ਮੁੰਬਈ (ਬਿਊਰੋ) - ਬਾਲੀਵੁੱਡ ‘ਚ ਕੁਝ ਅਜਿਹੀਆਂ ਫ਼ਿਲਮਾਂ ਬਣੀਆਂ ਹਨ, ਜਿਨ੍ਹਾਂ ਨੂੰ ਹਰ ਉਮਰ ਵਰਗ ਦੇ ਲੋਕ ਪਸੰਦ ਕਰਦੇ ਹਨ। ਅਜਿਹੇ ‘ਚ ਸਭ ਤੋਂ ਪਹਿਲਾਂ ਜੋ ਨਾਂ ਆਉਂਦਾ ਹੈ ਉਹ ਫ਼ਿਲਮ ‘ਸ਼ੋਅਲੇ’ ਦਾ ਹੈ, ਜੋ ਸਾਲ 1975 ‘ਚ ਤੂਫਾਨ ਵਾਂਗ ਆਈ ਅਤੇ ਬਾਕਸ ਆਫਿਸ ਦੀ ਸਾਰੀ ਕਮਾਈ ਆਪਣੇ ਨਾਲ ਲੈ ਗਈ। ਹਾਲ ਹੀ ‘ਚ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖ਼ਾਨ ਨੇ ਇਸ ਫ਼ਿਲਮ ਦਾ ਰੀਮੇਕ ਬਣਾਉਣ ਦੀ ਇੱਛਾ ਜ਼ਾਹਰ ਕੀਤੀ ਹੈ।
'ਸ਼ੋਅਲੇ' ਨੂੰ ਰਿਲੀਜ਼ ਹੋਏ 49 ਸਾਲ ਹੋ ਗਏ ਹਨ ਅਤੇ ਅੱਜ ਵੀ ਇਸ ਫ਼ਿਲਮ ਦੀ ਕਹਾਣੀ ਅਤੇ ਕਿਰਦਾਰ ਦੋਵੇਂ ਹੀ ਹਰ ਘਰ 'ਚ ਮਸ਼ਹੂਰ ਹਨ। ਇਸ ਫ਼ਿਲਮ ਦੀ ਕਹਾਣੀ 'ਤੇ ਸਲੀਮ ਖ਼ਾਨ ਅਤੇ ਜਾਵੇਦ ਅਖਤਰ ਨੇ ਕੰਮ ਕੀਤਾ ਹੈ। ਦੋਵਾਂ ਨੇ ਕਈ ਬਲਾਕਬਸਟਰ ਫ਼ਿਲਮਾਂ ਦਿੱਤੀਆਂ ਹਨ ਪਰ ਇਹ ਜੋੜੀ ਵਿਚਾਲੇ ਹੀ ਵੱਖ ਹੋ ਗਈ, ਜੋ ਸਾਰਿਆਂ ਲਈ ਵੱਡਾ ਝਟਕਾ ਸੀ। ਹੁਣ ਲਗਭਗ 37 ਸਾਲਾਂ ਬਾਅਦ, ਦੋਵੇਂ 'ਐਂਗਰੀ ਯੰਗ ਮੈਨ' ਨਾਮ ਦੀ ਇੱਕ ਦਸਤਾਵੇਜ਼ੀ-ਸੀਰੀਜ਼ 'ਚ ਇਕੱਠੇ ਨਜ਼ਰ ਆਏ ਹਨ। ਇਸ ਸੀਰੀਜ਼ ਨੂੰ ਹਾਲ ਹੀ 'ਚ ਪ੍ਰਾਈਮ ਵੀਡੀਓ 'ਤੇ ਰਿਲੀਜ਼ ਕੀਤਾ ਗਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਅਦਾਕਾਰਾ ਨੀਰੂ ਬਾਜਵਾ ਪਿੱਛੇ ਆਪਸ 'ਚ ਭਿੜੇ ਫੈਨਜ਼, ਜਾਣੋ ਕੀ ਹੈ ਮਾਮਲਾ
ਸ਼ੋਅਲੇ ਦਾ ਰੀਮੇਕ ਬਣਾਉਣਾ ਚਾਹੁੰਦੇ ਹਨ
ਇਸ ਲੜੀਵਾਰ ਬਾਰੇ ਚਰਚਾ ਦੌਰਾਨ ਫ਼ਿਲਮਸਾਜ਼ ਫਰਾਹ ਖ਼ਾਨ ਨੇ ਸਲਮਾਨ ਖ਼ਾਨ ਨੂੰ ਪੁੱਛਿਆ ਕਿ ਜੇਕਰ ਤੁਹਾਨੂੰ ਸਲੀਮ-ਜਾਵੇਦ ਦੀ ਕਿਸੇ ਫ਼ਿਲਮ ਦਾ ਰੀਮੇਕ ਬਣਾਉਣਾ ਪਿਆ ਤਾਂ ਤੁਸੀਂ ਕਿਹੜੀ ਫ਼ਿਲਮ ਬਣਾਓਗੇ? ਇਸ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਸਲਮਾਨ ਨੇ ਕਿਹਾ ਕਿ ਉਹ ਫ਼ਿਲਮ 'ਸ਼ੋਅਲੇ' ਅਤੇ 'ਦੀਵਾਰ' ਦਾ ਰੀਮੇਕ ਬਣਾਉਣਗੇ ਅਤੇ ਇੰਨਾ ਹੀ ਨਹੀਂ ਉਨ੍ਹਾਂ ਤੋਂ ਇਹ ਵੀ ਪੁੱਛਿਆ ਗਿਆ ਕਿ ਉਹ ਕਿਹੜਾ ਕਿਰਦਾਰ ਨਿਭਾਉਣਗੇ। ਇਸ ਸਵਾਲ ‘ਤੇ ਜਾਵੇਦ, ਜ਼ੋਇਆ ਅਖਤਰ, ਨਮਰਤਾ ਰਾਓ ਅਤੇ ਉਥੇ ਮੌਜੂਦ ਬਾਕੀ ਸਾਰੇ ਲੋਕ ਵੀਰੂ ਦੀ ਭੂਮਿਕਾ ਲਈ ਸਹਿਮਤ ਹੋ ਗਏ। ਹਾਲਾਂਕਿ, ਸਲਮਾਨ ਨੇ ਕਿਹਾ ਕਿ ਉਹ ਜੈ ਅਤੇ ਵੀਰੂ ਦੋਵਾਂ ਦੀ ਭੂਮਿਕਾ ਨਿਭਾ ਸਕਦੇ ਹਨ ਅਤੇ ਇੰਨਾ ਹੀ ਨਹੀਂ, ਉਹ ਗੱਬਰ ਦੀ ਭੂਮਿਕਾ ਵੀ ਨਿਭਾਉਣਗੇ। ਇਸ ਗੱਲਬਾਤ ਦੌਰਾਨ ਸਲਮਾਨ ਖ਼ਾਨ ਸਾਰੇ ਕਿਰਦਾਰ ਨਿਭਾਉਣ ਲਈ ਉਤਸ਼ਾਹਿਤ ਨਜ਼ਰ ਆਏ।
ਇਹ ਖ਼ਬਰ ਵੀ ਪੜ੍ਹੋ - ਦਿਲਜੀਤ ਦੇ ਦੀਵਾਨੇ ਹੋਏ ਸ਼ੋਇਬ ਅਖਤਰ, ਹੁਣ ਦੋਸਾਂਝਾਵਾਲਾ ਕਰੇਗਾ ਪਾਕਿ ਕ੍ਰਿਕੇਟਰ ਦੀ ਇੱਛਾ ਪੂਰੀ
ਫ਼ਿਲਮ ਦੇ ਸਾਰੇ ਕਿਰਦਾਰ ਹਨ ਮਸ਼ਹੂਰ
‘ਸ਼ੋਅਲੇ’ ਦਾ ਨਿਰਦੇਸ਼ਨ ਰਮੇਸ਼ ਸਿੱਪੀ ਨੇ ਕੀਤਾ ਸੀ, ਜੋ ਸੁਪਰਹਿੱਟ ਫ਼ਿਲਮ ਸੀ। ਇਸ 'ਚ ਅਮਿਤਾਭ ਬੱਚਨ, ਧਰਮਿੰਦਰ, ਜਯਾ ਬੱਚਨ, ਹੇਮਾ ਮਾਲਿਨੀ, ਸੰਜੀਵ ਕੁਮਾਰ ਅਤੇ ਅਮਜਦ ਖ਼ਾਨ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਹਾਲਾਂਕਿ, ਸ਼ੁਰੂ 'ਚ ਡੈਨੀ ਡੇਨਜੱਪਾ ਦਾ ਨਾਮ ਗੱਬਰ ਦੀ ਭੂਮਿਕਾ ਲਈ ਆਇਆ, ਜਿਸ ਨੂੰ ਬਾਅਦ 'ਚ ਅਮਜਦ ਖ਼ਾਨ ਨੇ ਨਿਭਾਇਆ। ਇਸ ਫ਼ਿਲਮ ਦੇ ਸਾਰੇ ਕਿਰਦਾਰ ਅਤੇ ਗੀਤ ਮਸ਼ਹੂਰ ਹਨ।
'ਸ਼ੋਅਲੇ' ਤੋਂ ਇਲਾਵਾ ਸਲਮਾਨ ਨੇ 'ਦੀਵਾਰ' ਦਾ ਰੀਮੇਕ ਬਣਾਉਣ ਦੀ ਵੀ ਗੱਲ ਕੀਤੀ ਸੀ। 'ਦੀਵਾਰ' ਦਾ ਨਿਰਦੇਸ਼ਨ ਯਸ਼ ਚੋਪੜਾ ਨੇ ਕੀਤਾ ਸੀ ਅਤੇ ਇਸ ਦੀ ਕਹਾਣੀ ਸਲੀਮ-ਜਾਵੇਦ ਦੀ ਜੋੜੀ ਨੇ ਲਿਖੀ ਸੀ। ਇਸ ਫ਼ਿਲਮ 'ਚ ਸ਼ਸ਼ੀ ਕਪੂਰ, ਅਮਿਤਾਭ ਬੱਚਨ, ਨੀਤੂ ਸਿੰਘ, ਨਿਰੂਪਾ ਰਾਏ ਸਮੇਤ ਕਈ ਦਿੱਗਜ ਕਲਾਕਾਰ ਸਨ। 'ਐਂਗਰੀ ਯੰਗ ਮੈਨ' ਦਾ ਪਹਿਲਾ ਸੀਜ਼ਨ 20 ਅਗਸਤ ਨੂੰ ਰਿਲੀਜ਼ ਹੋਇਆ ਹੈ, ਜਿਸ ‘ਚ ਸਲੀਮ-ਜਾਵੇਦ ਦੇ ਪ੍ਰੋਜੈਕਟ ਨਾਲ ਜੁੜੇ ਕਈ ਵੱਡੇ ਕਲਾਕਾਰਾਂ ਦੀਆਂ ਅਣਸੁਣੀਆਂ ਕਹਾਣੀਆਂ ਸਾਹਮਣੇ ਆ ਰਹੀਆਂ ਹਨ। ਇਹ ਡਾਕੂ-ਸੀਰੀਜ਼ ਪ੍ਰਾਈਮ ਵੀਡੀਓ ‘ਤੇ ਸਟ੍ਰੀਮ ਹੋ ਰਹੀ ਹੈ, ਜਿਸ ‘ਚ ਅਮਿਤਾਭ ਬੱਚਨ, ਜਯਾ ਬੱਚਨ, ਹੇਮਾ ਮਾਲਿਨੀ ਵਰਗੇ ਕਈ ਮਸ਼ਹੂਰ ਸਿਤਾਰੇ ਸਲੀਮ-ਜਾਵੇਦ ਬਾਰੇ ਗੱਲ ਕਰਦੇ ਹੋਏ ਨਜ਼ਰ ਆ ਸਕਦੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਗੈਵੀ ਚਾਹਲ ਦਾ ਫੈਨਜ਼ ਨੂੰ ਖ਼ਾਸ ਤੋਹਫ਼ਾ, ਸਾਹਮਣੇ ਆਈ ਪਹਿਲੀ ਝਲਕ
NEXT STORY 
