ਗੈਜੇਟ ਡੈਸਕ– ਮੋਟੋਰੋਲਾ ਨੇ ਸੋਮਵਾਰ ਨੂੰ ਭਾਰਤ ’ਚ ਮੋਟੋ ਈ6ਐੱਸ ਸਮਾਰਟਫੋਨ ਲਾਂਚ ਕਰ ਦਿੱਤਾ ਹੈ। ਕੁਝ ਦਿਨ ਪਹਿਲਾਂ ਹੀ ਮੋਟੋ ਈ6ਐੱਸ ਨੂੰ ਆਈ.ਐੱਫ.ਏ. 2019 ਈਵੈਂਟ ਦੌਰਾਨ ਪੇਸ਼ ਕੀਤਾ ਗਿਆ ਸੀ। ਉਥੇ ਹੀ ਇਸ ਫੋਨ ਦੀ ਈ-ਕਾਮਰਸ ਸਾਈਟ ਫਲਿਪਕਾਰਟ ’ਤੇ ਝਲਕ ਵੀ ਪੇਸ਼ ਹੋਈ ਸੀ। ਇਸ ਫੋਨ ’ਚ ਐੱਚ.ਡੀ. ਪਲੱਸ ਡਿਸਪਲੇਅ, ਐਂਡਰਾਇਡ ਪਾਈ ਅਤੇ ਆਕਟਾ ਕੋਰ ਮੀਡੀਆ ਟੈੱਕ ਪ੍ਰੋਸੈਸਰ ਦੀ ਸਪੋਰਟ ਦਿੱਤੀ ਗਈ ਹੈ। 23 ਸਤੰਬਰ ਤੋਂ ਮੋਟੋ ਈ6ਐੱਸ ਸਮਾਰਟਫੋਨ ਦੀ ਸੇਲ ਫਲਿਪਕਾਰਟ ਅਤੇ ਅਧਿਕਾਰਤ ਵੈੱਬਸਾਈਟ ’ਤੇ ਸ਼ੁਰੂ ਕੀਤੀ ਜਾਵੇਗੀ।
ਕੀਮਤ
ਮੋਟੋਰੋਲਾ ਨੇ ਇਸ ਫੋਨ ਦਾ 4 ਜੀ.ਬੀ. ਰੈਮ ਅਤੇ 64 ਜੀ.ਬੀ. ਇੰਟਰਨਲ ਸਟੋਰੇਜ ਵੇਰੀਐਂਟ ਬਾਜ਼ਾਰ ’ਚ ਉਤਾਰਿਆ ਹੈ। ਇਸ ਦੀ ਕੀਮਤ 7,999 ਰੁਪਏ ਰੱਖੀ ਗਈ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਬ੍ਰਾਂਡਿਡ ਸਮਾਰਟਫੋਨ ’ਚ ਇਸ ਸਪੈਸੀਫਿਕੇਸ਼ਨ ਦੇ ਨਾਲ ਇਹ ਸਭ ਤੋਂ ਸਸਤਾ ਫੋਨ ਹੋਵੇਗਾ। ਉਥੇ ਹੀ ਗਾਹਕ ਇਸ ਫੋਨ ਨੂੰ ਰਿਚ ਕ੍ਰੇਨਬੇਰੀ ਅਤੇ ਗ੍ਰੇਫਾਈਟ ਕਲਰ ਆਪਸ਼ਨ ਦੇ ਨਾਲ ਖਰੀਦ ਸਕਣਗੇ। ਆਫਰਜ਼ ਦੀ ਗੱਲ ਕਰੀਏ ਤਾਂ ਜਿਓ ਆਪਣੇ ਗਾਹਕਾਂ ਨੂੰ ਮੋਟੋ ਈ6ਐੱਸ ਦੀ ਖਰੀਦ ’ਤੇ 2,200 ਰੁਪਏ ਦਾ ਕੈਸ਼ਬੈਕ ਦੇਵੇਗਾ। ਇਸ ਤੋਂ ਇਲਾਵਾ ਗਾਹਕਾਂ ਨੂੰ ਕਲੀਅਰਟ੍ਰਿਪ ਦੇ 3000 ਰੁਪਏ ਦੇ ਵਾਊਚਰਜ਼ ਵੀ ਮੁਫਤ ਮਿਲਣਗੇ।
ਫੀਚਰਜ਼
ਮੋਟੋ ਈ6ਐੱਸ ਐਂਡਰਾਇਡ ਪਾਈ 9 ਅਤੇ ਸਟਾਕ ਇੰਟਰਫੇਸ ’ਤੇ ਕੰਮ ਕਰੇਗਾ। ਨਾਲ ਹੀ ਫੋਨ ’ਚ 6.1 ਇੰਚ ਦੀ ਐੱਚ.ਡੀ. ਪਲੱਸ ਡਿਸਪਲੇਅ ਮਿਲੇਗੀ, ਜਿਸ ਦਾ ਰੈਜ਼ੋਲਿਊਸ਼ਨ 1560x720 ਪਿਕਸਲ ਹੋਵੇਗਾ। ਇਸ ਫੋਨ ਦੀ ਡਿਸਪਲੇਅ ਦਾ ਸਕਰੀਨ ਟੂ ਬਾਡੀ ਰੇਸ਼ੀਓ 80 ਫੀਸਦੀ ਹੈ। ਗਾਹਕਾਂ ਨੂੰ ਮੋਟੋ ਈ6ਐੱਸ ’ਚ ਆਕਟਾ ਕੋਰ ਮੀਡੀਆਟੈੱਕ ਹੀਲੀਓ ਪੀ22 ਐੱਸ.ਓ.ਸੀ. ਅਤੇ 4 ਜੀ.ਬੀ. ਰੈਮ ਮਿਲੇਗੀ।
ਫੋਨ ’ਚ ਡਿਊਲ ਰੀਅਰ ਕੈਮਰਾ ਮਿਲੇਗਾ, ਜਿਸ ਵਿਚ 13 ਮੈਗਾਪਿਕਸਲ ਦਾ ਪ੍ਰਾਈਮਰੀ ਸੈਂਸਰ ਅਤੇ 2 ਮੈਗਾਪਿਕਸਲ ਦਾ ਡੈੱਪਥ ਸੈਂਸਰ ਸ਼ਾਮਲ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ ’ਚ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਮਿਲੇਗਾ।
ਕੁਨੈਕਟੀਵਿਟੀ ਲਈ ਫੋਨ ’ਚ ਬਲੂਟੁੱਥ 5.0, ਜੀ.ਪੀ.ਐੱਸ., ਵਾਈ-ਫਾਈ ਅਤੇ ਯੂ.ਐੱਸ.ਬੀ. ਪੋਰਟ ਵਰਗੇ ਫੀਚਰਜ਼ ਹਨ। ਇਸ ਦੇ ਨਾਲ ਹੀ ਫੋਨ ’ਚ 3,000mAh ਦੀ ਬੈਟਰੀ ਮਿਲੇਗੀ ਜੋ 10 ਵਾਟ ਫਾਸਟ ਚਾਰਿਜੰਗ ਫੀਚਰ ਨਾਲ ਲੈਸ ਹੈ।
ਪੀ.ਐੱਮ. ਮੋਦੀ ਦੇ ਜਨਮ ਦਿਨ ਤੋਂ ਪਹਿਲਾਂ 'ਨਮੋ ਐਪ' ਦਾ ਨਵਾਂ ਵਰਜਨ ਲਾਂਚ
NEXT STORY 
