ਗੈਜੇਟ ਡੈਸਕ - ਕੁਝ ਸਮੇਂ ਤੋਂ ਇਹ ਅਫਵਾਹਾਂ ਆ ਰਹੀਆਂ ਹਨ ਕਿ ਆਨਰ ਜਲਦ ਹੀ ਆਪਣਾ ਇਕ ਸਮਾਰਟਫੋਨ ਲਾਂਚ ਕਰਨ ਵਾਲਾ ਹੈ ਅਤੇ ਹੁਣ, ਇੱਕ ਰਿਪੋਰਟ ਸਾਹਮਣੇ ਆਈ ਹੈ ਜਿਸ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਆਨਰ ਨੇ 13,300 mAh ਸੈੱਲ ਦਾ ਟ੍ਰਾਇਲ ਉਤਪਾਦਨ ਸ਼ੁਰੂ ਕਰ ਦਿੱਤਾ ਹੈ। ਟਿਪਸਟਰ ਡਿਜੀਟਲ ਚੈਟ ਸਟੇਸ਼ਨ (DCS) ਨੇ ਆਨਰ ਦੇ ਆਉਣ ਵਾਲੇ ਸਮਾਰਟਫੋਨ ਬਾਰੇ ਵੇਰਵੇ ਸਾਂਝੇ ਕੀਤੇ ਹਨ, ਜਿਸ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਫੋਨ ਦੀ ਬੈਟਰੀ ਸਮਰੱਥਾ 13,500mAh ਹੋਵੇਗੀ।
ਮਿਲੀ ਜਾਣਕਾਰੀ ਅਨੁਸਾਰ, ਟਿਪਸਟਰ ਵੱਲੋਂ ਕਿਹਾ ਗਿਐ ਕਿ ਬੈਟਰੀ ਫਲੈਗਸ਼ਿਪ ਡਿਵਾਈਸਾਂ 'ਚ ਸ਼ਾਮਲ ਨਹੀਂ ਕੀਤਾ ਜਾਵੇਗਾ। DCS ਨੇ ਆਪਣੀ ਪੋਸਟ 'ਚ ਕਿਹਾ ਹੈ ਕਿ ਇਸ ਫੋਨ 'ਚ 7-ਇੰਚ ਡਿਸਪਲੇਅ ਹੋਵੇਗਾ। ਇਹ ਫੋਨ ਮਿਡ-ਰੇਂਜ 'ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਹ ਫੋਨ ਵੱਡੀ ਸਕਰੀਨ ਅਤੇ ਵੱਡੀ ਬੈਟਰੀ ਦੇ ਨਾਲ ਵਿਕਰੀ ਲਈ ਉਪਲਬਧ ਹੋਵੇਗਾ।
ਕੰਪਨੀ ਨੇ 8,000 mAh ਬੈਟਰੀ ਨਾਲ ਕੰਪਨੀ ਨੇ ਆਨਰ ਪਾਵਰ ਸਮਾਰਟਫੋਨ ਅਪ੍ਰੈਲ 2025 'ਚ ਲਾਂਚ ਕੀਤਾ ਸੀ। ਇਸ ਤੋਂ ਬਾਅਦ, ਕੰਪਨੀ ਨੇ ਜਨਵਰੀ 2026 'ਚ ਆਨਰ ਪਾਵਰ 2 ਲਾਂਚ ਕੀਤਾ। ਇਸ ਫੋਨ ਨੂੰ 10,080mAh ਬੈਟਰੀ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ਫੋਨ 'ਚ ਪਹਿਲੀ ਪੀੜ੍ਹੀ ਦੇ ਮੁਕਾਬਲੇ 2,080mAh ਦੀ ਵੱਡੀ ਬੈਟਰੀ ਹੈ। ਆਨਰ ਦੇ ਸਮਾਰਟਫੋਨ ਦੀ ਇਕ ਵੱਡੀ ਖਾਸੀਅਤ ਇਹ ਹੈ ਕਿ ਵੱਡੀ ਬੈਟਰੀ ਦੇ ਬਾਵਜੂਦ, ਕੰਪਨੀ ਨੇ ਇਸਦੀ ਮੋਟਾਈ 'ਚ ਕੋਈ ਖਾਸ ਵਾਧਾ ਨਹੀਂ ਕੀਤਾ ਹੈ। ਇਹ ਫੋਨ ਸਿਰਫ਼ 7.98mm ਮੋਟਾ ਹੈ ਅਤੇ 80W ਵਾਇਰਡ ਚਾਰਜਿੰਗ ਅਤੇ 27W ਰਿਵਰਸ ਵਾਇਰਡ ਚਾਰਜਿੰਗ ਦਾ ਸਮਰਥਨ ਕਰਦਾ ਹੈ।
ਆਨਰ ਨੇ ਆਪਣੇ ਪਾਵਰ ਸੀਰੀਜ਼ ਦੇ ਸਮਾਰਟਫੋਨਾਂ 'ਚ ਸਿਰਫ਼ ਵੱਡੀਆਂ ਬੈਟਰੀਆਂ ਹੀ ਸ਼ਾਮਲ ਨਹੀਂ ਕੀਤੀਆਂ ਹਨ। Honor WIN ਸੀਰੀਜ਼ ਦੇ ਸਮਾਰਟਫੋਨਜ਼ 'ਚ 10,000mAh ਬੈਟਰੀ ਅਤੇ 100W ਵਾਇਰਡ ਚਾਰਜਿੰਗ ਹੈ। ਇਹ ਆਨਰ ਫੋਨ ਗੇਮਿੰਗ ਲਈ ਸਭ ਤੋਂ ਵਧੀਆ ਹੈ। ਇਸ ਤੋਂ ਇਲਾਵਾ, Honor X80 Pro Max 11,000mAh ਬੈਟਰੀ ਨਾਲ ਲੈਸ ਹੈ।
ਇਸ ਤਰ੍ਹਾਂ, ਕੰਪਨੀ ਨੇ ਆਪਣੀ ਕਈ ਸੀਰੀਜ਼ 'ਚ 8,000mAh ਤੋਂ ਲੈ ਕੇ 10,000mAh ਤੱਕ ਦੀਆਂ ਬੈਟਰੀਆਂ ਪ੍ਰਦਾਨ ਕੀਤੀਆਂ ਹਨ ਅਤੇ ਕੁਝ 'ਚ 11,000mAh ਬੈਟਰੀਆਂ ਵੀ ਹਨ। ਅਜਿਹੀ ਸਥਿਤੀ 'ਚ, 13,500mAh ਸੈੱਲ ਕੰਪਨੀ ਦਾ ਅਗਲਾ ਅਪਗ੍ਰੇਡ ਹੋ ਸਕਦਾ ਹੈ। ਇਹ ਆਨਰ ਦੇ ਆਉਣ ਵਾਲੇ ਸਮਾਰਟਫੋਨ ਬਾਰੇ ਮੁੱਢਲੀ ਜਾਣਕਾਰੀ ਹੈ। ਫਿਲਹਾਲ ਇਸ ਫੋਨ ਦੀ ਲਾਂਚ ਸਪੀਡ, ਭਾਰ ਅਤੇ ਲਾਂਚ ਮਿਤੀ ਬਾਰੇ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
5,000 ਰੁਪਏ ਵਧੀਆ ਇਨ੍ਹਾਂ ਧਾਕੜ ਫੋਨ ਦੀਆਂ ਕੀਮਤਾਂ ! ਜਾਣੋ ਫੀਚਰਜ਼ ਤੇ ਕੀਮਤ
NEXT STORY