ਗੈਜੇਟ ਡੈਸਕ - ਜਿਵੇਂ-ਜਿਵੇਂ AI ਤੇਜ਼ੀ ਨਾਲ ਮਨੁੱਖੀ ਕੰਮ ਦਾ ਹਿੱਸਾ ਬਣਦ ਜਾ ਰਿਹਾ ਹੈ ਇਸਦੇ ਖਤਰਿਆਂ ਬਾਰੇ ਚਿੰਤਾਵਾਂ ਵੀ ਉਸੇ ਰਫ਼ਤਾਰ ਨਾਲ ਵਧ ਰਹੀਆਂ ਹਨ। ਗੂਗਲ ਡੀਪਮਾਈਂਡ ਦੇ ਸਾਬਕਾ ਖੋਜਕਰਤਾ ਐਲੇਕਸ ਟਰਨਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਅਗਲੇ 10 ਸਾਲਾਂ 'ਚ ਏਆਈ ਰਾਹੀਂ ਮਨੁੱਖੀ ਸਭਿਅਤਾ ਨੂੰ ਤਬਾਹ ਕਰਨ ਦੇ ਖ਼ਤਰੇ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਉਸਨੇ ਕਿਹਾ ਕਿ ਇਸ ਵੇਲੇ 33 ਫੀਸਦੀ ਸੰਭਾਵਨਾ ਹੈ ਕਿ ਏਆਈ ਖ਼ਤਰਾ ਬਣ ਸਕਦਾ ਹੈ ਭਾਵੇਂ ਇਸ ਨੂੰ ਅਜਿਹਾ ਕਰਨ ਲਈ ਨਿਰਦੇਸ਼ ਨਾ ਦਿੱਤਾ ਜਾਵੇ।
ਇਕ ਸਮਾਗਮ 'ਚ, ਟਰਨਰ ਨੇ ਕਿਹਾ ਕਿ ਖ਼ਤਰਾ ਸਿਰਫ਼ ਏਆਈ ਦੇ ਵਧੇਰੇ ਸ਼ਕਤੀਸ਼ਾਲੀ ਬਣਨ 'ਚ ਹੀ ਨਹੀਂ ਹੈ, ਸਗੋਂ ਇਸ ਤੱਥ 'ਚ ਵੀ ਹੈ ਕਿ ਮਨੁੱਖ ਇਸਦੇ ਕੰਮਕਾਜ ਨੂੰ ਪੂਰੀ ਤਰ੍ਹਾਂ ਸਮਝਣ ਅਤੇ ਨਿਯੰਤਰਣ ਕਰਨ 'ਚ ਅਸਮਰੱਥ ਹਨ। ਕੰਪਨੀਆਂ ਵਧੇਰੇ ਸਮਰੱਥ ਏਆਈ ਵਿਕਸਤ ਕਰਨ ਲਈ ਦੌੜ ਰਹੀਆਂ ਹਨ, ਪਰ ਕੀ ਇਸਦੇ ਸੁਰੱਖਿਆ ਅਤੇ ਨਿਗਰਾਨੀ ਉਪਾਅ ਉਸੇ ਰਫ਼ਤਾਰ ਨਾਲ ਅੱਗੇ ਵਧਣਗੇ, ਇਹ ਇਕ ਵੱਡਾ ਸਵਾਲ ਹੈ। ਟਰਨਰ ਨੇ ਵੱਡੀਆਂ ਏਆਈ ਕੰਪਨੀਆਂ ਦੀ ਪਾਰਦਰਸ਼ਤਾ ਦੀ ਤੁਲਨਾ ਤੰਬਾਕੂ ਅਤੇ ਤੇਲ ਉਦਯੋਗਾਂ ਨਾਲ ਕੀਤੀ, ਇਹ ਦੋਸ਼ ਲਗਾਇਆ ਕਿ ਉਹ ਵੀ ਆਪਣੇ ਉਤਪਾਦਾਂ ਦੇ ਜੋਖਮਾਂ ਬਾਰੇ ਸੱਚਾਈ ਨੂੰ ਛੁਪਾ ਰਹੇ ਹਨ।
ਇਸ ਦੌਰਾਨ ਟਰਨਰ ਨੇ ਇੱਕ ਹੋਰ ਚਿੰਤਾ ਪ੍ਰਗਟ ਕੀਤੀ। ਉਨ੍ਹਾਂ ਦੇ ਅਨੁਸਾਰ, ਕੁਝ ਖੋਜਕਰਤਾਵਾਂ ਨੇ ਖੁਦ ਜਾਂਚ ਕਰਨ ਦੀ ਬਜਾਏ AI ਦੇ ਕੰਮ ਦੀ ਨਿਗਰਾਨੀ ਕਰਨ ਲਈ ਹੋਰ AI ਪ੍ਰਣਾਲੀਆਂ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਜਿਵੇਂ ਲੋਹਾ ਲੋਹੇ ਨੂੰ ਕੱਟਦਾ ਹੈ, ਉਸੇ ਤਰ੍ਹਾਂ AI ਰਾਹੀਂ AI ਦੇ ਕੰਮ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਇਹ ਵੀ ਚਿੰਤਾ ਪ੍ਰਗਟ ਕੀਤੀ ਕਿ ਏਆਈ ਸਿਸਟਮ ਟੈਸਟਿੰਗ ਦੌਰਾਨ ਇਕ ਤਰੀਕੇ ਨਾਲ ਵਿਵਹਾਰ ਕਰ ਸਕਦੇ ਹਨ ਅਤੇ ਦੂਜੀਆਂ ਸਥਿਤੀਆਂ 'ਚ ਵੱਖਰੇ ਢੰਗ ਨਾਲ। ਇਹ ਉਨ੍ਹਾਂ ਦੀ ਨਿਗਰਾਨੀ ਨੂੰ ਹੋਰ ਵੀ ਮੁਸ਼ਕਲ ਬਣਾ ਸਕਦਾ ਹੈ। ਮਨੁੱਖੀ ਇਰਾਦਿਆਂ ਨਾਲ ਏਆਈ ਦੀ ਇਕਸਾਰਤਾ ਬਣਾਈ ਰੱਖਣਾ ਵੀ ਇੱਕ ਚੁਣੌਤੀ ਹੈ।
OnePlus ਦੇ ਸ਼ਾਨਦਾਰ Phones ਖਰੀਦਣ ਦਾ ਸੁਨਹਿਰੀ ਮੌਕਾ ! 4,000 ਰੁਪਏ ਮਿਲ ਰਿਹਾ ਡਿਸਕਾਊਂਟ
NEXT STORY 
