ਮੁੰਬਈ (ਏਜੰਸੀ)- ਪ੍ਰਾਈਮ ਵੀਡੀਓ ਨੇ ਇੰਟਰਨਲ ਸਨਸ਼ਾਈਨ ਪ੍ਰੋਡਕਸ਼ਨ ਦੇ ਸਹਿਯੋਗ ਨਾਲ ਆਪਣੀ ਆਉਣ ਵਾਲੀ ਪ੍ਰਾਈਮ ਓਰੀਜਨਲ ਫਿਲਮ "ਡੋਂਟ ਬੀ ਸ਼ਾਈ" ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ। ਇਹ ਫਿਲਮ ਕਾਲਜ ਦੀ ਜ਼ਿੰਦਗੀ, ਦੋਸਤੀ, ਪਹਿਲੇ ਪਿਆਰ ਅਤੇ ਵੱਡੇ ਹੋਣ ਦੌਰਾਣ ਆਉਣ ਵਾਲੀਆਂ ਉਲਝਣਾਂ ਨੂੰ ਨਵੀਂ ਸਟਾਰ ਕਾਸਟ ਨਾਲ ਪੇਸ਼ ਕੀਤਾ ਗਿਆ ਹੈ। ਫਿਲਮ ਵਿੱਚ ਆਰੂਸ਼ੀ ਬਜਾਜ ਸ਼ਿਆਮਿਲੀ 'ਸ਼ਾਯ', ਪਿਊਸ਼ ਖਾਟੀ 'ਮਯੰਕ', ਬਿਆਂਕਾ ਅਰੋੜਾ 'ਤਾਰਾ' ਅਤੇ ਅੰਸ਼ ਦੁੱਗਲ 'ਧਰੁਵ' ਦੀ ਭੂਮਿਕਾ ਵਿੱਚ ਹਨ। ਟੀਜ਼ਰ ਵਿੱਚ ਨੌਜਵਾਨ ਕਲਾਕਾਰਾਂ ਦੀ ਐਨਰਜੀ, ਸ਼ਾਨਦਾਰ ਵਿਜ਼ੂਅਲ, ਗ੍ਰੋਵੀ ਸੰਗੀਤ, ਮਜ਼ੇਦਾਰ ਕੈਮਿਸਟਰੀ ਅਤੇ ਭਾਵਨਾਤਮਕ ਉਤਾਰ-ਚੜਾਅ ਵੇਖਣ ਨੂੰ ਮਿਲਦਾ ਹੈ।
ਫਿਲਮ ਦੀ ਕਹਾਣੀ 20 ਸਾਲਾ ਸ਼ਿਆਮਿਲੀ "ਸ਼ਾਯ" ਦਾਸ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਸ਼ਾਯ ਨੂੰ ਲੱਗਦਾ ਹੈ ਕਿ ਉਸਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਕਾਬੂ ਵਿੱਚ ਹੈ ਅਤੇ ਸਭ ਕੁਝ ਯੋਜਨਾ ਅਨੁਸਾਰ ਚੱਲ ਰਿਹਾ ਹੈ ਪਰ ਅਚਾਨਕ, ਉਸਦੀ ਜ਼ਿੰਦਗੀ ਇੱਕ ਅਜਿਹਾ ਮੋੜ ਲੈਂਦੀ ਹੈ ਜਿਸਦੀ ਉਸਨੇ ਕਦੇ ਉਮੀਦ ਨਹੀਂ ਕੀਤੀ ਸੀ। ਇਸ ਤੋਂ ਬਾਅਦ ਹਾਲਾਤ ਉਸਦੇ ਕਾਬੂ ਤੋਂ ਬਾਹਰ ਹੋ ਜਾਂਦੇ ਹਨ। "ਡੋਂਟ ਬੀ ਸ਼ਾਯ" ਸ੍ਰਿਤੀ ਮੁਖਰਜੀ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ।
ਆਲੀਆ ਭੱਟ ਅਤੇ ਸ਼ਾਹੀਨ ਭੱਟ ਨੇ ਇਸ ਫਿਲਮ ਦਾ ਨਿਰਮਾਣ ਇੰਟਰਨਲ ਸਨਸ਼ਾਈਨ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਕੀਤਾ ਹੈ, ਜਦੋਂ ਕਿ ਚਾਕਬੋਰਡ ਐਂਟਰਟੇਨਮੈਂਟ ਦੇ ਗ੍ਰਿਸ਼ਮਾ ਸ਼ਾਹ ਅਤੇ ਵਿਕੇਸ਼ ਭੂਟਾਨੀ ਇਸ ਦੇ ਸਹਿ-ਨਿਰਮਾਤਾ ਹਨ। ਫਿਲਮ ਵਿੱਚ ਕੁਨਾਲ ਰਾਏ ਕਪੂਰ, ਅਨੁਰਾਗ ਬਾਸੂ, ਨੇਹਾ ਧੂਪੀਆ ਅਤੇ ਅੰਜੂ ਅਲਵਾ ਨਾਇਕ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। "ਡੋਂਟ ਬੀ ਸ਼ਾਯ" ਦਾ ਪ੍ਰੀਮੀਅਰ 25 ਸਤੰਬਰ 2026 ਨੂੰ ਪ੍ਰਾਈਮ ਵੀਡੀਓ 'ਤੇ ਹੋਵੇਗਾ। ਇਹ ਫਿਲਮ ਭਾਰਤ ਅਤੇ 240 ਤੋਂ ਵੱਧ ਦੇਸ਼ਾਂ ਅਤੇ ਪ੍ਰਦੇਸ਼ਾਂ ਵਿੱਚ ਅੰਗਰੇਜ਼ੀ ਸਬ-ਟਾਈਟਲ ਨਾਲ ਹਿੰਦੀ ਵਿੱਚ ਸਟ੍ਰੀਮ ਕੀਤੀ ਜਾਵੇਗੀ।
ਕੈਂਸਰ ਦੀ ਦਵਾਈ ਦਾ ਹੋਇਆ ਸਾਈਡ ਇਫੈਕਟ, ਮਸ਼ਹੂਰ ਅਦਾਕਾਰਾ ਨੂੰ ਕਰਵਾਉਣੀ ਪਈ ਸਰਜਰੀ, ਫੈਨਜ਼ ਕਰ ਰਹੇ ਦੁਆਵਾਂ
NEXT STORY 
