ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਤਾਪਸੀ ਪਨੂੰ ਨੇ ਕੰਗਨਾ ਰਣੌਤ ’ਤੇ ਪਲਟਵਾਰ ਕਰਦਿਆਂ ਕਿਹਾ ਹੈ ਕਿ ਅਸੁਰੱਖਿਅਤ ਲੋਕ ਈਰਖਾ ਵਾਲੇ ਹੁੰਦੇ ਹਨ। ਤਾਪਸੀ ਪਨੂੰ ਨੇ ਇਹ ਗੱਲ ਕੰਗਨਾ ਰਣੌਤ ਦੇ ਉਸ ਟਵੀਟ ਦੇ ਜਵਾਬ ’ਚ ਆਖੀ ਹੈ, ਜਿਸ ’ਚ ਕੰਗਨਾ ਨੇ ਇਕ ਫੋਟੋਸ਼ੂਟ ’ਚ ਤਾਪਸੀ ’ਤੇ ਉਸ ਦੀ ਡਰੈੱਸ ਤੇ ਸਟਾਈਲ ਨੂੰ ਕਾਪੀ ਕਰਨ ਦਾ ਦੋਸ਼ ਲਾਇਆ ਸੀ। ਤਾਪਸੀ ਪਨੂੰ ਨੇ ਕੰਗਨਾ ਰਣੌਤ ਨੂੰ ਸੋਸ਼ਲ ਮੀਡੀਆ ’ਤੇ ਜਵਾਬ ਦਿੱਤਾ ਹੈ।
ਉਸ ਨੇ ਆਪਣੇ ਅਧਿਕਾਰਕ ਟਵਿਟਰ ਅਕਾਊਂਟ ’ਤੇ ਮਸ਼ਹੂਰ ਅਮਰੀਕੀ ਲੇਖਕ ਰਾਬਰਟ ਏ ਹੇਨਲਿਨ ਦੇ ਵਿਚਾਰ ਨੂੰ ਸਾਂਝਾ ਕੀਤਾ ਹੈ। ਇਸ ਵਿਚਾਰ ’ਚ ਲਿਖਿਆ ਹੈ, ‘ਇਕ ਯੋਗ ਤੇ ਆਤਮ ਵਿਸ਼ਵਾਸ ਵਾਲਾ ਵਿਅਕਤੀ ਕਿਸੇ ਵੀ ਚੀਜ਼ ਤੋਂ ਈਰਖਾ ਕਰਨ ’ਚ ਅਸਮਰੱਥ ਹੁੰਦਾ ਹੈ। ਈਰਖਾ ਅਣਸੁਰੱਖਿਅਤ ਨਿਯੂਰੋਟਿਕ ਦਾ ਟੀਚਾ ਹੈ।’ ਇਸ ਵਿਚਾਰ ਨਾਲ ਤਾਪਸੀ ਨੇ ਆਪਣੇ ਟਵਿਟਰ ’ਚ ਲਿਖਿਆ, ‘ਹਰ ਦਿਨ ਦਾ ਵਿਚਾਰ।’
ਸੋਸ਼ਲ ਮੀਡੀਆ ’ਤੇ ਤਾਪਸੀ ਪਨੂੰ ਦਾ ਇਹ ਟਵੀਟ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਅਦਾਕਾਰਾ ਦੇ ਕਈ ਪ੍ਰਸ਼ੰਸਕ ਉਸ ਦੇ ਇਸ ਟਵੀਟ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਨਾਲ ਹੀ ਟਵੀਟ ਨੂੰ ਅਦਾਕਾਰਾ ਕੰਗਨਾ ਰਣੌਤ ਦੇ ਟਵੀਟ ਦੇ ਜਵਾਬ ਨਾਲ ਜੋੜ ਕੇ ਦੇਖ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਐਤਵਾਰ ਨੂੰ ਕੰਗਨਾ ਰਣੌਤ ਨੇ ਤਾਪਸੀ ਪਨੂੰ ’ਤੇ ਟਿੱਪਣੀ ਕੀਤੀ ਸੀ। ਦਰਅਸਲ ਤਾਪਸੀ ਨੇ ਹਾਲ ਹੀ ’ਚ ਆਪਣਾ ਇਕ ਫੋਟੋਸ਼ੂਟ ਕਰਵਾਇਆ ਹੈ। ਇਸ ਫੋਟੋਸ਼ੂਟ ਦੀ ਤਸਵੀਰ ਵੀ ਵਾਇਰਲ ਹੋ ਰਹੀ ਹੈ।
ਤਾਪਸੀ ਦੇ ਫੋਟੋਸ਼ੂਟ ਨੂੰ ਕੰਗਨਾ ਦੇ ਇਕ ਪ੍ਰਸ਼ੰਸਕ ਨੇ ਸੋਸ਼ਲ ਮੀਡੀਆ ’ਤੇ ਸਾਂਝਾ ਕੀਤਾ ਸੀ। ਉਸ ਨੇ ਕੰਗਨਾ ਤੇ ਤਾਪਸੀ ਦੀ ਇਕੋ ਜਿਹੀ ਡਰੈੱਸ ’ਚ ਤਸਵੀਰ ਸਾਂਝੀ ਕਰਦਿਆਂ ਦੋਵਾਂ ਅਦਾਕਾਰਾਂ ਦੀ ਤੁਲਨਾ ਕੀਤੀ ਸੀ। ਯੂਜ਼ਰ ਨੇ ਆਪਣੇ ਟਵਿਟਰ ’ਤੇ ਆਪਣੀ ਪ੍ਰਤੀਕਿਰਿਆ ਦਿੰਦਿਆਂ ਤਾਪਸੀ ’ਤੇ ਨਿਸ਼ਾਨਾ ਵਿੰਨ੍ਹਿਆ ਸੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਦਿਓ।
ਕਿਸਾਨਾਂ ਨੇ ਪੰਜਾਬ ’ਚ ਰੋਕੀ ਜਾਨ੍ਹਵੀ ਕਪੂਰ ਦੀ ਫ਼ਿਲਮ ਦੀ ਸ਼ੂਟਿੰਗ, ਮੁੜ ਪਾ ਦਿੱਤੀ ਇਹ ਪੋਸਟ
NEXT STORY