਣੇ ਸ਼ੁਰੂ ਹੋ ਗਏ। ਇਕ ਇੰਟਰਵਿਊ 'ਚ ਨੇਹਾ ਨੇ ਕਿਹਾ ਕਿ ਉਸ ਦੇ ਅੰਡਰਗਾਰਮੈਂਟਸ ਨੂੰ ਲੈ ਕੇ ਲੜਾਈ ਨੇ ਉਸ ਨੂੰ ਬਹੁਤ ਪ੍ਰਭਾਵਿਤ ਕੀਤਾ। ਨੇਹਾ ਦਾ ਕਹਿਣਾ ਹੈ ਕਿ ਦਿਵਿਆ ਲੋਕਾਂ ਦੇ ਦਿਮਾਗ ਨਾਲ ਖੇਡਦੀ ਹੈ।
ਨੋਟ - ਨੇਹਾ ਭਸੀਨ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਸਾਨੂੰ ਜ਼ਰੂਰ ਦੱਸੋ।
ਅਦਾਕਾਰਾ ਸਨੇਹਾ ਵਾਘ ਦੇ ਹੈਰਾਨੀਜਨਕ ਖ਼ੁਲਾਸੇ, ਦੱਸਿਆ ਕਿਉਂ ਟੁੱਟੇ 2 ਵਿਆਹ
NEXT STORY 
