ਗੈਜੇਟ ਡੈਸਕ– ਬੀ.ਐੱਸ.ਐੱਨ.ਐੱਲ. ਲਗਾਤਾਰ ਆਪਣੇ ਪਲਾਨਜ਼ ’ਚ ਬਦਲਾਅ ਕਰ ਰਹੀ ਹੈ। ਕੰਪਨੀ ਪਹਿਲਾਂ ਆਪਣੇ ਗਾਹਕਾਂ ਨੂੰ ਪਲਾਨ ਦੀ ਮਿਆਦ ਵਧਾਉਣ ਲਈ 15 ਦਿਨਾਂ ਦਾ ਸਮਾਂ ਦਿੰਦੀ ਸੀ। ਹੁਣ ਕੰਪਨੀ ਨੇ ਇਸ ਟਾਈਮ ਨੂੰ ਘੱਟ ਕਰਦੇ ਹੋਏ 7 ਦਿਨ ਕਰ ਦਿੱਤਾ ਹੈ। ਯਾਨੀ ਹੁਣ ਪਲਾਨ ਦੀ ਮਿਾਦ ਖਤਮ ਹੋਣ ’ਤੇ ਗਾਹਕਾਂ ਨੂੰ ਰੀਚਾਰਜ ਲਈ ਸਿਰਫ 7 ਦਿਨਾਂ ਦਾ ਸਮਾਂ ਮਿਲੇਗਾ। ਯਾਨੀ 7 ਦਿਨਾਂ ਦੇ ਅੰਦਰ ਰੀਚਾਰਜ ਨਾ ਕਰਵਾਉਣ ’ਤੇ ਬੀ.ਐੱਸ.ਐੱਨ.ਐੱਲ. ਗਾਹਕਾਂ ਨੂੰ ਮਿਲਣ ਵਾਲੀਆਂ ਸਾਰੀਆਂ ਸੇਵਾਵਾਂ ਜਿਵੇਂ ਇਨਕਮਿੰਗ ਅਤੇ ਆਊਟਗੋਇੰਗ ਬੰਦ ਜੋ ਜਾਵੇਗੀ। ਜੇਕਰ ਬੀ.ਐੱਸ.ਐੱਨ.ਐੱਲ. ਗਾਹਕ ਜਿਨ੍ਹਾਂ ਦੇ ਮੋਬਾਇਲ ’ਚ ਬੈਲੰਸ ਬਚਿਆ ਰਹੇਗਾ ਅਤੇ ਉਨ੍ਹਾਂ ਦੀ ਮਿਆਦ ਖਤਮ ਹੋ ਜਾਂਦੀ ਹੈ ਤਾਂ 7 ਦਿਨਾਂ ਦੇ ਅੰਦਰ ਰੀਚਾਰਜ ਕਰਨ ’ਤੇ ਇਹ ਬਚਿਆ ਹੋਇਆ ਬੈਲੰਸ ਗਾਹਕ ਦੇ ਅਕਾਊਂਟ ’ਚ ਐਡ ਕੀਤਾ ਜਾਵੇਗਾ। 7 ਦਿਨਾਂ ਬਾਅਦ ਇਹ ਬਚਿਆ ਹੋਇਆ ਬੈਲੰਸ ਲੈਪਸ ਹੋ ਜਾਵੇਗਾ।
ਇਸ ਦੇ ਨਾਲ ਹੀ ਜੇਕਰ ਬੀ.ਐੱਸ.ਐੱਨ.ਐੱਲ. ਗਾਹਕ 60 ਦਿਨਾਂ ਤਕ ਯਾਨੀ ਦੋ ਮਹੀਨਿਆਂ ਤਕ ਰੀਚਾਰਜ ਨਹੀਂ ਕਰਵਾਉਂਦੇ ਤਾਂ ਅਜਿਹੇ ’ਚ ਉਨ੍ਹਾਂ ਦਾ ਪ੍ਰੀਪੇਡ ਕੁਨੈਕਸ਼ਨ ਡਿਸਕੁਨੈਕਟ ਹੋ ਜਾਵੇਗਾ। ਕੰਪਨੀ ਇਨ੍ਹੀਂ ਦਿਨੀਂ ਆਪਣੀ ਕਸਟਮਰ ਬੇਸ ਨੂੰ ਵਧਾਉਣ ਲਈ ਸਾਰੇ ਫਾਇਦੇ ਗਾਹਕਾਂ ਨੂੰ ਦੇ ਰਹੀ ਹੈ। ਕੰਪਨੀ ਆਪਣੇ ਵੱਖ-ਵੱਖ ਪਲਾਨਸ ਦੇ ਨਾਲ ਆਨਲਾਈਨ ਕੰਟੈਂਟ ਪ੍ਰੋਵਾਈਡਰ ਜਿਵੇਂ ਅਮੇਜ਼ਨ ਪ੍ਰਾਈਮ ਵੀਡੀਓ, ਅਮੇਜ਼ਨ ਅਤੇ ਦੂਜੇ ਸਬਸਕ੍ਰਿਪਸ਼ਨ ਯੂਜ਼ਰਜ਼ ਨੂੰ ਦੇ ਰਹੀ ਹੈ। ਹਾਲਾਂਕਿ ਕੰਪਨੀ ਇਨ੍ਹੀਂ ਦਿਨੀਂ ਘਾਟੇ ’ਚ ਵੀ ਚੱਲ ਰਹੀ ਹੈ, ਜਿਸ ਦੇ ਚੱਲਦੇ ਕੰਪਨੀ ਆਪਣੇ ਰੈਵੇਨਿਊ ਨੂੰ ਵਧਾਉਣ ’ਤੇ ਕੰਮ ਕਰ ਰਹੀ ਹੈ। ਵੈਲਿਡਿਟੀ ਰੀਚਾਰਜ ’ਤੇ ਮਿਲਣ ਵਾਲੇ 15 ਦਿਨਾਂ ਦੇ ਗ੍ਰੇਸ ਟਾਈਮ ਨੂੰ ਘਟਾ ਕੇ 7 ਦਿਨਾਂ ਦਾ ਕਰਨ ਦੇ ਪਿੱਛੇ ਇਹੀ ਕਾਰਨ ਹੈ।
ਬਿਨਾਂ ਕੁਆਲਿਟੀ ਖਰਾਬ ਹੋਏ ਇੰਝ ਭੇਜੋ ਵਟਸਐਪ ਪਿਕਚਰ
NEXT STORY 
