ਜਲੰਧਰ (ਬਿਊਰੋ) : ਐਮੀ ਵਿਰਕ, ਤਾਨਿਆ ਅਤੇ ਗੁੱਗੂ ਗਿੱਲ ਸਟਾਰਰ ਫ਼ਿਲਮ 'ਓਏ ਮੱਖਣਾ' ਦਾ ਇੰਤਜ਼ਾਰ ਹੁਣ ਖ਼ਤਮ ਹੋ ਗਿਆ ਹੈ। ਪਿਆਰ ਦੀ ਇਹ ਦਿਲ ਨੂੰ ਛੂਹ ਲੈਣ ਵਾਲੀ ਕਹਾਣੀ, ਅੱਜ ਹੀ ਰਿਲੀਜ਼ ਹੋਈ, ਓਏ ਮੱਖਣਾ ਨੇ ਪੰਜਾਬੀ ਸਿਨੇਮਾ ਪ੍ਰੇਮੀਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਰੋਮਾਂਸ, ਡਰਾਮਾ, ਭਾਵਨਾਵਾਂ ਅਤੇ ਕਾਮੇਡੀ ਦਾ ਸੰਪੂਰਨ ਮਿਸ਼ਰਣ, ਇਸ ਨੂੰ ਇੱਕ ਸੰਪੂਰਨ ਪਰਿਵਾਰਕ ਫ਼ਿਲਮ ਬਣਾਉਂਦਾ ਹੈ। 'ਓਏ ਮੱਖਣਾ' ਪੰਜਾਬੀ ਫ਼ਿਲਮ ਇੰਡਸਟਰੀ 'ਚ ਨਵੇਂ ਮਾਪਦੰਡ ਸਥਾਪਤ ਕਰਨ ਦਾ ਵਾਅਦਾ ਕਰਦੀ ਹੈ। ਜਿੱਥੇ ਚਾਚਾ-ਭਤੀਜੇ, ਐਮੀ ਤੇ ਗੁੱਗੂ ਗਿੱਲ ਦੀ ਜੋੜੀ ਫ਼ਿਲਮ 'ਚ ਖਿੱਚ ਦਾ ਕੇਂਦਰ ਬਣ ਰਹੀ ਹੈ, ਉੱਥੇ ਹੀ ਐਮੀ ਵਿਰਕ ਤੇ ਤਾਨਿਆ ਵੀ ਕਹਿਰ ਢਾਹ ਰਹੇ ਹਨ। ਪ੍ਰਸ਼ੰਸਕ ਗੁੱਗੂ ਗਿੱਲ ਨੂੰ ਇੱਕ ਵਿਲੱਖਣ ਕਾਮਿਕ ਰੂਪ 'ਚ ਦਿਖਣਗੇ। ਅਸੀਂ ਗੁੱਗੂ ਗਿੱਲ ਨੂੰ ਆਮ ਤੌਰ 'ਤੇ ਸਖ਼ਤ ਅਤੇ ਗੁੱਸੇ ਭਰੇ ਕਿਰਦਾਰਾਂ 'ਚ ਦੇਖਿਆ ਹੈ ਪਰ ਓਏ ਮੱਖਣਾ 'ਚ ਉਹ ਡਰਾਮਾ ਤੇ ਕਈ ਹਾਸੋਹੀਣੇ ਸੀਨ ਕਰਦੇ ਨਜ਼ਰ ਆ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਵੱਡੀ ਖ਼ਬਰ : ਮੂਸੇ ਵਾਲਾ ਕਤਲ ਕੇਸ ’ਚ NIA ਨੇ ਮਨਕੀਰਤ ਔਲਖ ਤੇ ਦਿਲਪ੍ਰੀਤ ਢਿੱਲੋਂ ਤੋਂ ਕੀਤੀ ਪੁੱਛਗਿੱਛ
ਦੱਸ ਦਈਏ ਕਿ ਫ਼ਿਲਮ ਇਸ ਗੱਲ ਦਾ ਵੀ ਮਜ਼ਬੂਤ ਸੰਦੇਸ਼ ਦਿੰਦੀ ਹੈ ਕਿ ਜ਼ਿੰਦਗੀ 'ਚ ਹਰ ਇਕ ਚੀਜ਼ ਬਾਅਦ 'ਚ ਹੈ, ਸਭ ਤੋਂ ਪਹਿਲਾਂ ਪਰਿਵਾਰ ਕਿੰਨਾ ਜ਼ਰੂਰੀ ਹੈ। ਤੁਹਾਡੀ ਇੱਕ ਗ਼ਲਤੀ ਰਿਸ਼ਤੇ ਦੀਆਂ ਸਾਰੀਆਂ ਤਾਰਾਂ ਨੂੰ ਉਲਝਾ ਸਕਦੀ ਹੈ ਅਤੇ ਕਈਆਂ ਦੇ ਦਿਲ ਤੋੜ ਸਕਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਬ੍ਰੇਕ ਮਿਲਦੇ ਹੀ ਪੁੱਤਰ ਜੇਹ ਨਾਲ ਮਸਤੀ ਕਰਦੀ ਨਜ਼ਰ ਆਈ ਕਰੀਨਾ ਕਪੂਰ, ਤਸਵੀਰਾਂ ’ਚ ਛੋਟੇ ਨਵਾਬ ਨੇ ਦਿਖਾਇਆ ਸਵੈਗ
ਕੁੱਲ ਮਿਲਾ ਕੇ ਅਸੀਂ ਕਹਿ ਸਕਦੇ ਹਾਂ ਕਿ ਇਹ ਫ਼ਿਲਮ ਭਾਵਨਾਵਾਂ, ਡਰਾਮਾ, ਕਾਮੇਡੀ ਦਾ ਇੱਕ ਪਾਵਰ ਪੈਕ ਹੈ ਅਤੇ ਨੌਜਵਾਨਾਂ ਲਈ ਸੰਦੇਸ਼ ਦਿੰਦੀ ਹੈ। ਫ਼ਿਲਮ 'ਚ ਅਦਾਕਾਰਾਂ ਨੇ ਬਹੁਤ ਮਿਹਨਤ ਕੀਤੀ ਹੈ ਅਤੇ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਨਾ ਸਿਰਫ਼ ਅਦਾਕਾਰੀ ਸਗੋਂ ਫ਼ਿਲਮ ਦੀ ਪੂਰੀ ਟੀਮ ਨੇ ਮਿਲ ਕੇ ਬਹੁਤ ਵਧੀਆ ਕੰਮ ਕੀਤਾ ਹੈ ਅਤੇ ਫ਼ਿਲਮ ਦੇ ਸ਼ਾਨਦਾਰ ਗੀਤਾਂ ਨੇ ਇਸ ਨੂੰ ਹੋਰ ਆਕਰਸ਼ਕ ਬਣਾਉਣ ਲਈ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। ਫ਼ਿਲਮ ਦਾ ਨਿਰਦੇਸ਼ਨ ਸਿਮਰਜੀਤ ਸਿੰਘ ਨੇ ਕੀਤਾ ਹੈ ਅਤੇ ਇਸ ਦੀ ਕਹਾਣੀ ਰਾਕੇਸ਼ ਧਵਨ ਨੇ ਲਿਖੀ ਹੈ। ਫ਼ਿਲਮ ਦਰਸ਼ਕਾਂ ਨੂੰ ਹੋਰ ਵੀ ਬਹੁਤ ਕੁਝ ਦੇਣ ਵਾਲੀ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਮੂਸੇਵਾਲਾ ਕੇਸ ’ਚ NIA ਵੱਲੋਂ ਗਾਇਕਾਂ ਤੋਂ ਪੁੱਛਗਿੱਛ, ਅਨੁਸ਼ਕਾ ਨੇ ਪਤੀ ਵਿਰਾਟ ਲਈ ਜਤਾਈ ਖੁਸ਼ੀ, ਮਨੋਰੰਜਨ ਦੀਆਂ ਖ਼ਬਰਾਂ
NEXT STORY 
