ਗੈਜੇਟ ਡੈਸਕ- ਟੈਸਲਾ ਦੇ ਸੀ.ਈ.ਓ. ਐਲੋਨ ਮਸਕ ਨੇ ਐਲਾਨ ਕੀਤਾ ਹੈ ਕਿ ਉਨ੍ਹਾਂ ਦੀ ਬ੍ਰੇਨ-ਚਿਪ ਸਟਾਰਟਅਪ ਕੰਪਨੀ ਨਿਊਰਾਲਿੰਕ (Neuralink) ਨੂੰ ਯੂ.ਐੱਸ. ਫੂਡ ਐਂਡ ਡਰੱਗ ਐਡਮਿਨੀਸਟ੍ਰੇਸ਼ਨ (ਐੱਫ.ਡੀ.ਏ.) ਤੋਂ ਇਕ ਪ੍ਰਯੋਗਾਤਮਕ ਇਮਪਲਾਂਟ ਡਿਵਾਈਸ ਲਈ ਮਨਜ਼ੂਰੀ ਮਿਲ ਗਈ ਹੈ, ਹੈ ਜੋ ਉਨ੍ਹਾਂ ਲੋਕਾਂ ਨੂੰ ਵੀ ਦੇਖਣ 'ਚ ਸਮਰੱਥ ਬਣਾਵੇਗਾ ਜੋ ਆਪਣੀਆਂ ਦੋਵਾਂ ਅੱਖਾਂ ਅਤੇ ਉਨ੍ਹਾਂ ਦੀਆਂ ਆਪਟਿਕ ਨਸਾਂ ਨੂੰ ਗੁਆ ਚੁੱਕੇ ਹਨ ਯਾਨੀ ਇਸ ਡਿਵਾਈਸ ਦੀ ਮਦਦ ਨਾਲ ਉਹ ਵੀ ਦੇਖ ਸਕਣਗੇ ਜਿਨ੍ਹਾਂ ਨੂੰ ਅੱਖਾਂ ਨਾਲ ਕੁਝ ਵੀ ਨਜ਼ਰ ਨਹੀਂ ਆਉਂਦਾ। ਜੇਕਰ ਇਹ ਸਫਲ ਹੁੰਦਾ ਹੈ ਤਾਂ ਇਸ ਨੂੰ ਮਨੁੱਖਤਾ ਲਈ ਵੱਡੀ ਪ੍ਰਾਪਤੀ ਮੰਨਿਆ ਜਾਵੇਗਾ।
ਮਸਕ ਨੇ ਐਕਸ 'ਤੇ ਇਕ ਪੋਸਟ ਰਾਹੀਂ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਲਿਖਿਆ "Neuralink ਦਾ Blindsight ਡਿਵਾਈਸ ਉਨ੍ਹਾਂ ਲੋਕਾਂ ਨੂੰ ਵੀ ਦੇਖਣ 'ਚ ਸਮਰੱਥ ਬਣਾਵੇਗਾ ਜਿਨ੍ਹਾਂ ਨੇ ਦੋਵਾਂ ਅੱਖਾਂ ਅਤੇ ਆਪਟਿਕਸ ਨਸ ਗੁਆ ਦਿੱਤੀ ਹੈ। ਜੇਕਰ ਵਿਜ਼ੂਅਲ ਕਾਰਟੈਕਸ ਠੀਕ ਹੈ ਤਾਂ ਇਹ ਉਨ੍ਹਾਂ ਲੋਕਾਂ ਨੂੰ ਵੀ ਪਹਿਲੀ ਵਾਰ ਦੇਖਣ ਦਾ ਮੌਕਾ ਦੇਵੇਗਾ ਜੋ ਜਨਮ ਤੋਂ ਹੀ ਅੰਨ੍ਹੇ ਹਨ।
ਉਨ੍ਹਾਂ ਇਹ ਵੀ ਕਿਹਾ, "ਸ਼ੁਰੂਆਤ ਵਿੱਚ ਨਜ਼ਰ ਘੱਟ ਰੈਜ਼ੋਲਿਊਸ਼ਨ ਵਾਲੀ ਹੋਵੇਗੀ, ਜਿਵੇਂ ਅਟਾਰੀ ਗ੍ਰਾਫਿਕਸ ਪਰ ਭਵਿੱਖ ਵਿੱਚ ਇਹ ਕੁਦਰਤੀ ਦ੍ਰਿਸ਼ਟੀ ਤੋਂ ਵੀ ਬਿਹਤਰ ਹੋ ਸਕਦੀ ਹੈ ਅਤੇ ਤੁਹਾਨੂੰ ਇਨਫਰਾਰੈੱਡ, ਅਲਟਰਾਵਾਇਲਟ ਜਾਂ ਇੱਥੋਂ ਤੱਕ ਕਿ ਰਾਡਾਰ ਵੇਵ-ਲੰਬਾਈ ਵਿੱਚ ਵੀ ਦੇਖਣ ਦੀ ਸਮਰੱਥਾ ਦਿੰਦੀ ਹੈ। ਇਹ ਡਿਵਾਈਸ ਅਮਰੀਕੀ ਵਿਗਿਆਨ-ਕਲਪਨਾ ਟੀਵੀ ਸੀਰੀਜ਼ ਸਟਾਰ ਟ੍ਰੈਕ: ਦ ਨੈਕਸਟ ਜਨਰੇਸ਼ਨ ਦਾ ਪਾਤਰ ਜਿਓਰਡੀ ਲਾ ਫੋਰਜ ਵਰਗੀ ਹੋਵੇਗੀ।
ਐਲੋਨ ਮਸਕ ਨੇ ਜਿਓਰਡੀ ਲਾ ਫੋਰਜ ਦੀ ਇੱਕ ਫੋਟੋ ਵੀ ਸਾਂਝੀ ਕੀਤੀ ਹੈ। ਜਿਓਰਡੀ ਲਾ ਫੋਰਜ ਇੱਕ ਅਜਿਹਾ ਪਾਤਰ ਹੈ ਜੋ ਪੂਰੀ ਸੀਰੀਜ਼ ਵਿੱਚ ਜਨਮ ਤੋਂ ਹੀ ਅੰਨ੍ਹਾ ਹੈ ਪਰ ਇੱਕ ਗੈਜੇਟ ਦੀ ਮਦਦ ਨਾਲ ਦੇਖ ਸਕਦਾ ਹੈ। ਐੱਫ.ਡੀ.ਏ. ਦੀ ਪ੍ਰਵਾਨਗੀ ਦੀ ਪੁਸ਼ਟੀ ਕਰਦੇ ਹੋਏ, ਨਿਊਰਾਲਿੰਕ ਨੇ ਕਿਹਾ ਕਿ ਬਲਾਈਂਡਸਾਈਟ ਨੇ ਅਮਰੀਕੀ ਸਰਕਾਰ ਦੀ ਸੰਸਥਾ ਤੋਂ ਬ੍ਰੇਕਥਰੂ ਡਿਵਾਈਸ ਅਹੁਦਾ ਪ੍ਰਾਪਤ ਕੀਤਾ ਹੈ।
ਨਿਊਰਾਲਿੰਕ ਨੇ ਵੀ ਐੱਫ. ਡੀ. ਏ. ਦੀ ਪ੍ਰਵਾਨਗੀ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਬਲਾਇੰਡਸਾਈਟ ਨੂੰ ਅਮਰੀਕੀ ਸਰਕਾਰ ਦੀ ਸੰਸਥਾ ਤੋਂ "ਬ੍ਰੇਕਥਰੂ ਡਿਵਾਈਸ ਅਹੁਦਾ" ਪ੍ਰਾਪਤ ਹੋਇਆ ਹੈ। ਐੱਫ.ਡੀ.ਏ. ਦਾ ਬ੍ਰੇਕਥਰੂ ਡਿਵਾਈਸ ਅਹੁਦਾ ਖਾਸ ਮੈਡੀਕਲ ਡਿਵਾਈਸਾਂ ਨੂੰ ਦਿੱਤਾ ਜਾਂਦਾ ਹੈ ਜੋ ਜਾਨਲੇਵਾ ਸਥਿਤੀਆਂ ਦੇ ਇਲਾਜ ਜਾਂ ਨਿਦਾਨ ਲਈ ਉਪਯੋਗੀ ਹੁੰਦੇ ਹਨ।
ਸੈਮਸੰਗ ਨੇ ਲਾਂਚ ਕੀਤਾ ਸਸਤਾ ਸਮਾਰਟਫੋਨ, ਦਮਦਾਰ ਬੈਟਰੀ ਨਾਲ ਮਿਲੇਗਾ 50MP ਦਾ ਕੈਮਰਾ
NEXT STORY 
