ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਤੇ ਅਦਾਕਾਰਾ ਕੈਟਰੀਨਾ ਕੈਫ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਖੂਬ ਚਰਚਾ ਹੈ। ਹਰ ਕੋਈ ਵਿੱਕੀ ਤੇ ਕੈਟਰੀਨਾ ਦੇ ਵਿਆਹ ਦੀ ਚਰਚਾ ਕਰ ਰਿਹਾ ਹੈ। ਉਨ੍ਹਾਂ ਦਾ ਵਿਆਹ ਸਖ਼ਤ ਸੁਰੱਖਿਆ ਵਿਚਕਾਰ ਹੋਵੇਗਾ। ਖ਼ਬਰਾਂ ਦੀ ਮੰਨੀਏ ਤਾਂ ਵਿਆਹ ’ਚ ਸੁਰੱਖਿਆ ਸਖ਼ਤ ਹੋਵੇਗੀ, ਨਾਲ ਹੀ ਤਸਵੀਰ ਖਿੱਚਣ ਤੇ ਸੈਲਫੀ ਲੈਣ ਦੀ ਵੀ ਇਜਾਜ਼ਤ ਨਹੀਂ ਹੋਵੇਗੀ। ਹਾਲਾਂਕਿ ਸਖ਼ਤ ਸੁਰੱਖਿਆ ਤੋਂ ਬਾਅਦ ਵੀ ਤਸਵੀਰਾਂ ਤੇ ਵੀਡੀਓਜ਼ ਸਾਹਮਣੇ ਆ ਰਹੀਆਂ ਹਨ, ਜਿਨ੍ਹਾਂ ’ਚ ਸਿਕਸ ਸੈਂਸ ਬਰਵਾੜਾ ਕਿਲ੍ਹਾ ਚਮਕਦਾ ਨਜ਼ਰ ਆ ਰਿਹਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਲੱਖਾ ਸਿਧਾਣਾ ਤੇ ਰਣਬੀਰ ਬਾਠ ਦੀ ਸੁਣੋ ਵਾਇਰਲ ਕਾਲ ਰਿਕਾਰਡਿੰਗ, ਗੀਤ ਦੇ ਵਿਵਾਦ ’ਤੇ ਦੇਖੋ ਕੀ ਬੋਲੇ
ਇੰਨਾ ਹੀ ਨਹੀਂ, ਕਿਲ੍ਹੇ ਦੀ ਇਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ’ਚ ਕੁਝ ਡਾਂਸਰ ਰਿਤਿਕ ਰੌਸ਼ਨ ਤੇ ਐਸ਼ਵਰਿਆ ਰਾਏ ਦੀ ਫ਼ਿਲਮ ‘ਜੋਧਾ ਅਕਬਰ’ ਦੇ ਸੂਫੀ ਗੀਤ ‘ਖਵਾਜਾ ਮੇਰੇ ਖਵਾਜਾ’ ’ਤੇ ਪੇਸ਼ਕਾਰੀ ਦਿੰਦੇ ਨਜ਼ਰ ਆ ਰਹੇ ਹਨ। ਖ਼ਬਰਾਂ ਮੁਤਾਬਕ ਇਹ ਪੇਸ਼ਕਾਰੀ ਮਹਿਮਾਨ ਦੇ ਆਉਣ ਦੌਰਾਨ ਦਿੱਤੀ ਗਈ। ਯਾਨੀ ਮਹਿਮਾਨਾਂ ਦਾ ਸੂਫੀਆਨਾ ਅੰਦਾਜ਼ ’ਚ ਸੁਆਗਤ ਕੀਤਾ ਗਿਆ। ਵੀਡੀਓ ’ਚ ਦੇਖਿਆ ਜਾ ਸਕਦਾ ਹੈ ਕਿ ਕੁਝ ਲੋਕ ਪੌੜੀਆਂ ਚੜ੍ਹ ਰਹੇ ਹਨ ਤੇ ਕੁਝ ਡਾਂਸਰ ਪੇਸ਼ਕਾਰੀ ਦੇ ਰਹੇ ਹਨ। ਹਾਲਾਂਕਿ ਇਹ ਵੀਡੀਓ ਬਹੁਤ ਦੂਰ ਤੋਂ ਸ਼ੂਟ ਕੀਤਾ ਗਿਆ ਹੈ, ਇਸ ਲਈ ਕਿਸੇ ਦਾ ਚਿਹਰਾ ਸਾਫ਼ ਨਜ਼ਰ ਨਹੀਂ ਆ ਰਿਹਾ, ਸਿਰਫ਼ ਗੀਤ ਦੀ ਆਵਾਜ਼ ਹੀ ਸਾਫ਼ ਸੁਣਾਈ ਦਿੰਦੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਵਿੱਕੀ ਤੇ ਕੈਟਰੀਨਾ ਨੂੰ 6 ਦਸੰਬਰ ਨੂੰ ਮੁੰਬਈ ਦੇ ਪ੍ਰਾਈਵੇਟ ਏਅਰਪੋਰਟ ’ਤੇ ਸਪਾਟ ਕੀਤਾ ਗਿਆ ਸੀ। ਦੋਵੇਂ ਆਪਣੇ ਵਿਆਹ ਵਾਲੇ ਸਥਾਨ ਲਈ ਜਾ ਰਹੇ ਸਨ। ਦੋਵੇਂ ਰਾਤ ਨੂੰ ਜੈਪੁਰ ਪਹੁੰਚੇ ਤੇ ਕਿਲ੍ਹੇ ’ਚ ਪਹੁੰਚ ਗਏ। ਦੱਸ ਦੇਈਏ ਕਿ ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ ਰਾਜਸਥਾਨ ਦੇ ਸਵਾਈ ਮਾਧੋਪੁਰ ’ਚ ਸਿਕਸ ਸੈਂਸ ਕਿਲ੍ਹੇ ’ਚ ਇਕ-ਦੂਜੇ ਨਾਲ ਸੱਤ ਫੇਰੇ ਲੈਣ ਜਾ ਰਹੇ ਹਨ। ਦੋਵੇਂ 9 ਦਸੰਬਰ ਨੂੰ ਸੱਤ ਫੇਰੇ ਲੈਣਗੇ। ਵਿਆਹ ’ਚ ਸ਼ਾਮਲ ਹੋਣ ਲਈ ਕੈਟਰੀਨਾ ਦਾ ਪਰਿਵਾਰ ਵੀ ਭਾਰਤ ਆਇਆ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਮਿਸ ਪੂਜਾ ਨੂੰ ਪਤੀ ਰੋਮੀ ਟਾਹਲੀ ਨੇ ਦਿੱਤਾ ਜਨਮਦਿਨ ਦਾ ਖ਼ਾਸ ਤੋਹਫਾ, ਸਾਂਝੀਆਂ ਕੀਤੀਆਂ ਤਸਵੀਰਾਂ
NEXT STORY 
