ਨਵੀਂ ਦਿੱਲੀ - ਤਕਨਾਲੋਜੀ ਖੇਤਰ ਦੀ ਦਿੱਗਜ ਕੰਪਨੀ ਐਪਲ (Apple) ਅਗਲੇ ਮਹੀਨੇ ਸਤੰਬਰ ਵਿੱਚ ਇੱਕ ਵੱਡਾ ਸਾਲਾਨਾ ਈਵੈਂਟ ਆਯੋਜਿਤ ਕਰਨ ਜਾ ਰਹੀ ਹੈ, ਜਿੱਥੇ ਅਗਲੀ ਜਨਰੇਸ਼ਨ ਦੀ ਆਈਫੋਨ ਸੀਰੀਜ਼ ਪੇਸ਼ ਕੀਤੀ ਜਾਵੇਗੀ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਲਾਂਚ ਦੀ ਅਧਿਕਾਰਤ ਤਰੀਕ ਦਾ ਐਲਾਨ ਨਹੀਂ ਕੀਤਾ ਹੈ, ਪਰ ਮੀਡੀਆ ਲੀਕ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਵੱਡਾ ਈਵੈਂਟ 9 ਸਤੰਬਰ ਨੂੰ ਹੋ ਸਕਦਾ ਹੈ। ਇਸ ਈਵੈਂਟ ਦੌਰਾਨ ਨਵੀਂ ਸੀਰੀਜ਼ ਦੇ ਦੋ ਪ੍ਰਮੁੱਖ ਮਾਡਲ iPhone 18 Pro ਅਤੇ iPhone 18 Pro Max ਲਾਂਚ ਕੀਤੇ ਜਾਣਗੇ।
ਨਵੇਂ iPhone 18 Pro ਦੀ ਪਰਫਾਰਮੈਂਸ ਨੂੰ ਬਿਹਤਰ ਬਣਾਉਣ ਲਈ ਇਸ ਵਿੱਚ ਐਪਲ ਦਾ ਨਵਾਂ A20 Pro ਚਿਪਸੈੱਟ ਦਿੱਤਾ ਜਾਵੇਗਾ। ਕੰਪਨੀ ਇਸ ਨਵੀਂ ਚਿਪ ਨੂੰ 2nm ਪ੍ਰੋਸੈਸ 'ਤੇ ਤਿਆਰ ਕਰ ਰਹੀ ਹੈ, ਜੋ ਫੋਨ ਨੂੰ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਤੇਜ਼ ਬਣਾਏਗੀ। ਇਸ ਦੇ ਮੁਕਾਬਲੇ ਪਿਛਲੇ iPhone 17 Pro ਵਿੱਚ 3nm ਤਕਨੀਕ 'ਤੇ ਅਧਾਰਤ A19 Pro ਚਿਪ ਦਿੱਤੀ ਗਈ ਸੀ। ਇਸ ਦੇ ਨਾਲ ਹੀ ਨਵੇਂ ਹੈਂਡਸੈੱਟ ਵਿੱਚ ਬੈਟਰੀ ਦੀ ਕਾਰਜਕੁਸ਼ਲਤਾ (Battery Efficiency) ਨੂੰ ਵੀ ਪਹਿਲਾਂ ਨਾਲੋਂ ਬਿਹਤਰ ਬਣਾਇਆ ਜਾਵੇਗਾ।
ਰਿਪੋਰਟਾਂ ਅਨੁਸਾਰ, ਨਵੇਂ ਆਈਫੋਨ ਦਾ ਡਿਜ਼ਾਈਨ ਪਿਛਲੇ ਮਾਡਲ ਨਾਲੋਂ ਬਹੁਤ ਜ਼ਿਆਦਾ ਵੱਖਰਾ ਨਹੀਂ ਹੋਵੇਗਾ। ਇਸ ਵਿੱਚ ਪਹਿਲਾਂ ਵਾਂਗ ਹੀ ਐਲੂਮੀਨੀਅਮ ਫਰੇਮ ਦੇ ਨਾਲ 6.3 ਇੰਚ ਦੀ ਡਿਸਪਲੇਅ ਮਿਲਣ ਦੀ ਉਮੀਦ ਹੈ, ਜਿਸ ਵਿੱਚ ProMotion ਦੇ ਨਾਲ OLED ਪੈਨਲ ਅਤੇ 120Hz ਰਿਫ੍ਰੈਸ਼ ਰੇਟ ਦਿੱਤਾ ਜਾਵੇਗਾ। ਹਾਲਾਂਕਿ, ਡਿਸਪਲੇਅ ਦੀ ਬ੍ਰਾਈਟਨੈੱਸ ਵਿੱਚ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ ਫੋਨ ਦੀ ਮੋਟਾਈ ਵਿੱਚ ਬਦਲਾਅ ਹੋਵੇਗਾ ਅਤੇ ਇਸ ਨੂੰ ਚਾਰ ਰੰਗਾਂ ਵਿੱਚ ਪੇਸ਼ ਕੀਤਾ ਜਾਵੇਗਾ, ਜਿਸ ਵਿੱਚ ਇੱਕ ਨਵਾਂ 'ਡੀਪ ਰੈੱਡ' (Deep Red) ਰੰਗ ਵੀ ਸ਼ਾਮਲ ਹੋਵੇਗਾ।
ਫੋਨ ਦੇ ਫਰੰਟ ਲੁੱਕ ਵਿੱਚ ਵੀ ਇੱਕ ਵੱਡਾ ਬਦਲਾਅ ਦੇਖਣ ਨੂੰ ਮਿਲੇਗਾ। ਐਪਲ ਫੇਸ ਆਈਡੀ (Face ID) ਦੇ ਸਾਈਜ਼ ਨੂੰ ਛੋਟਾ ਕਰ ਸਕਦੀ ਹੈ, ਜਿਸ ਕਾਰਨ ਸਕ੍ਰੀਨ 'ਤੇ ਮੌਜੂਦ ਡਾਇਨਾਮਿਕ ਆਈਲੈਂਡ (Dynamic Island) ਪਹਿਲਾਂ ਨਾਲੋਂ ਛੋਟਾ ਹੋ ਜਾਵੇਗਾ। ਇਸ ਦੇ ਨਾਲ ਹੀ ਕੈਮਰਾ ਕੰਟਰੋਲ ਬਟਨ ਨੂੰ ਵੀ ਅਪਡੇਟ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚੋਂ ਜ਼ੂਮ ਅਤੇ ਹੋਰ ਸੈਟਿੰਗਜ਼ ਨੂੰ ਕੰਟਰੋਲ ਕਰਨ ਵਾਲੇ 'ਜੈਸਚਰ ਫੀਚਰ' ਨੂੰ ਹਟਾਇਆ ਜਾ ਸਕਦਾ ਹੈ।
ਬਿਹਤਰ ਹਾਰਡਵੇਅਰ ਅਤੇ ਗਲੋਬਲ ਚਿਪ ਸ਼ਾਰਟੇਜ (ਚਿਪਸ ਦੀ ਕਮੀ) ਦੇ ਕਾਰਨ ਐਪਲ ਇਸ ਵਾਰ ਆਪਣੇ ਗਾਹਕਾਂ ਦੀ ਜੇਬ 'ਤੇ ਬੋਝ ਵਧਾ ਸਕਦੀ ਹੈ। ਰਿਪੋਰਟਾਂ ਮੁਤਾਬਕ, iPhone 18 Pro ਦੀ ਸ਼ੁਰੂਆਤੀ ਕੀਮਤ ਲਗਭਗ 1,300 ਡਾਲਰ (ਕਰੀਬ 1,09,000 ਰੁਪਏ) ਹੋਣ ਦੀ ਉਮੀਦ ਹੈ, ਜਦੋਂ ਕਿ ਪਿਛਲੇ ਸਾਲ ਦੇ iPhone 17 Pro ਦੀ ਸ਼ੁਰੂਆਤੀ ਕੀਮਤ 1,100 ਡਾਲਰ ਸੀ।
PUBG ਖੇਡਣ ਵਾਲਿਆਂ ਲਈ Good News ! ਸਸਤੇ ਸਮਾਰਟਫੋਨਾਂ 'ਚ ਵੀ 'ਮੱਖਣ' ਵਾਂਗ ਚੱਲੇਗੀ BGMI
NEXT STORY 
