ਆਟੋ ਡੈਸਕ– ਰਾਇਲ ਐਨਫੀਲਡ ਨੇ ਜਪਾਨ ’ਚ ਆਪਣੇ ਲਾਈਨਅਪ ਦਾ ਵਿਸਤਾਰ ਕਰਦੇ ਹੋਏ ਹਿਮਾਲਿਅਨ ਨੂੰ ਲਾਂਚ ਕੀਤਾ ਹੈ। ਇਹ ਮੋਟਰਸਾਈਕਲ 2021 Royal Enfield Himalayan ਮਾਡਲ ਹੈ ਜਿਸ ਨੂੰ ਇਸੇ ਸਾਲ ਭਾਰਤ ’ਚ ਵੀ ਲਾਂਚ ਕੀਤਾ ਗਿਆ ਸੀ।
ਇਸ ਮੋਟਰਸਾਈਕਲ ਨੂੰ ਜਪਾਨ ’ਚ 3 ਨਵੇਂ ਰੰਗਾਂ ’ਚ ਪੇਸ਼ ਕੀਤਾ ਜਾਵੇਗਾ। ਇਸ ਮੋਟਰਸਾਈਕਲ ’ਚ ਕੁਝ ਹਾਈਲਾਈਟਸ ’ਚ ਟ੍ਰਿਪਰ ਨੈਵਿਗੇਸ਼ਨ ਸਿਸਟਮ, ਸਵਿੱਚੇਬਲ ਏ.ਬੀ.ਐੱਸ. ਅਤੇ ਯੂਰੋ 5-compliant ਇੰਜਣ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਸ ਦੀਆਂ ਹੋਰ ਖੂਬੀਆਂ ’ਚ ਨੱਕਲ ਗਾਰਡ, ਸਰਲਿਟ ਸੀਟ, ਡਿਊਲ ਪਰਪਸ ਟਾਇਲ, ਲੰਬਾ ਸਸਪੈਂਸ਼ਨ, ਦੋਵਾਂ ਸਿਰਿਆਂ ’ਤੇ ਡਿਸਕ ਬ੍ਰੇਕ, ਇਕ ਰੀਅਰ ਲਗੇਜ ਰੈਕ ਅਤੇ ਇਕ ਵਿੰਡਸ਼ੀਲਡ ਦਿੱਤੀ ਗਈ ਹੈ।
ਭਾਰਤ ’ਚ ਪੇਸ਼ ਕੀਤੇ ਗਏ ਰਾਇਲ ਐਨਫੀਲਡ ਹਿਮਾਲਿਅਨ ’ਚ 411 ਸੀਸੀ ਦਾ ਇੰਜਣ ਦਿੱਤਾ ਗਿਆ ਹੈ, ਜੋ 24.3 ਬੀ.ਐੱਚ.ਪੀ. ਦੀ ਪਾਵਰ ਅਤੇ 32 ਐੱਨ.ਐੱਮ. ਦਾ ਟਾਰਕ ਜਨਰੇਟ ਕਰ ਸਕਦਾ ਹੈ। ਇਸਦੇ ਇੰਜਣ ਨੂੰ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਇਸਤੋਂ ਇਲਾਵਾ ਭਾਰਤ ’ਚ ਹਿਮਾਲਿਅਨ ਦੇ ਇਕ ਨਵੇਂ ਐਡੀਸ਼ਨ ਦੀ ਟੈਸਟਿੰਗ ਵੀ ਕੀਤੀ ਜਾ ਰਹੀ ਹੈ।
Oppo ਦਾ ਪਹਿਲਾ ਫੋਲਡੇਬਲ ਸਮਾਰਟਫੋਨ Oppo Find N ਲਾਂਚ, ਜਾਣੋ ਕੀਮਤ ਤੇ ਖੂਬੀਆਂ
NEXT STORY 
