ਗੈਜੇਟ ਡੈਸਕ– Realme TechLife ਨੇ ਆਪਣਾ ਕਨਵਰਟਿਵਲ ਏਅਰ ਕੰਡੀਸ਼ਨਰ ਭਾਰਤ ’ਚ ਲਾਂਚ ਕਰ ਦਿੱਤਾ ਹੈ। Realme TechLife ਦੇ ਇਸ ਏਸੀ ਨੂੰ ਲੈ ਕੇ ਦਾਅਵਾ ਹੈ ਕਿ 55 ਡਿਗਰੀ ਦੀ ਗਰਮੀ ’ਚ ਵੀ ਕੰਮ ਕਰੇਗਾ ਅਤੇ ਕਮਰੇ ਨੂੰ ਠੰਡਾ ਰੱਖੇਗਾ। ਇਸ ਏਸੀ ’ਚ ਅਲਟਰ ਕੂਲਿੰਗ ਨਾਂ ਦਾ ਇਕ ਫੀਚਰ ਹੈ ਜੋ ਕਿ ਕਮਰੇ ’ਚ ਮੌਜੂਦ ਲੋਕਾਂ ਦੇ ਹਿਸਾਬ ਨਾਲ ਹੀ ਕਮਰੇ ਨੂੰ ਠੰਡਾ ਕਰਦਾ ਹੈ। ਇਸ ਫੀਚਰ ਨੂੰ ਲੈ ਕੇ ਬਿਜਲੀ ਬਚਤ ਦਾ ਦਾਅਵਾ ਕੀਤਾ ਗਿਆ ਹੈ।
Realme TechLife ਦੇ ਇਸ ਏਸੀ ’ਚ ਇਨਵਰਟਰ ਕੰਪ੍ਰੈਸਰ ਤਕਨਾਲੋਜੀ ਵੀ ਹੈ ਜਿਸਨੂੰ ਲੈ ਕੇ ਫਾਸਟ ਕੂਲਿੰਗ ਅਤੇ ਕੰਪ੍ਰੈਸਰ ਦੀ ਲੰਬੀ ਲਾਈਫ ਦਾ ਦਾਅਵਾ ਹੈ। ਇਸ ਏਸੀ ਨੂੰ ਲੈ ਕੇ ਇਹ ਵੀ ਦਾਅਵਾ ਹੈ ਕਿ ਇਸ ਵਿਚ ਆਟੋਮੈਟਿਕ ਕਲੀਨਿੰਗ ਸਿਸਟਮ ਹੈ ਜੋ ਕਿ ਧੂੜ ਆਦਿ ਨੂੰ ਫਿਲਟਰ ਕਰਦਾ ਹੈ। Realme TechLife ਤਹਿਤ ਲਾਂਚ ਹੋਣ ਵਾਲਾ ਇਹ ਪਹਿਲਾ ਏਸੀ ਹੈ। ਇਸਤੋਂ ਪਹਿਲਾਂ ਕੰਪਨੀ ਨੇ ਸੈਮੀ ਆਟੋਮੈਟਿਕ ਵਾਸ਼ਿੰਗ ਮਸ਼ੀਨ ਲਾਂਚ ਕੀਤੀ ਹੈ।
Realme TechLife AC ਦੀ ਕੀਮਤ
Realme TechLife ਏਸੀ ਦੇ 1 ਟਨ ਮਾਡਲ ਦੀ ਕੀਮਤ 27,790 ਰੁਪਏ ਅਤੇ 1.5 ਟਨ ਮਾਡਲ ਦੀ ਕੀਮਤ 30,999 ਰੁਪਏ ਹੈ। ਇਨ੍ਹਾਂ ਦੋਵਾਂ ਮਾਡਲਾਂ ਦੇ ਨਾਲ 4-ਸਟੀਰ ਦੀ ਰੇਟਿੰਗ ਹੈ। ਉੱਥੇ ਹੀ 5-ਸਟੀਰ ਰੇਟਿੰਗ ਦੇ ਨਾਲ 1.5 ਟਨ ਵਾਲੇ ਮਾਡਲ ਦੀ ਕੀਮਤ 33,490 ਰੁਪਏ ਰੱਖੀ ਗਈ ਹੈ। ਏਸੀ ਦੀ ਵਿਕਰੀ ਫਲਿਪਕਾਰਟ ’ਤੇ ਹੋਵੇਗੀ।
Realme TechLife ਏਸੀ ਦੀਆਂ ਖੂਬੀਆਂ
Realme TechLife ਦੇ ਇਸ ਏਸੀ ’ਚ ਇਨਵਰਟਰ ਕੰਪ੍ਰੈਸਰ ਤਕਨਾਲੋਜੀ ਹੈ ਜਿਸਨੂੰ ਲੈ ਕੇ ਲੰਬੀ ਲਾਈਫ ਅਤੇ ਬਿਹਤਰ ਕੂਲਿੰਗ ਦਾ ਦਾਅਵਾ ਹੈ। ਇਸਏਸੀ ਦੇ ਨਾਲ ਡ੍ਰਾਈਵ, ਇਕੋ ਅਤੇ ਤਿੰਨ ਸਲੀਪ ਮੋਡ ਮਿਲਣਗੇ। ਇਸ ਵਿਚ ਆਟੋ ਕਲੀਨਿੰਗ ਫੀਚਰ ਵੀ ਹੈ ਕਿ ਹਰੇਕ 30 ਸਿਕੰਟਾਂ ’ਤੇ ਆਨ ਹੁੰਦਾ ਹੈ ਅਤੇ ਫਿਰ ਆਪਣੇ ਆਪ ਆਫ ਹੋ ਜਾਂਦਾ ਹੈ। ਇਸ ਏਸੀ ਲੈ ਕੇ ਕੰਪਨੀ ਦਾ ਦਾਅਵਾ ਹੈ ਕਿ ਕਮਰੇ ’ਚ ਨਮੀ ਨਹੀਂ ਹੋਵੇਗੀ। ਇਸੇ ’ਚ ਬਲਿਊ ਫਿਨ ਤਕਨਾਲੋਜੀ ਵੀ ਹੈ ਜੋ ਕਿ ਕਵਾਈਲ ਨੂੰ ਪਾਣੀ ਤੋਂ ਬਚਾਉਂਦੀ ਹੈ। ਇਸ ਵਿਚ ਪਾਵਰ ਸੇਵਿੰਗ ਲਈ 40, 60, 80 ਅਤੇ 110 ਫੀਸਦੀ ਦੇ ਆਪਸ਼ਨ ਮਿਲਣਗੇ।
Sennheiser ਨੇ ਭਾਰਤ ’ਚ ਲਾਂਚ ਕੀਤਾ ਸਮਾਰਟ ਮੀਟਿੰਗ ਸਪੀਕਰ, ਜਾਣੋ ਕੀਮਤ ਤੇ ਖੂਬੀਆਂ
NEXT STORY 
