ਮੁੰਬਈ (ਬਿਊਰੋ)– ‘ਕਿੰਨਰ ਬਹੂ’ ਤੇ ‘ਬਿੱਗ ਬੌਸ 14’ ਦੀ ਜੇਤੂ ਦੇ ਤੌਰ ’ਤੇ ਟੀ. ਵੀ. ਦੀ ਦੁਨੀਆ ’ਚ ਹਰ ਘਰ ’ਚ ਆਪਣਾ ਨਾਂ ਬਣਾਉਣ ਵਾਲੀ ਰੁਬੀਨਾ ਦਿਲਾਇਕ ਦੇ ਘਰ ’ਚ ਜਲਦ ਹੀ ਕਿਲਕਾਰੀਆਂ ਗੂੰਜਣ ਵਾਲੀਆਂ ਹਨ। ਉਹ ਆਪਣੇ ਵਿਆਹ ਦੇ ਕਰੀਬ 5 ਸਾਲ ਬਾਅਦ ਜੁੜਵਾਂ ਬੱਚਿਆਂ ਦੀ ਮਾਂ ਬਣਨ ਜਾ ਰਹੀ ਹੈ। ਪਤੀ ਅਭਿਨਵ ਸ਼ੁਕਲਾ ਤੇ ਉਸ ਲਈ ਇਹ ਵੱਡੀ ਗੱਲ ਹੈ। ਇਸ ਬਾਰੇ ਜੋੜੇ ਨੇ ਖ਼ੁਦ ਖ਼ੁਲਾਸਾ ਕੀਤਾ ਹੈ। ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਦੱਸਿਆ ਕਿ ਪ੍ਰੈਗਨੈਂਸੀ ਦੌਰਾਨ ਉਸ ਦਾ ਸੜਕ ਹਾਦਸਾ ਹੋਇਆ ਸੀ, ਜਿਸ ਕਾਰਨ ਉਸ ਨੂੰ ਪ੍ਰੈਗਨੈਂਸੀ ’ਚ ਕਾਫੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।
ਰੁਬੀਨਾ ਦਿਲਾਇਕ ਹਾਲ ਹੀ ’ਚ ਪੋਡਕਾਸਟ ‘ਕਿਸੀ ਨੇ ਬਤਾਇਆ ਨਹੀਂ ਦਿ ਮਮਾਕਾਡੋ’ ਸ਼ੋਅ ’ਚ ਸ਼ਾਮਲ ਹੋਈ ਹੈ। ਇਸ ਦੌਰਾਨ ਉਹ ਕਾਫੀ ਖ਼ੁਸ਼ ਨਜ਼ਰ ਆਈ। ਸ਼ੋਅ ’ਚ ਉਸ ਨੇ ਆਪਣੀ ਨਿੱਜੀ ਜ਼ਿੰਦਗੀ ਤੇ ਕੰਮਕਾਜੀ ਜ਼ਿੰਦਗੀ ਬਾਰੇ ਗੱਲ ਕੀਤੀ। ਉਸ ਨੇ ਆਪਣੇ ਬੱਚੇ ਬਾਰੇ ਕੁਝ ਖ਼ਾਸ ਗੱਲਾਂ ਵੀ ਪ੍ਰਸ਼ੰਸਕਾਂ ਨਾਲ ਸਾਂਝੀਆਂ ਕੀਤੀਆਂ। ਇਸ ਦੌਰਾਨ ਉਸ ਨੇ ਦੱਸਿਆ ਕਿ ਜਦੋਂ ਉਸ ਦੇ ਪਤੀ ਅਭਿਨਵ ਸ਼ੁਕਲਾ ਨੂੰ ਉਸ ਦੇ ਜੁੜਵਾ ਬੱਚਿਆਂ ਬਾਰੇ ਪਤਾ ਲੱਗਾ ਤਾਂ ਉਹ ਹੈਰਾਨ ਰਹਿ ਗਿਆ। ਇਸ ਦੇ ਨਾਲ ਹੀ ਉਸ ਨੇ ਆਪਣੀ ਪ੍ਰੈਗਨੈਂਸੀ ਦੀਆਂ ਸ਼ੁਰੂਆਤੀ ਸਮੱਸਿਆਵਾਂ ਬਾਰੇ ਵੀ ਦੱਸਿਆ।
ਆਪਣੀ ਪ੍ਰੈਗਨੈਂਸੀ ਬਾਰੇ ਅਦਾਕਾਰਾ ਨੇ ਖ਼ੁਲਾਸਾ ਕੀਤਾ ਕਿ ਡਾਕਟਰ ਨੇ ਸ਼ੁਰੂ ’ਚ ਉਸ ਨੂੰ ਇਹ ਕਹਿ ਕੇ ਡਰਾਇਆ ਸੀ ਕਿ 12 ਹਫ਼ਤੇ ਗੰਭੀਰ ਹੋਣਗੇ ਤੇ ਉਸ ਨੇ ਇਸ ਦਾ ਜ਼ਿਕਰ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਕਾਰਨ ਅਸੀਂ 3 ਮਹੀਨੇ ਤੱਕ ਕਿਸੇ ਨੂੰ ਕੁਝ ਨਹੀਂ ਦੱਸਿਆ। ਸਾਨੂੰ ਡਾਕਟਰੀ ਤੌਰ ’ਤੇ ਇਹ ਯਕੀਨੀ ਬਣਾਉਣਾ ਪਿਆ ਕਿ ਦੋਵੇਂ ਜੁੜਵਾਂ ਬੱਚੇ ਸਾਹ ਲੈ ਰਹੇ ਸਨ ਤੇ ਹੁਣ ਅਸੀਂ ਇਹ ਖ਼ਬਰ ਆਪਣੇ ਨਜ਼ਦੀਕੀਆਂ ਨਾਲ ਸਾਂਝੀ ਕਰ ਸਕਦੇ ਹਾਂ। ਉਹ ਤਿੰਨ ਮਹੀਨੇ ਬਹੁਤ ਤਣਾਅ ਭਰੇ ਸਨ।
ਇਹ ਖ਼ਬਰ ਵੀ ਪੜ੍ਹੋ : ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੇ ਮੁੜ ਦਿੱਤੀ ਸਲਮਾਨ ਖ਼ਾਨ ਨੂੰ ਧਮਕੀ, ਅਲਰਟ 'ਤੇ ਮੁੰਬਈ ਪੁਲਸ, ਵਧਾਈ ਸੁਰੱਖਿਆ
ਉਸ ਨੇ ਅੱਗੇ ਕਿਹਾ ਕਿ ਅਭਿਨਵ ਜੁੜਵਾਂ ਗਰਭ ਅਵਸਥਾ ਨੂੰ ਲੈ ਕੇ ਬਹੁਤ ਚਿੰਤਿਤ ਸੀ। ਉਹ ਅੱਗੇ ਕਹਿੰਦੀ ਹੈ, ‘‘ਮੈਨੂੰ ਉਹ ਦਿਨ ਅਜੇ ਵੀ ਯਾਦ ਹੈ ਜਦੋਂ ਮੈਨੂੰ ਇਸ ਬਾਰੇ ਪਤਾ ਲੱਗਾ ਤੇ ਅਸੀਂ ਘਰ ਵਾਪਸ ਆ ਰਹੇ ਸੀ। ਮੈਂ ਅਭਿਨਵ ਨੂੰ ਕਿਹਾ ਕਿ ਜੁੜਵਾਂ ਗਰਭ ਅਵਸਥਾ ਬਹੁਤ ਗੁੰਝਲਦਾਰ ਹੈ ਤੇ ਸਾਨੂੰ ਬਹੁਤ ਸਾਵਧਾਨ ਰਹਿਣਾ ਚਾਹੀਦਾ ਹੈ। ਮੈਂ ਉਤੇਜਿਤ ਸੀ ਪਰ ਨਾਲ ਹੀ ਮੈਂ ਘਬਰਾ ਗਈ ਤੇ ਡਰੀ ਹੋਈ ਸੀ। ਰੁਬੀਨਾ ਨੇ ਆਪਣੇ ਸੜਕ ਹਾਦਸੇ ਬਾਰੇ ਹੋਰ ਖ਼ੁਲਾਸਾ ਕੀਤਾ। ਅਦਾਕਾਰਾ ਨੇ ਕਿਹਾ, ‘‘ਜਦੋਂ ਉਹ ਆਪਣੇ ਤੀਜੇ ਮਹੀਨੇ ਦੀ ਪ੍ਰੈਗਨੈਂਸੀ ਸਕੈਨ ਤੋਂ ਵਾਪਸ ਆ ਰਹੀ ਸੀ ਤਾਂ ਉਸ ਦੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ ਤੇ ਉਸ ਨੂੰ ਝਟਕਾ ਲੱਗਾ। ਹਾਦਸੇ ’ਚ ਉਹ ਪਹਿਲਾਂ ਸੀਟ ’ਤੇ ਪਿੱਛੇ ਡਿੱਗ ਗਈ ਤੇ ਫਿਰ ਉਸ ਦੇ ਸਿਰ ’ਚ ਸੱਟ ਲੱਗੀ। ਇਸ ਕਾਰਨ ਉਹ ਘਬਰਾ ਗਈ। ਇਹੀ ਕਾਰਨ ਸੀ ਕਿ ਅਦਾਕਾਰਾ ਨੇ ਇਸ ਗੱਲ ਨੂੰ ਲੁਕਾ ਕੇ ਰੱਖਿਆ।’’
ਰੁਬੀਨਾ ਦਾ ਕਹਿਣਾ ਹੈ ਕਿ ਜਦੋਂ ਉਹ ਚਾਰ ਮਹੀਨੇ ਦੀ ਗਰਭਵਤੀ ਸੀ ਤਾਂ ਉਸ ਨੂੰ ਪਿੱਠ ਦੀ ਸਮੱਸਿਆ ਹੋਣ ਲੱਗੀ। ਉਸ ਨੇ ਠੋਸ ਭੋਜਨ ਲੈਣਾ ਸ਼ੁਰੂ ਕਰ ਦਿੱਤਾ ਤੇ ਇਸ ਕਾਰਨ ਹਾਈ ਬਲੱਡ ਪ੍ਰੈਸ਼ਰ ਤੇ ਸ਼ੂਗਰ ਦਾ ਖ਼ਤਰਾ ਵਧਣ ਲੱਗਾ, ਇਸ ਲਈ ਉਸ ਨੇ ਸਾਵਧਾਨੀਆਂ ਵਰਤਣੀਆਂ ਸ਼ੁਰੂ ਕਰ ਦਿੱਤੀਆਂ। ਅਜਿਹੇ ਮਾਹੌਲ ’ਚ ਖੁਰਾਕ ਨੂੰ ਕੰਟਰੋਲ ਕਰਨਾ ਪੈਂਦਾ ਸੀ। ਰੁਬੀਨਾ ਨੂੰ ਗਰਭ ਅਵਸਥਾ ਦੌਰਾਨ ਬਹੁਤ ਪਸੀਨਾ ਆਉਂਦਾ ਹੈ। ਉਸ ਨੂੰ ਇੰਨੀ ਗਰਮੀ ਮਹਿਸੂਸ ਹੁੰਦੀ ਹੈ ਕਿ ਉਹ ਡੇਢ ਮਹੀਨੇ ਤੱਕ ਆਪਣੇ ਪੈਰਾਂ ਨੂੰ ਬਰਫ਼ ਦੇ ਠੰਡੇ ਪਾਣੀ ’ਚ ਰੱਖਦੀ ਸੀ। ਕਈ ਵਾਰ ਡਾਕਟਰ ਦੀ ਸਲਾਹ ਲੈ ਕੇ ਦਿਨ ’ਚ ਦੋ-ਤਿੰਨ ਵਾਰ ਠੰਡੇ ਪਾਣੀ ਨਾਲ ਨਹਾਉਂਦੀ ਸੀ। ਸੌਣ ਲਈ ਵੀ ਉਸ ਨੇ AC ਦਾ ਤਾਪਮਾਨ 16 ਡਿਗਰੀ ’ਤੇ ਰੱਖਿਆ, ਜਿਸ ਦਾ ਖਾਮਿਆਜ਼ਾ ਅਭਿਨਵ ਨੂੰ ਝੱਲਣਾ ਪਿਆ। ਉਸ ਨੂੰ ਅਕਸਰ ਸਿਰ ਦਰਦ ਤੇ ਜ਼ੁਕਾਮ ਹੋ ਜਾਂਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਮਹੇਸ਼ ਬਾਬੂ ਤੇ ਰਾਜਾਮੌਲੀ ਨੇ ‘ਐਨੀਮਲ’ ਪ੍ਰੀ-ਰਿਲੀਜ਼ ਪ੍ਰੋਗਰਾਮ ’ਚ ਆਕਰਸ਼ਣ ਵਧਾਇਆ
NEXT STORY 
