ਗੈਜੇਟ ਡੈਸਕ– ਚੀਨ ਦੀ ਐੱਸ.ਏ.ਆਈ.ਸੀ. ਮੋਟਰ ਕਾਰਪ ਦੀ ਮਲਕੀਅਤ ਵਾਲੀ ਕੰਪਨੀ MG Motor ਦ ਬਾਜ਼ਾਰ ’ਚ ਜਲਦੀ ਹੀ ਪੇਸ਼ ਕੀਤੀ ਜਾਣ ਵਾਲੀ ਇਲੈਕਟ੍ਰਿਕ SUV ਨੂੰ ਭਾਰਤ ’ਚ ਵੀ ਲਾਂਚ ਕਰਨ ਦੀ ਯੋਜਨਾ ਹੈ। ਸ਼ੁਰੂਆਤ ’ਚ ਇਸ ਨੂੰ ਦੇਸ਼ਦੇ ਕੁਝ ਚੁਣੇ ਹੋਏ ਸ਼ਹਿਰਾਂ ’ਚ ਹੀ ਪੇਸ਼ ਕੀਤਾ ਜਾਵੇਗਾ। ਐੱਮ.ਜੀ. ਮੋਟਰ ਇੰਡੀਆ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਅਗਲੇ 9 ਮਹੀਨਿਆਂ ’ਚ ਆਪਣੀਆਂ ਦੋ ਕਾਰਾਂ ਦੇਸ਼ ’ਚ ਲਾਂਚ ਕਰੇਗੀ, ਜਿਸ ਵਿਚ Hector SUV ਅਤੇ ਇਕ ਇਲੈਕਟ੍ਰਿਕ ਐੱਸ.ਯੂ.ਵੀ. ਸ਼ਾਮਲ ਹੈ।
ਐੱਮ.ਜੀ. ਮੋਟਰ ਨੇ ਕਿਹਾ ਹੈ ਕਿ ਉਸ ਦੀਆਂ ਗੱਡੀਆਂ ‘ਓਵਰ ਦਿ ਏਅਰ’ (OTA) ਟੈਕਨਾਲੋਜੀ ਨਾਲ ਲੈਸ ਹੋਣਗੀਆਂ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਭਾਰਤ ’ਚ ਓ.ਟੀ.ਏ. ਦਾ ਪਹਿਲਾ ਪ੍ਰਯੋਗ ਹੋਵੇਗਾ। ਇਸ ਟੈਕਨਾਲੋਜੀ ਨਾਲ ਲੈਸ ਗੱਡੀਆਂ ’ਚ ਕੰਪਨੀਆਂ ਆਪਣੇ ਆਪਰੇਟਿੰਗ ਸਿਸਟਮ ਨੂੰ ਅਪਡੇਟ ਕਰ ਸਕਦੀਆਂ ਹਨ, ਜਿਸ ਵਿਚ ਇੰਟਰਟੇਨਮੈਂਟ ਸਮੇਤ ਹੋਰ ਪਹਿਲੂ ਸ਼ਾਮਲ ਹਨ। ਇਸ ਨਾਲ ਗੱਡੀਆਂ ਨੂੰ ਨਵਾਂ ਰੂਪ ਦੇਣ ’ਚ ਮਦਦ ਮਿਲਦੀ ਹੈ। ਓ.ਟੀ.ਓ. ਟ੍ਰਾਂਸਮਿਸ਼ਨ ਅਤੇ ਐਲਪੀਕੇਸ਼ਨ ਸੰਬੰਧਿਤ ਸੂਚਨਾ ਵਾਇਰਲੈੱਸ ਕੰਮਿਊਨੀਕੇਸ਼ੰਸ ਸਿਸਟਮ ’ਤੇ ਪ੍ਰਾਪਤ ਕਰਨ ਦਾ ਇਕ ਸਟੈਂਡਰਡ ਐਪ ਹੈ।
ਐੱਮ.ਜੀ. ਮੋਟਰ ਇੰਡੀਆ ਦੇ ਚੀਫ ਕਮਰਸ਼ਲ ਆਫੀਸਰ ਗੌਰਵ ਗੁੱਪਤਾ ਨੇ ਕਿਹਾ ਕਿ ਅਸੀਂ ਇਸ ਸਾਲ ਚੌਥੀ ਤਿਮਾਹੀ (ਅਕਤੂਬਰ-ਦਸੰਬਰ) ’ਚ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਐੱਸ.ਯੂ.ਵੀ. ਲਾਂਚ ਕਰਨਗੇ। ਇਸ ਨੂੰ ਦੇਸ਼ ਦੇ ਕੁਝ ਚੁਣੇ ਹੋਏ ਸ਼ਹਿਰਾਂ ’ਚ ਪੇਸ਼ ਕੀਤਾ ਜਾਵੇਗਾ। ਹਾਲਾਂਕਿ ਉਨ੍ਹਾਂ ਸ਼ਹਿਰਾਂ ਬਾਰੇ ਅਜੇ ਕੁਝ ਨਹੀਂ ਦੱਸਿਆ। ਗੌਰਵ ਨੇ ਕਿਹਾ ਕਿ ਇਸ ਵਾਰ ਚਾਰਜ ਕਰਨ ’ਤੇ ਇਹ ਇਲੈਕਟ੍ਰਿਕ ਐੱਸ.ਯੂ.ਵੀ. 250 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ। ਗੁੱਪਤਾ ਨੇ ਕਿਹਾ ਕਿ ਟੈਸਲਾ ਤੋਂ ਇਲਾਵਾ ਐੱਮ.ਜੀ. ਮੋਟਰ ਇਕ ਮਾਤਰ ਕੰਪਨੀ ਹੈ, ਜਿਸ ਕੋਲ ਓ.ਟੀ.ਏ. ਟੈਕਨਾਲੋਜੀ ਹੈ। ਐੱਮ.ਜੀ. ਮੋਟਰ ਦੀ 2019 ਤੋਂ ਭਾਰਤ ’ਚ ਹਰ ਸਾਲ ਇਕ ਨਵਾਂ ਪ੍ਰੋਡਕਟ ਲਾਂਚ ਕਰਨ ਦੀ ਯੋਜਨਾ ਹੈ।
LG ਨੇ ਪੇਸ਼ ਕੀਤੇ ਡਿਊਲ ਏਅਰ ਕੰਡੀਸ਼ਨਰ, ਕੀਮਤ 31,990 ਰੁਪਏ ਤੋਂ ਸ਼ੁਰੂ
NEXT STORY 
