ਗੈਜੇਟ ਡੈਸਕ - Honor ਨੇ ਚੀਨ 'ਚ Magic 9 ਸੀਰੀਜ਼ ਹੇਠ ਸਮਾਰਟਫੋਨ ਲਾਂਚ ਕਰ ਦਿੱਤੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਇਸ ਸੀਰੀਜ਼ ਦੇ ਤਹਿਤ Honor 3 ਸਮਾਰਟਫੋਨ ਲਾਂਚ ਕੀਤੇ ਹਨ ਜੋ ਕਿ Magic 9, Magic 9 Pro Max ਤੇ Magic 9 Super Edition ਹਨ। ਇਹ ਸੀਰੀਜ਼ ਦਾ ਸੁਪਰ-ਪਾਵਰਡ ਵਰਜ਼ਨ ਹੈ। ਕੰਪਨੀ ਨੇ ਇਸ ºਚ ਸਟੈਂਡਰਡ ਮਾਡਲ ਨਾਲੋਂ ਵੱਡੀ ਬੈਟਰੀ ਦਿੱਤੀ ਹੈ।
ਆਨਰ ਮੈਜਿਕ 9 ਸੁਪਰ ਐਡੀਸ਼ਨ ਸਮਾਰਟਫੋਨ 'ਚ 6.81-ਇੰਚ OLED ਡਿਸਪਲੇਅ ਹੈ। ਇਸਦਾ ਰੈਜ਼ੋਲਿਊਸ਼ਨ 2788 x 1280 ਹੈ ਅਤੇ ਇਸਦਾ ਰਿਫਰੈਸ਼ ਰੇਟ 120Hz ਹੈ ਜੋ ਕਿ 1.07 ਬਿਲੀਅਨ ਰੰਗਾਂ ਦਾ ਸਮਰਥਨ ਕਰਦਾ ਹੈ। ਡਿਸਪਲੇਅ ਦੀ ਪੀਕ ਬ੍ਰਾਇਟਨੈੱਸ 10,000 ਨਿਟਸ ਤੱਕ ਹੈ। ਇਸ ਫੋਨ 'ਚ 95.5% ਸਕ੍ਰੀਨ-ਟੂ-ਬਾਡੀ ਰੇਸ਼ੋ ਅਤੇ 1.03mm ਤੰਗ ਬੇਜ਼ਲ ਹਨ। ਆਨਰ ਦੇ ਮੈਜਿਕ 9 ਸੁਪਰ ਐਡੀਸ਼ਨ ਸਮਾਰਟਫੋਨ 'ਚ 11,000mAh ਬੈਟਰੀ ਹੈ। ਇਹ 80W ਵਾਇਰਡ ਅਤੇ 50W ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਹ ਫੋਨ ਪਿਛਲੇ ਸਾਲ ਦੇ ਫਲੈਗਸ਼ਿਪ ਸਨੈਪਡ੍ਰੈਗਨ 8 ਏਲੀਟ ਜਨ 5 ਚਿੱਪ, LPDDR5X ਰੈਮ, ਅਤੇ UFS 4.1 ਸਟੋਰੇਜ ਦੇ ਨਾਲ ਆਉਂਦਾ ਹੈ।
ਕੈਮਰੇ ਦੀ ਜੇਕਰ ਗੱਲ ਕਰੀਏ ਤਾਂ ਇਸ ਸਮਾਰਟਫੋਨ 'ਚ 200-ਮੈਗਾਪਿਕਸਲ ਸੈਮਸੰਗ S5KHP5 ਪ੍ਰਾਇਮਰੀ ਕੈਮਰਾ ਹੈ। ਇਮੇਸਜ ਸੈਂਸਰ 1/1.55-ਇੰਚ ਮਾਪਦਾ ਹੈ ਅਤੇ ਇਸਦਾ f/1.9 ਅਪਰਚਰ ਹੈ, ਅਤੇ ਆਪਟੀਕਲ ਇਮੇਜ ਸਥਿਰੀਕਰਨ ਦਾ ਸਮਰਥਨ ਕਰਦਾ ਹੈ। ਫੋਨ 'ਚ 50-ਮੈਗਾਪਿਕਸਲ ਦਾ Sony LYTIA 500 ਟੈਲੀਫੋਟੋ ਕੈਮਰਾ ਲੈਂਸ ਵੀ ਹੈ, ਜੋ 3x ਆਪਟੀਕਲ ਜ਼ੂਮ ਅਤੇ OIS ਨੂੰ ਸਪੋਰਟ ਕਰਦਾ ਹੈ। ਫੋਨ 'ਚ ਆਟੋਫੋਕਸ ਸਪੋਰਟ ਦੇ ਨਾਲ 12-ਮੈਗਾਪਿਕਸਲ ਦਾ ਅਲਟਰਾਵਾਈਡ ਕੈਮਰਾ ਵੀ ਹੈ। ਫੋਨ 'ਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 50-ਮੈਗਾਪਿਕਸਲ ਕੈਮਰਾ ਹੈ।
ਇਹ ਸਮਾਰਟਫੋਨ ਐਂਡਰਾਇਡ 17 'ਤੇ ਆਧਾਰਿਤ MagicOS 11 'ਤੇ ਚੱਲਦਾ ਹੈ। ਇਹ ਫੋਨ ਵਾਈ-ਫਾਈ 7, ਬਲੂਟੁੱਥ 6.0, NFC, IR ਬਲਾਸਟਰ, ਅਤੇ ਡਿਊਲ ਸਿਮ ਕਨੈਕਟੀਵਿਟੀ ਦੇ ਨਾਲ ਆਉਂਦਾ ਹੈ। ਫੋਨ 'ਚ ਠੰਡਾ ਕਰਨ ਲਈ ਇਕ ਵਿੰਡ-ਟਨਲ ਪੱਖਾ ਹੈ। ਇਸ ਫੋਨ 'ਚ ਇਕ ਆਪਟੀਕਲ ਫਿੰਗਰਪ੍ਰਿੰਟ ਸੈਂਸਰ, ਸਟੀਰੀਓ ਸਪੀਕਰ, ਅਤੇ IP68, IP69, ਅਤੇ IP69K ਰੇਟਿੰਗਾਂ ਹਨ।
ਕੀਮਤ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਆਨਰ ਨੇ ਇਸ ਸੁਪਰ ਐਡੀਸ਼ਨ ਸਮਾਰਟਫੋਨ ਨੂੰ ਤਿੰਨ ਵੇਰੀਐਂਟ 'ਚ ਲਾਂਚ ਕੀਤਾ ਹੈ: 12GB+256GB, 12GB+512GB, ਅਤੇ 16GB+512GB। ਇਨ੍ਹਾਂ ਦੀ ਕੀਮਤ ਕ੍ਰਮਵਾਰ 4,499 ਯੂਆਨ (ਲਗਭਗ 54,000 ਰੁਪਏ), 4,999 ਯੂਆਨ (ਲਗਭਗ 63,000 ਰੁਪਏ), ਅਤੇ 5,499 ਯੂਆਨ (72,000 ਰੁਪਏ) ਹੈ। ਇਹ ਫੋਨ ਚੀਨ 'ਚ ਪੌਪਕੌਰਨ ਯੈਲੋ, ਕਰਟਨ ਬਲੈਕ, ਓਪਨਿੰਗ ਸਟੇਟਮੈਂਟ ਅਤੇ ਓਲਿਵ ਗ੍ਰੀਨ ਰੰਗਾਂ 'ਚ ਖਰੀਦਿਆ ਜਾ ਸਕਦਾ ਹੈ।
ਟੈਲੀਕਾਮ ਸੈਕਟਰ 'ਚ ਵੱਡਾ ਉਛਾਲ ! ਦੇਸ਼ 'ਚ ਮੋਬਾਈਲ ਯੂਜ਼ਰਸ ਦੀ ਗਿਣਤੀ 129 ਕਰੋੜ ਤੋਂ ਪਾਰ
NEXT STORY 
