ਜਲੰਧਰ (ਬਿਊਰੋ)– ਸਨਾ ਖ਼ਾਨ ਨੇ ਹਾਲ ਹੀ ’ਚ ਗੁਜਰਾਤ ਦੇ ਮੁਫਤੀ ਅਨਸ ਸਈਦ ਨਾਲ ਨਿਕਾਹ ਕਰਵਾਇਆ ਹੈ। ਉਸ ਦੇ ਨਿਕਾਹ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ।
ਵਿਆਹ ਤੋਂ ਬਾਅਦ ਬਦਲਿਆ ਨਾਂ
ਸਨਾ ਖ਼ਾਨ ਨੇ ਨਿਕਾਹ ਤੋਂ ਬਾਅਦ ਆਪਣਾ ਨਾਂ ਵੀ ਬਦਲ ਲਿਆ ਹੈ। ਹੁਣ ਉਸ ਦਾ ਪੂਰਾ ਨਾਂ ਸਈਦ ਸਨਾ ਖ਼ਾਨ ਹੈ। ਉਸ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ’ਤੇ ਵੀ ਇਹੀ ਨਾਂ ਲਿਖਿਆ ਹੈ।
ਸਨਾ ਖ਼ਾਨ ਨੇ ਜਿਥੇ ਨਿਕਾਹ ’ਤੇ ਸਫੈਦ ਰੰਗ ਦਾ ਵੈਡਿੰਗ ਗਾਊਨ ਪਹਿਨਿਆ ਸੀ, ਉਥੇ ਵਲੀਮਾ ਲਈ ਖੂਬਸੂਰਤ ਲਾਲ ਰੰਗ ਦਾ ਲਹਿੰਗਾ ਪਹਿਨਿਆ।
ਇਹ ਖ਼ਬਰ ਵੀ ਪੜ੍ਹੋ : ਧੀ ਦੇ ਜਨਮਦਿਨ ਮੌਕੇ ਵਧਾਈਆਂ ਦੇਣ ਵਾਲਿਆਂ ਦਾ ਦੀਪ ਢਿੱਲੋਂ ਨੇ ਕੀਤਾ ਧੰਨਵਾਦ, ਤੁਸੀਂ ਵੀ ਦੇਖੋ ਦਿਲਕਸ਼ ਤਸਵੀਰਾਂ
ਸਨਾ ਨੇ ਦੱਸੀ ਵਿਆਹ ਦੀ ਵਜ੍ਹਾ
ਸਨਾ ਖ਼ਾਨ ਦੇ ਮੁਫਤੀ ਅਨਸ ਸਈਦ ਨਾਲ ਨਿਕਾਹ ’ਤੇ ਸਾਰੇ ਹੈਰਾਨ ਸਨ ਤੇ ਇਸੇ ਵਿਚਾਲੇ ਸਨਾ ਨੇ ਉਹ ਵਜ੍ਹਾ ਵੀ ਦੱਸੀ, ਜਿਸ ਦੇ ਚਲਦਿਆਂ ਉਸ ਨੇ ਨਿਕਾਹ ਕਰਵਾਇਆ। ਸਨਾ ਨੇ ਸਈਦ ਨਾਲ ਆਪਣੇ ਨਿਕਾਹ ਦੀ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ ਸੀ, ‘ਇਕ-ਦੂਜੇ ਨੂੰ ਪਿਆਰ ਕੀਤਾ ਅੱਲ੍ਹਾ ਵਾਸਤੇ। ਇਕ-ਦੂਜੇ ਨਾਲ ਵਿਆਹ ਕੀਤਾ ਅੱਲ੍ਹਾ ਵਾਸਤੇ। ਅੱਲ੍ਹਾ ਸਾਨੂੰ ਇਸ ਦੁਨੀਆ ’ਚ ਇਕੱਠਿਆਂ ਰੱਖੇ ਤੇ ਜੰਨਤ ’ਚ ਵੀ ਇਕੱਠਿਆਂ ਰੱਖੇ।’
ਇਹ ਖ਼ਬਰ ਵੀ ਪੜ੍ਹੋ : ਨੇਹਾ-ਰੋਹਨ ਦੇ ਵਿਆਹ ਨੂੰ ਹੋਇਆ ਇਕ ਮਹੀਨਾ ਪੂਰਾ, ਚਾਹੁਣ ਵਾਲਿਆਂ ਨੂੰ ਦਿੱਤਾ ਖਾਸ ਤੋਹਫ਼ਾ
ਕੁਝ ਮਹੀਨੇ ਪਹਿਲਾਂ ਛੱਡਿਆ ਸੀ ਬਾਲੀਵੁੱਡ
ਸਨਾ ਨੇ ਕੁਝ ਮਹੀਨੇ ਪਹਿਲਾਂ ਹੀ ਬਾਲੀਵੁੱਡ ਛੱਡਣ ਦਾ ਐਲਾਨ ਕੀਤਾ ਸੀ। ਉਸ ਸਮੇਂ ਉਸ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਲਿਖਿਆ ਸੀ, ‘ਅੱਜ ਮੈਂ ਆਪਣੀ ਜ਼ਿੰਦਗੀ ਦੇ ਇਕ ਅਹਿਮ ਮੋੜ ’ਤੇ ਤੁਹਾਡੇ ਨਾਲ ਗੱਲ ਕਰ ਰਹੀ ਹਾਂ। ਮੈਂ ਸਾਲਾਂ ਤੋਂ ਫ਼ਿਲਮ ਇੰਡਸਟਰੀ ਦੀ ਜ਼ਿੰਦਗੀ ਗੁਜ਼ਾਰ ਰਹੀ ਹਾਂ ਤੇ ਇਸ ਦੌਰਾਨ ਮੈਨੂੰ ਹਰ ਤਰ੍ਹਾਂ ਸ਼ੋਹਰਤ, ਇੱਜ਼ਤ ਤੇ ਦੌਲਤ ਆਪਣੇ ਚਾਹੁਣ ਵਾਲਿਆਂ ਵਲੋਂ ਨਸੀਬ ਹੋਈ ਹੈ, ਜਿਸ ਲਈ ਮੈਂ ਉਨ੍ਹਾਂ ਦੀ ਸ਼ੁਕਰਗੁਜ਼ਾਰ ਹਾਂ। ਮੈਂ ਅੱਜ ਇਹ ਐਲਾਨ ਕਰਦੀ ਹਾਂ ਕਿ ਮੈਂ ਆਪਣੀ ਫ਼ਿਲਮ ਇੰਡਸਟਰੀ ਦੀ ਜ਼ਿੰਦਗੀ ਨੂੰ ਛੱਡ ਕੇ ਇਨਸਾਨੀਅਤ ਦੀ ਖ਼ਿਦਮਤ ਤੇ ਆਪਣੇ ਪੈਦਾ ਕਰਨ ਵਾਲੇ ਦੇ ਹੁਕਮ ’ਤੇ ਚੱਲਣ ਦਾ ਇਰਾਦਾ ਪੱਕਾ ਕਰਦੀ ਹਾਂ।’
ਕੌਣ ਹਨ ਮੁਫਤੀ ਅਨਸ ਸਈਦ?
ਮੁਫਤੀ ਅਨਸ ਸਈਦ ਗੁਜਰਾਤ ਦੇ ਸੂਰਤ ’ਚ ਰਹਿਣ ਵਾਲੇ ਹਨ ਤੇ ਉਹ ਇਕ ਧਾਰਮਿਕ ਨੇਤਾ/ਇਸਲਾਮਿਕ ਸਕਾਲਰ ਹਨ। ਜਾਣਕਾਰੀ ਮੁਤਾਬਕ ਮੁਫਤੀ ਅਨਸ ਸਈਦ ਇਕ ਬਿਜ਼ਨੈੱਸਮੈਨ ਵੀ ਹਨ।
ਧੀ ਦੇ ਜਨਮਦਿਨ ਮੌਕੇ ਵਧਾਈਆਂ ਦੇਣ ਵਾਲਿਆਂ ਦਾ ਦੀਪ ਢਿੱਲੋਂ ਨੇ ਕੀਤਾ ਧੰਨਵਾਦ, ਤੁਸੀਂ ਵੀ ਦੇਖੋ ਦਿਲਕਸ਼ ਤਸਵੀਰਾਂ
NEXT STORY 
