ਮੁੰਬਈ- ਅਸ਼ਲੀਲ ਵੀਡੀਓ ਮਾਮਲੇ 'ਚ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਦੋ ਮਹੀਨੇ ਬਾਅਦ ਜੇਲ੍ਹ ਤੋਂ ਰਿਹਾਅ ਹੋ ਗਏ ਹਨ। ਉਨ੍ਹਾਂ ਦੀ ਜ਼ਮਾਨਤ ਤੋਂ ਬਾਅਦ ਅਦਾਕਾਰਾ ਸ਼ਰਲਿਨ ਚੋਪੜਾ ਉਨ੍ਹਾਂ 'ਤੇ ਦਿੱਤੇ ਗਏ ਆਪਣੇ ਬਿਆਨਾਂ ਨੂੰ ਲੈ ਕੇ ਖੂਬ ਸੁਰਖੀਆਂ ਬਟੋਰ ਰਹੀ ਹੈ। ਹਾਲ ਹੀ 'ਚ ਸ਼ਰਲਿਨ ਚੋਪੜਾ ਨੇ ਸ਼ਿਲਪਾ ਸ਼ੈੱਟੀ ਅਤੇ ਰਾਜ ਕੁੰਦਰਾ 'ਤੇ ਹਮਲਾ ਬੋਲਦੇ ਹੋਏ ਕਿਹਾ ਕਿ ਉਨ੍ਹਾਂ ਨੂੰ ਆਪਣੇ ਬੰਗਲੇ ਅਤੇ ਪੋਰਨ ਦੀ ਦੁਨੀਆ 'ਚੋਂ ਬਾਹਰ ਨਿਕਲ ਕੇ ਕੁਝ ਕਰਨਾ ਚਾਹੀਦਾ।
ਸ਼ਰਲਿਨ ਚੋਪੜਾ ਨੇ ਹਾਲ ਹੀ 'ਚ ਆਪਣੇ ਟਵਿਟਰ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਅਤੇ ਕਿਹਾ ਕਿ 'ਖੁਦ ਲਈ ਬੰਗਲਾ ਬਣਾਉਣਾ, ਖੁਦ ਲਈ ਗੱਡੀ ਖਰੀਦਣਾ ਚੰਗਾ ਹੈ, ਇਕ ਹੱਦ ਤੱਕ। ਪਰ ਗੱਡੀ, ਬੰਗਲੇ ਖਰੀਦਣ ਤੋਂ ਬਾਅਦ ਕੀ ਪੋਰਨ ਬਣਾਈਏ? ਠੀਕ ਨਹੀਂ। ਬਹੁਤ ਕੁਝ ਹੋਰ ਹੈ ਦੇਸ਼ ਦੇ ਲਈ ਕਰਨ ਲਈ । ਕੁਝ ਕਰਨਾ ਚਾਹੁੰਦੀ ਹਾਂ ਮੈਂ ਦੇਸ਼ ਦੇ ਲਈ।
ਸ਼ਰਲਿਨ ਨੇ ਅੱਗੇ ਕਿਹਾ ਕਿ ਉਹ ਹੁਣ ਜ਼ਿੰਦਗੀ 'ਚ ਕੁਝ ਵੱਖਰਾ ਕਰਨਾ ਚਾਅ ਰਹੀ ਹੈ। ਉਨ੍ਹਾਂ ਨੇ ਸ਼ੋਬੀਜ 'ਚ ਕਾਫੀ ਸਮਾਂ ਬਿਤਾ ਲਿਆ ਹੈ। ਪਰ ਹੁਣ ਕੁਝ ਵੱਖਰਾ ਕਰਨ ਦਾ ਇਰਾਦਾ ਹੈ। ਉਹ ਅੱਗੇ ਚੱਲ ਕੇ ਪੀੜਤ ਮਹਿਲਾਵਾਂ ਅਤੇ ਬੱਚਿਆਂ ਲਈ ਕੁਝ ਕਰਨਾ ਚਾਹੁੰਦੀ ਹੈ। ਮੰਚ 'ਤੇ ਜਾ ਕੇ ਬੈਠ ਕੇ ਸਿਰ ਝੁਕਾ ਕੇ ਪ੍ਰਣਾਮ ਕਰਨਾ, ਰਾਣੀ ਲਕਸ਼ਮੀਬਾਈ ਜੀ ਦੇ ਬਾਰੇ 'ਚ ਗੱਲ ਕਰਨਾ ਬਹੁਤ ਆਸਾਨ ਹੁੰਦਾ ਹੈ। ਤੁਸੀਂ ਰੀਅਲ ਲਾਈਫ 'ਚ ਕੁਝ ਕਰੋ। ਆਪਣੇ ਬੰਗਲੇ ਤੋਂ ਬਾਹਰ ਨਿਕਲ ਕੇ ਕੁਝ ਕਰੋ। ਪੋਰਨ ਦੀ ਦੁਨੀਆ ਤੋਂ ਬਾਹਰ ਨਿਕਲ ਕੇ ਕੁਝ ਕਰੋ। ਫਿਰ ਦੇਖੋ ਸਾਰੀ ਦੁਨੀਆ ਤੁਹਾਨੂੰ ਸਿਰ ਝੁਕਾ ਕੇ ਪ੍ਰਣਾਮ ਕਰੇਗੀ।
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਸ਼ਰਲਿਨ ਨੇ ਰਾਜ ਕੁੰਦਰਾ ਨੂੰ ਲੈ ਕੇ ਸ਼ਿਲਪਾ ਦੇ ਬਿਆਨ 'ਤੇ ਤੰਜ ਕਸਿਆ ਸੀ। ਦਰਅਸਲ ਸ਼ਿਲਪਾ ਨੇ ਇੰਟਰਵਿਊ 'ਚ ਕਿਹਾ ਸੀ ਕਿ ਉਨ੍ਹਾਂ ਨੂੰ ਪਤੀ ਰਾਜ ਕੁੰਦਰਾ ਦੇ ਕੰਮ ਦੇ ਬਾਰੇ 'ਚ ਜਾਣਕਾਰੀ ਨਹੀਂ ਸੀ ਕਿਉਂਕਿ ਉਹ ਆਪਣੇ ਕੰਮ 'ਚ ਕਾਫੀ ਰੁੱਝੀ ਸੀ। ਇਸ ਨੂੰ ਲੈ ਕੇ ਅਦਾਕਾਰਾ 'ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਸ਼ਰਲਿਨ ਨੇ ਕਿਹਾ ਸੀ ਕਿ ਦੀਦੀ ਏੜਾ ਬਣ ਕੇ ਪੇੜਾ ਖਾ ਰਹੀ ਹੈ ਅਤੇ ਕਹਿ ਰਹੀ ਹੈ ਉਨ੍ਹਾਂ ਨੂੰ ਪਤੀ ਦੀਆਂ ਪਾਕਿ ਹਰਕਤਾਂ ਦੇ ਬਾਰੇ 'ਚ ਪਤਾ ਹੀ ਨਹੀਂ ਹੈ।
ਨਸ਼ਾ ਤਸਕਰ ਨਾਲ ਤਸਵੀਰ ਨੂੰ ਲੈ ਕੇ ਪਰਚੇ ਦਰਜ ਕਰਵਾਉਣ ਵਾਲਿਆਂ ’ਤੇ ਭੜਕੇ ਰਣਜੀਤ ਬਾਵਾ
NEXT STORY 
