ਗੈਜੇਟ ਡੈਸਕ - ਚੀਨੀ ਕੰਪਨੀ ਆਨਰ ਨੇ 8560mAh ਬੈਟਰੀ ਦੀ ਬੈਟਰੀ ਨਾਲ ਇਕ ਹੋਰ ਬਜਟ-ਅਨੁਕੂਲ ਸ਼ਕਤੀਸ਼ਾਲੀ ਫੋਨ ਲਾਂਚ ਕੀਤਾ ਹੈ। ਇਸ ਫੋਨ ਦਾ ਲੁੱਕ ਅਤੇ ਡਿਜ਼ਾਈਨ Honor Turbo 5G ਫੋਨ ਵਰਗਾ ਹੈ, ਜਿਸਨੂੰ ਕੰਪਨੀ ਨੇ ਹਾਲ ਹੀ 'ਚ ਘਰੇਲੂ ਬਾਜ਼ਾਰ 'ਚ ਪੇਸ਼ ਕੀਤਾ ਹੈ। ਇਸ ਤੋਂ ਇਲਾਵਾ, ਇਸ ਦੇ ਫੀਚਰਜ਼ ਟਰਬੋ ਫੋਨ ਵਰਗੇ ਹਨ। ਆਨਰ ਨੇ ਇਸ ਸਮਾਰਟਫੋਨ ਨੂੰ ਮਿਡਲ ਈਸਟ ਮਾਰਕੀਟ 'ਚ ਲਾਂਚ ਕੀਤਾ ਹੈ। ਕੰਪਨੀ ਇਸ ਸੀਰੀਜ਼ ਦੇ ਫੋਨ ਪਹਿਲਾਂ ਹੀ ਭਾਰਤ ਵਿੱਚ ਲਾਂਚ ਕਰ ਚੁੱਕੀ ਹੈ। ਇਹ ਨਵਾਂ ਫੋਨ ਭਾਰਤ ਵਿੱਚ ਲਾਂਚ ਕੀਤੇ ਗਏ Honor X9b ਵਰਗਾ ਹੀ ਦਿਖਦਾ ਹੈ।
ਚੀਨੀ ਕੰਪਨੀ ਨੇ ਇਸ ਮਿਡ-ਬਜਟ ਸਮਾਰਟਫੋਨ ਨੂੰ ਇਕ ਸਿੰਗਲ ਸਟੋਰੇਜ ਵੇਰੀਐਂਟ 'ਚ ਲਾਂਚ ਕੀਤਾ ਹੈ: 8GB RAM + 256GB। ਇਸ ਫੋਨ ਦੀ ਕੀਮਤ 1499 ਸਾਊਦੀ ਰਿਆਲ (ਲਗਭਗ ₹38,000) ਹੈ। ਇਹ ਤਿੰਨ ਰੰਗਾਂ ਦੇ ਵਿਕਲਪਾਂ 'ਚ ਪੇਸ਼ ਕੀਤਾ ਗਿਆ ਹੈ: ਡਾਊਨ ਔਰੇਂਜ, ਗਲੇਸ਼ੀਅਰ ਵ੍ਹਾਈਟ, ਅਤੇ ਮਿਡਨਾਈਟ ਬਲੈਕ। ਕੰਪਨੀ ਫੋਨ ਦੀ ਖਰੀਦ 'ਤੇ 299 ਸਾਊਦੀ ਰਿਆਲ (ਲਗਭਗ ₹7,500) ਦਾ ਤੋਹਫ਼ਾ ਵੀ ਦੇ ਰਹੀ ਹੈ। ਉਪਭੋਗਤਾਵਾਂ ਨੂੰ ਆਨਰ ਦਾ ਕੌਫੀ ਕੱਪ ਅਤੇ ਇਕ ਸਾਲ ਦੀ ਦੁਰਘਟਨਾ ਨਾਲ ਹੋਣ ਵਾਲੇ ਨੁਕਸਾਨ ਤੋਂ ਬਚਾਅ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ, ਬੈਟਰੀ ਸਮਰੱਥਾ ਦੀ ਇੱਕ ਸਾਲ ਲਈ ਗਰੰਟੀ ਵੀ ਹੈ।
ਇਹ ਆਨਰ ਸਮਾਰਟਫੋਨ 6.79-ਇੰਚ 1.5K AMOLED ਡਿਸਪਲੇਅ ਪੈਨਲ ਦੇ ਨਾਲ ਆਉਂਦਾ ਹੈ। ਫੋਨ ਦੀ ਡਿਸਪਲੇਅ 120Hz ਰਿਫਰੈਸ਼ ਰੇਟ ਅਤੇ 1800 nits ਤੱਕ ਦੀ ਪੀਕ ਬ੍ਰਾਈਟਨੈੱਸ ਨੂੰ ਸਪੋਰਟ ਕਰਦੀ ਹੈ। ਕੰਪਨੀ ਨੇ ਇਸ ਫੋਨ 'ਚ ਇੱਕ ਸ਼ਕਤੀਸ਼ਾਲੀ 8,560mAh ਸਿਲੀਕਾਨ ਕਾਰਬਨ ਬੈਟਰੀ ਦਿੱਤੀ ਹੈ। ਇਹ ਫੋਨ 7.76mm ਮੋਟਾ ਹੈ ਅਤੇ 80W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਫੋਨ ਦੀ ਬੈਟਰੀ ਇਕ ਵਾਰ ਚਾਰਜ ਕਰਨ 'ਤੇ 3 ਦਿਨਾਂ ਦਾ ਬੈਕਅੱਪ ਦਿੰਦੀ ਹੈ।
ਇਹ ਫੋਨ Qualcomm Snapdragon 6 Gen 4 ਚਿੱਪਸੈੱਟ 'ਤੇ ਕੰਮ ਕਰਦਾ ਹੈ। ਇਹ ਫੋਨ 8GB RAM ਦੇ ਨਾਲ 256GB ਸਟੋਰੇਜ ਨੂੰ ਸਪੋਰਟ ਕਰਦਾ ਹੈ। ਇਹ ਐਂਡਰਾਇਡ 16 'ਤੇ ਆਧਾਰਿਤ MagicOS 10 ਓਪਰੇਟਿੰਗ ਸਿਸਟਮ 'ਤੇ ਚੱਲਦਾ ਹੈ। ਇਸ ਸਮਾਰਟਫੋਨ ਦੇ ਪਿਛਲੇ ਪਾਸੇ ਡਿਊਲ ਕੈਮਰਾ ਸੈੱਟਅਪ ਹੈ। ਇਕ LED ਫਲੈਸ਼ ਵੀ ਦਿੱਤਾ ਗਿਆ ਹੈ। ਇਸ ਫੋਨ 'ਚ 50MP ਪ੍ਰਾਇਮਰੀ ਕੈਮਰਾ ਅਤੇ 5MP ਅਲਟਰਾ-ਵਾਈਡ-ਐਂਗਲ ਕੈਮਰਾ ਹੈ। ਇਸ 'ਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 16MP ਕੈਮਰਾ ਹੈ। ਕਨੈਕਟੀਵਿਟੀ ਲਈ, ਇਸ ਆਨਰ ਫੋਨ ਵਿੱਚ WiFi 6, ਬਲੂਟੁੱਥ 5.2, NFC, USB ਟਾਈਪ C ਵਰਗੇ ਫੀਚਰ ਹਨ।
7,600mAh ਬੈਟਰੀ ਆਲੇ ਫੋਨ 'ਤੇ ਮਿਲ ਰਿਹਾ ਸ਼ਾਨਦਾਰ ਡਿਸਕਾਊਂਟ ! ਜਾਣੋ ਪੂਰੀ ਡੀਲ
NEXT STORY 
