ਮੁੰਬਈ- ਟੀਵੀ ਸ਼ੋਅ ਅਦਾਕਾਰਾ ਅਦਿਤੀ ਦੇਵ ਸ਼ਰਮਾ ਅਤੇ ਪਤੀ ਸਰਵਰ ਆਹੂਜਾ ਦੇ ਘਰ ਕਿਲਕਾਰੀਆਂ ਗੂੰਜੀਆਂ ਹਨ। ਅਦਾਕਾਰਾ ਨੇ ਹਾਲ ਹੀ ਦੇ ਵਿੱਚ ਨੰਨ੍ਹੀ ਪਰੀ ਦਾ ਸਵਾਗਤ ਕੀਤਾ ਹੈ। ਉਨ੍ਹਾਂ ਨੇ ਇਹ ਖੁਸ਼ਖਬਰੀ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਅਦਿਤੀ ਨੇ ਇਕ ਧੀ ਨੂੰ ਜਨਮ ਦਿੱਤਾ ਹੈ।
41 ਸਾਲ ਦੀ ਉਮਰ 'ਚ ਬਣੀ ਮਾਂ
ਅਦਿਤੀ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਕੁਝ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ ‘ਚ ਉਨ੍ਹਾਂ ਦਾ ਬੇਟਾ ਸਰਤਾਜ ਵੀ ਨਜ਼ਰ ਆ ਰਿਹਾ ਹੈ। ਇਕ ਤਸਵੀਰ ਵਿਚ ਸਰਤਾਜ ਨੇ ਸਲੇਟ ਫੜੀ ਹੋਈ ਹੈ, ਜਿਸ ‘ਤੇ ਲਿਖਿਆ ਹੈ, ‘ਮੈਂ ਵੱਡਾ ਭਰਾ ਬਣ ਗਿਆ ਹਾਂ।’ ਦੂਜੀ ਤਸਵੀਰ ਵਿਚ ਉਨ੍ਹਾਂ ਨੇ ਇਕ ਸਲੇਟ ਫੜੀ ਹੋਈ ਹੈ, ਜਿਸ ‘ਤੇ ਲਿਖਿਆ ਹੈ, ‘Its A Baby Girl।’
ਉਨ੍ਹਾਂ ਦੀ ਖੁਸ਼ੀ ਅਤੇ ਪਿਆਰ ਸਪਸ਼ਟ ਤੌਰ ਤੇ ਦਿਖਾਈ ਦੇ ਰਿਹਾ ਹੈ। ਦੱਸ ਦੇਈਏ ਕਿ ਸਾਲ 2019 'ਚ ਅਦਿਤੀ ਅਤੇ ਸਰਵਰ ਨੇ ਆਪਣੇ ਪਹਿਲੇ ਬੱਚੇ ਸਰਤਾਜ ਦਾ ਸਵਾਗਤ ਕੀਤਾ ਅਤੇ ਹੁਣ ਪੰਜ ਸਾਲ ਬਾਅਦ ਉਨ੍ਹਾਂ ਦੇ ਘਰ ਇੱਕ ਧੀ ਆਈ ਹੈ।
ਪੋਸਟ ‘ਚ ਅਦਿਤੀ ਦੀ ਖੁਸ਼ੀ ਆ ਰਹੀ ਸੀ ਨਜ਼ਰ
ਅਦਿਤੀ ਨੇ ਕੈਪਸ਼ਨ ‘ਚ ਲਿਖਿਆ, ‘ਪਿਆਰੀ ਧੀ, ਜਦੋਂ ਤੁਸੀਂ ਇਸ ਦੁਨੀਆ ‘ਚ ਆਏ, ਸਾਨੂੰ ਪਹਿਲਾਂ ਹੀ ਪਤਾ ਸੀ ਕਿ ਤੁਸੀਂ ਬਹੁਤ ਪਿਆਰ, ਦੁਆਵਾਂ ਅਤੇ ਉਮੀਦਾਂ ਲੈ ਕੇ ਆ ਰਹੇ ਹੋ।’ ਤੁਹਾਡੀਆਂ ਛੋਟੀਆਂ ਬਾਹਾਂ, ਛੋਟੀਆਂ ਉਂਗਲਾਂ, ਚਮਕਦੀਆਂ ਅੱਖਾਂ ਅਤੇ ਤੁਹਾਡੇ ਹਾਸੇ ਨੇ ਸਾਡੀ ਜ਼ਿੰਦਗੀ ਬਦਲ ਦਿੱਤੀ ਹੈ। ਅਸੀਂ ਸ਼ੁਕਰਗੁਜ਼ਾਰ ਹਾਂ ਕਿ ਸਾਨੂੰ ਸਭ ਤੋਂ ਵਧੀਆ ਦੀ ਬਖਸ਼ਿਸ਼ ਹੋਈ ਹੈ।
ਦੱਸ ਦੇਈਏ ਕਿ ਅਦਿਤੀ ਦੇਵ ਸ਼ਰਮਾ ਦਾ ਵਿਆਹ ਸਰਵਰ ਆਹੂਜਾ ਨਾਲ 2014 ‘ਚ ਹੋਇਆ ਸੀ। ਇਸ ਤੋਂ ਬਾਅਦ ਉਸ ਨੇ 2019 ਵਿੱਚ ਸਰਤਾਜ ਨੂੰ ਜਨਮ ਦਿੱਤਾ ਸੀ। ਇਸ ਸਮੇਂ ਉਹ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਧੀ ਦੇ ਆਉਣ ‘ਤੇ ਬਹੁਤ ਖੁਸ਼ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਹ ਅਦਾਕਾਰਾ 25 ਫਿਲਮਾਂ ਤੇ 108 ਮੈਗਜ਼ੀਨਾਂ ਦੀ ਬਣੀ ਕਵਰ ਗਰਲ, ਬੱਚੇ ਹੁੰਦੇ ਹੀ ਛੱਡਿਆ ਬਾਲੀਵੁੱਡ
NEXT STORY 
