ਚੰਡੀਗੜ੍ਹ (ਬਿਊਰੋ) : ਫ਼ਿਲਮ 'ਕਿਸਮਤ 2' ਦਾ ਸ਼ੂਟ ਪੂਰਾ ਹੋ ਗਿਆ ਹੈ। ਪੰਜਾਬੀ ਗਾਇਕ ਤੇ ਅਦਾਕਾਰ ਐਮੀ ਵਿਰਕ, ਸਰਗੁਣ ਮਹਿਤਾ ਤੇ ਤਾਨੀਆ ਸਟਾਰਰ 'ਕਿਸਮਤ 2' ਇਸ ਸਾਲ ਰਿਲੀਜ਼ ਹੋਣ ਵਾਲੀ ਸਭ ਤੋਂ ਮੋਸਟ ਅਵੇਟੇਡ ਫ਼ਿਲਮ ਹੈ। ਫ਼ਿਲਮ 'ਕਿਸਮਤ 2' 24 ਸਤੰਬਰ, 2021 ਨੂੰ ਰਿਲੀਜ਼ ਹੋਣੀ ਹੈ। ਇਸ ਫ਼ਿਲਮ ਦੀ ਸ਼ੂਟਿੰਗ 17 ਅਕਤੂਬਰ 2020 ਨੂੰ ਸ਼ੁਰੂ ਹੋਈ ਸੀ ਤੇ ਹੁਣ ਜਾ ਕੇ ਇਸ ਫ਼ਿਲਮ ਦੀ ਸ਼ੂਟਿੰਗ ਪੂਰੀ ਤਰ੍ਹਾਂ ਨਾਲ ਮੁਕੰਮਲ ਹੋਈ ਹੈ। ਫ਼ਿਲਮ ਦੇ ਪਹਿਲੇ ਸ਼ੈਡਿਊਲ ਦੀ ਸ਼ੂਟਿੰਗ ਭਾਰਤ 'ਚ ਹੋਈ ਹੈ ਅਤੇ ਇਸ ਫ਼ਿਲਮ ਦੀ ਟੀਮ ਅਗਲੇ ਸ਼ੈਡਿਊਲ ਦੀ ਸ਼ੂਟਿੰਗ ਲਈ ਯੂ. ਕੇ. ਗਈ ਸੀ। ਯੂ. ਕੇ. 'ਚ ਵੀ ਕੋਰੋਨਾ ਪਾਬੰਦੀਆਂ ਕਾਰਨ ਸ਼ੂਟਿੰਗ 'ਚ ਦੇਰੀ ਹੋਈ।
ਦੱਸ ਦਈਏ ਕਿ ਫ਼ਿਲਮ ਸ਼ੂਟਿੰਗ ਦੇ ਕੰਪਲੀਟ ਹੋਣ ਬਾਰੇ ਜਗਦੀਪ ਸਿੱਧੂ ਦੇ ਇਸ ਫ਼ਿਲਮ ਲਈ ਸਾਥੀ ਡਾਇਰੈਕਟਰ ਸੁੱਖ ਸੰਘੇੜਾ ਨੇ ਦੱਸਿਆ ਹੈ। ਸੁੱਖ ਸੰਘੇੜਾ ਨੇ ਕਿਹਾ ਕਿ ਸਾਡੀ ਟੀਮ 10+1 'ਤੇ ਭਰੋਸਾ ਕਰਨ ਲਈ ਟੀਮ 'ਕਿਸਮਤ' ਦਾ ਧੰਨਵਾਦ। ਯੂ. ਕੇ. 'ਚ ਅਸੀਂ ਪਹਿਲੀ ਵਾਰ ਕਿਸੇ ਫ਼ਿਲਮ ਦੀ ਪ੍ਰੋਡਕਸ਼ਨ ਕੀਤੀ ਹੈ ਅਤੇ ਇਹ ਬਹੁਤ ਵਧੀਆ ਐਕਸਪੀਰੀਐਂਸ ਰਿਹਾ।
ਦੱਸਣਯੋਗ ਹੈ ਕਿ ਫ਼ਿਲਮ 'ਕਿਸਮਤ 2' ਐਮੀ ਵਿਰਕ ਅਤੇ ਸਰਗੁਣ ਮਹਿਤਾ ਸਟਾਰਰ ਸਾਲ 2018 'ਚ ਆਈ ਫ਼ਿਲਮ 'ਕਿਸਮਤ' ਦਾ ਸੀਕੁਅਲ ਹੈ। ਪੰਜਾਬੀ ਸਿਨੇਮਾ 'ਚ ਬਣੀਆਂ ਹੁਣ ਤਕ ਦੀਆਂ ਬੈਸਟ ਫ਼ਿਲਮਾਂ 'ਚੋਂ ਇਕ ਫ਼ਿਲਮ 'ਕਿਸਮਤ' ਹੈ। ਇਸੇ ਕਰਕੇ 'ਕਿਸਮਤ 2' ਤੋਂ ਉਮੀਦਾਂ ਹੋਰ ਵੀ ਵੱਧ ਹਨ। ਦਰਸ਼ਕ ਇਸ ਫ਼ਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਜਗਦੀਪ ਸਿੱਧੂ ਨੇ ਆਪਣੀ ਅਗਲੀ ਫ਼ਿਲਮ ਦੀ ਅਨਾਊਸਮੈਂਟ ਕਰ ਦਿੱਤੀ ਹੈ। ਜਗਦੀਪ ਸਿੱਧੂ ਵੱਲੋਂ ਡਾਇਰੈਕਟਡ ਅਗਲੀ ਫ਼ਿਲਮ 'ਮੋਹ' ਹੋਵੇਗੀ, ਜਿਸ 'ਚ ਮਰਹੂਮ ਗਾਇਕ ਸੁਰਜੀਤ ਬਿੰਦਰਖੀਆ ਦੇ ਪੁੱਤਰ ਗਿਤਾਜ਼ ਬਿੰਦਰਖੀਆ ਹੋਣਗੇ। ਗਿਤਾਜ਼ ਬਿੰਦਰਖੀਆ ਦੀ ਗਾਇਕ ਦੇ ਤੌਰ 'ਤੇ ਇੰਡਸਟਰੀ 'ਚ ਪਛਾਣ ਬਣੀ ਹੋਈ ਹੈ ਅਤੇ ਗਿਤਾਜ਼ ਬਿੰਦਰਖੀਆ ਨੇ ਇਸ ਤੋਂ ਪਹਿਲਾ ਸਾਲ 2013 'ਚ ਫ਼ਿਲਮ 'just u & me' ਕੀਤੀ ਸੀ। ਉਸ ਸਮੇਂ ਜਗਦੀਪ ਸਿੱਧੂ ਨੇ ਇਸ ਫ਼ਿਲਮ ਦੇ ਡਾਇਲਾਗ ਲਿਖੇ ਸਨ।
ਖ਼ਬਰਾਂ ਮੁਤਾਬਕ ਜਗਦੀਪ ਸਿੱਧੂ ਦੀ ਇਹ ਫ਼ਿਲਮ ਗਿਤਾਜ਼ ਬਿੰਦਰਖੀਆ ਦੇ ਮਰਹੂਮ ਪਿਤਾ ਸੁਰਜੀਤ ਬਿੰਦਰਖੀਆ ਦੀ ਜ਼ਿੰਦਗੀ ਨਾਲ ਜੁੜੀ ਹੋ ਸਕਦੀ ਹੈ। ਫਿਲਹਾਲ ਇਸ ਫ਼ਿਲਮ ਦੀ ਬਾਕੀ ਕਾਸਟ ਅਤੇ ਰਾਈਟਰ ਬਾਰੇ ਹਾਲੇ ਤੱਕ ਕੋਈ ਖ਼ੁਲਾਸਾ ਨਹੀਂ ਕੀਤਾ ਗਿਆ।
ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਆਈ ਗਾਇਕਾ ਸ਼ਿਪਰਾ ਗੋਇਲ, ਕੀਤੀ ਖ਼ਾਸ ਸ਼ੁਰੂਆਤ
NEXT STORY 
