ਗੈਜੇਟ ਡੈਸਕ - Gmail ਸਟੋਰੇਜ ਦਾ ਭਰ ਜਾਣਾ ਇਕ ਆਮ ਸਮੱਸਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਗੂਗਲ ਵੱਲੋਂ ਹਰ ਯੂਜ਼ਰ ਨੂੰ ਸਿਰਫ਼ 15 ਜੀਬੀ ਸਟੋਰੇਜ ਮੁਫ਼ਤ ਦਿੱਤੀ ਜਾਂਦੀ ਹੈ। ਇਹ ਸਟੋਰੇਜ ਈਮੇਲ ਅਟੈਚਮੈਂਟਾਂ, ਵੱਡੀਆਂ ਫਾਈਲਾਂ ਅਤੇ ਅਣਚਾਹੇ ਈਮੇਲਾਂ ਕਾਰਨ ਜਲਦੀ ਭਰ ਜਾਂਦੀ ਹੈ। ਜਦੋਂ ਸਟੋਰੇਜ ਭਰ ਜਾਂਦੀ ਹੈ ਤਾਂ ਨਵੇਂ ਈਮੇਲ ਭੇਜਣੇ ਅਤੇ ਪ੍ਰਾਪਤ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਆਪਣਾ ਜੀਮੇਲ ਮਿੰਟਾਂ ’ਚ ਆਸਾਨੀ ਨਾਲ ਖਾਲੀ ਕਰ ਸਕਦੇ ਹੋ। ਇਸ ਨਾਲ ਤੁਹਾਨੂੰ ਦੁਬਾਰਾ ਕਦੇ ਵੀ ਸਟੋਰੇਜ ਦੀ ਸਮੱਸਿਆ ਨਹੀਂ ਆਵੇਗੀ।
ਬੇਲੋੜੀਆਂ ਈਮੇਲਾਂ ਮਿਟਾਓ
- ਤੁਹਾਡੀ ਜਾਣਕਾਰੀ ਲਈ, ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਤੁਹਾਡੇ ਜੀਮੇਲ ’ਚ ਅਕਸਰ ਅਜਿਹੇ ਈਮੇਲ ਆਉਂਦੇ ਹਨ ਜੋ ਉਪਯੋਗੀ ਨਹੀਂ ਹੁੰਦੇ। ਇਨ੍ਹਾਂ ਬੇਲੋੜੀਆਂ ਈਮੇਲਾਂ ਨੂੰ ਮਿਟਾ ਕੇ ਸਟੋਰੇਜ ਖਾਲੀ ਕੀਤੀ ਜਾ ਸਕਦੀ ਹੈ।
ਟ੍ਰੈਸ਼ ਤੇ ਸਪੈਮ ਫੋਲਡਰ ਕਰੋ ਸਾਫ
- ਸਪੈਮ ਅਤੇ ਟ੍ਰੈਸ਼ ਫੋਲਡਰ ਉਨ੍ਹਾਂ ਈਮੇਲਾਂ ਨੂੰ ਸਟੋਰ ਕਰਦੇ ਹਨ ਜੋ ਤੁਸੀਂ ਮਿਟਾ ਦਿੱਤੀਆਂ ਹਨ ਜਾਂ ਜੋ ਸਪੈਮ ਹਨ। ਸਮੇਂ-ਸਮੇਂ 'ਤੇ ਉਨ੍ਹਾਂ ਨੂੰ ਖਾਲੀ ਕਰਨਾ ਜ਼ਰੂਰੀ ਹੈ, ਤਾਂ ਜੋ ਸਟੋਰੇਜ ਖਾਲੀ ਹੋ ਸਕੇ।
ਲੇਬਲ ਅਤੇ ਫੋਲਡਰਾਂ ਨੂੰ ਵਿਵਸਥਿਤ ਕਰੋ
- Gmail ਨੂੰ ਵਧੇਰੇ ਕੁਸ਼ਲਤਾ ਨਾਲ ਕੰਮ ਕਰਨ ਲਈ ਆਪਣੀ ਈਮੇਲ ਨੂੰ ਲੇਬਲਾਂ ਅਤੇ ਫੋਲਡਰਾਂ ’ਚ ਵਿਵਸਥਿਤ ਕਰੋ। ਇਸ ਨਾਲ ਨਾ ਸਿਰਫ਼ ਸਟੋਰੇਜ ਬਚਦੀ ਹੈ ਸਗੋਂ ਐਪ ਦੀ ਸਪੀਡ ਵੀ ਵਧਦੀ ਹੈ।
ਅਣਚਾਹੇ ਈਮੇਲਾਂ ਨੂੰ ਕਰੋ ਅਨਸਬਸਕ੍ਰਾਇਬ
- ਉਨ੍ਹਾਂ ਈਮੇਲਾਂ ਤੋਂ ਗਾਹਕੀ ਹਟਾਓ ਜੋ ਤੁਹਾਡੇ ਲਈ ਲਾਭਦਾਇਕ ਨਹੀਂ ਹਨ। ਇਹ ਨਾ ਸਿਰਫ਼ ਤੁਹਾਡਾ ਇਨਬਾਕਸ ਸਾਫ਼ ਰੱਖੇਗਾ ਬਲਕਿ ਤੁਸੀਂ ਬੇਲੋੜੀਆਂ ਈਮੇਲਾਂ ਤੋਂ ਵੀ ਬਚੋਗੇ।
ਨਾ ਗਏ ਪੜ੍ਹੇ ਈਮੇਲ ਕਰੋ ਡਿਲੀਟ
Gmail ’ਚ ਬਹੁਤ ਸਾਰੀਆਂ ਈਮੇਲਾਂ ਹਨ ਜੋ ਤੁਸੀਂ ਕਦੇ ਨਹੀਂ ਪੜ੍ਹੀਆਂ। ਇਨ੍ਹਾਂ ਨੂੰ ਮਿਟਾਉਣਾ ਇਕ ਬਿਹਤਰ ਵਿਕਲਪ ਹੈ :-
- Gmail ਖੋਲ੍ਹੋ।
- ਸਰਚ ਬਾਰ ’ਚ "unread" ਟਾਈਪ ਕਰੋ।
- ਸਾਰੀਆਂ ਨਾ ਪੜ੍ਹੀਆਂ ਈਮੇਲਾਂ ਚੁਣੋ ਅਤੇ ਉਨ੍ਹਾਂ ਨੂੰ ਮਿਟਾਓ।
ਬੇਲੋੜੀਆਂ ਐਕਸਟੈਂਸ਼ਨਾਂ ਨੂੰ ਬੰਦ ਕਰੋ
Gmail ਨਾਲ ਜੁੜੇ ਅਜਿਹੇ ਐਕਸਟੈਂਸ਼ਨਾਂ ਦੀ ਵਰਤੋ ਨਾ ਕਰੋ ਜਿਨ੍ਹਾਂ ਨੂੰ ਤੁਸੀਂ ਨਹੀਂ ਵਰਤਦੇ। ਇਸ ਨਾਲ ਖਾਤੇ ਦੀ ਗਤੀ ’ਚ ਸੁਧਾਰ ਹੋਵੇਗਾ। ਇਨ੍ਹਾਂ ਸੁਝਾਵਾਂ ਦੀ ਪਾਲਣਾ ਕਰਕੇ, ਤੁਸੀਂ Gmail ਸਟੋਰੇਜ ਖਾਲੀ ਕਰ ਸਕਦੇ ਹੋ ਅਤੇ ਆਪਣੀ ਐਪ ਨੂੰ ਤੇਜ਼ ਅਤੇ ਬਿਹਤਰ ਬਣਾ ਸਕਦੇ ਹੋ।
ਹੁਣ ਕੁੜੀਆਂ ਛੇੜਨ ਵਾਲਿਆਂ ਦੀ ਖ਼ੈਰ ਨਹੀਂ! ਗੁੱਟ 'ਤੇ ਬੰਨ੍ਹਿਆ ਇਹ 'ਬੈਂਡ' ਦੇਵੇਗਾ ਕਰਾਰਾ ਝਟਕਾ
NEXT STORY 
