ਗੈਜੇਟ ਡੈਸਕ - ਕਈ ਕੰਪਨੀਆਂ ਨਵਾਂ ਫੋਨ ਖਰੀਦਣ ਦੇ ਸਮੇਂ ਬਾਕਸ 'ਚ ਚਾਰਜਰ ਨਹੀਂ ਦਿੰਦੀਆਂ ਜਿਸ ਕਾਰਨ ਲੋਕਾਂ ਨੂੰ ਚਾਰਜਰ ਵੱਖਰੇ ਤੌਰ 'ਤੇ ਖਰੀਦਣਾ ਪੈਂਦਾ ਹੈ। ਬਾਜ਼ਾਰ 'ਚ ਅੱਜਕਲ ਹਰ ਤਰ੍ਹਾਂ ਦੇ ਚਾਰਜਰ ਮਿਲਦੇ ਹਨ ਜਿਸ 'ਚ GaN ਚਾਰਜਰ ਵੀ ਮੌਜੂਦ ਹਨ। ਇਹ ਆਮ ਚਾਰਜਰ ਨਾਲੋਂ ਥੋੜ੍ਹਾ ਵਖਰਾ ਤੇ ਵਧੀਆ ਚਾਰਜਰ ਹੈ ਜਿਸ ਕਾਰਨ ਲੋਕ ਇਸ ਨੂੰ ਖਰੀਦਦੇ ਸਮੇਂ ਕਾਫੀ ਵਿਚਾਰ ਕਰਦੇ ਹਨ। ਇਸ ਲਈ ਆਓ ਇਸ ਖਬਰ ਰਾਹੀਂ GaN ਚਾਰਜਰ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰਦੇ ਹਾਂ ਕਿ ਇਹ ਬਾਕੀਆਂ ਚਾਕਰਜਰ ਨਾਲੋਂ ਕਿੰਨਾ ਵਖਰਾ ਹੈ ਤੇ ਕਿੰਨਾ ਫਾਇਦੇ ਹੈ, ਇਸ ਦੇ ਨਾਲ ਹੀ ਕੀ ਇਸ ਨੂੰ ਖਰੀਦਣਾ ਸਹੀ ਹੈ ਜਾਂ ਗਲਤ।
GaN ਚਾਰਜਰ ਦੇਖਣ 'ਚ ਭਾਵੇਂ ਹੀ ਛੋਟਾ ਦਿਸਦਾ ਹੈ ਪਰ ਇਸ ਦੀ ਤਕਨਾਲੋਜੀ ਬਾਕੀ ਚਾਰਜਰਾਂ ਨਾਲੋਂ ਵੱਖਰੀ ਹੁੰਦੀ ਹੈ। ਇਹ ਘੱਟ ਥਾਂ ਘੇਰਨ ਦੇ ਨਾਲ-ਨਾਲ ਵਧ ਬਿਜਲੀ ਪ੍ਰਦਾਨ ਕਰਦਾ ਹੈ ਤੇ ਹੀਟ ਦੀ ਬਰਬਾਦੀ ਘਟਾਉਣ 'ਚ ਮਦਦਗਾਰ ਹੈ। ਜੇਕਰ ਤੁਸੀਂ ਇਸ ਚਾਰਜਰ ਨੂੰ ਟੈਬਲੇਟ ਜਾਂ ਲੈਪਟਾਪ ਆਦਿ ਚਾਰਜ ਕਰਨ ਲਈ ਖਰੀਦ ਰਹੇ ਹੋ ਤਾਂ ਇਹ ਤੁਹਾਡੇ ਲਈ ਕਾਫੀ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ।
ਆਮ ਤੌਰ 'ਤੇ ਬਾਕੀ ਚਾਰਜਰਾਂ 'ਚ ਬਿਜਲੀ ਕੰਟ੍ਰੋਲ ਕਰਨ ਲਈ ਸਿਲਿਕਾਨ ਨਾਲ ਬਣੇ ਪੁਰਜਿਆਂ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਦਕਿ ਇਸ GaN ਚਾਰਜਰ 'ਚ ਵਧ ਬਿਜਲੀ ਪਾਵਰ ਸਪਲਾਈ ਕੀਤੀ ਜਾਂਦੀ ਹੈ ਪਰ ਜਦੋਂ ਇਨ੍ਹਾਂ ਚਾਰਜਰਾਂ ਨੂੰ ਜ਼ਿਆਦਾ ਪਾਵਰ ਦਿੱਤੀ ਜਾਂਦੀ ਹੈ, ਤਾਂ ਇਹ ਜ਼ਿਆਦਾ ਗਰਮ ਹੋ ਜਾਂਦੇ ਹਨ। ਇਸ ਸਮੱਸਿਆ ਨੂੰ ਘਟਾਉਣ ਲਈ, GaN, ਜਾਂ ਗੈਲੀਅਮ ਨਾਈਟਰਾਈਡ ਤਕਨਾਲੋਜੀ ਦੀ ਵਰਤੋਂ ਕੀਤੀ ਜਾਂਦੀ ਹੈ।
GaN ਚਾਰਜਰ 'ਚ ਇਕ ਖਾਸ ਤਰ੍ਹਾਂ ਦਾ ਸੈਮੀ ਕੰਡਕਟਰ ਚਾਰਜਰ ਹੈ ਜੋ ਸਿਲਿਕਾਟ ਨਾਲੋਂ ਵਧ ਵੋਲਟੇਜ ਤੇ ਕਰੰਟਾਲ ਨੂੰ ਸੰਭਾਲਣ ਦੀ ਸ਼ਕਤੀ ਰੱਖਦਾ ਹੈ। ਇਸ 'ਚ ਬਿਜਲੀ ਦੀ ਸਪਲਾਈ ਆਮ ਚਾਰਜਰਾਂ ਨਾਲੋਂ ਵਧ ਹੁੰਦੀ ਹੈ ਤੇ ਇਸ ਨਾਲ ਐਨਰਜੀ ਦਾ ਨੁਕਸਾਨ ਵੀ ਘੱਟ ਹੁੰਦਾ ਹੈ। ਇਸ ਕਾਰਨ ਹੀ ਇਸ ਨੂੰ ਠੰਢਾ ਰੱਖਣ ਲਈ ਵੱਡੇ ਪੁਰਜਿਆਂ ਦੀ ਲੋੜ ਨਹੀਂ ਪੈਂਦੀ ਤੇ ਇਸ ਕਾਰਨ ਹੀ ਇਹ ਆਕਾਰ 'ਚ ਛੋਟਾ ਹੈ।
ਇਸਦਾ ਸਭ ਤੋਂ ਵੱਡਾ ਫਾਇਦਾ ਇਸਦਾ ਸੰਖੇਪ ਅਤੇ ਹਲਕਾ ਡਿਜ਼ਾਈਨ ਹੈ। ਉਦਾਹਰਨ ਲਈ, ਇਕ 65W ਜਾਂ 100W GaN ਚਾਰਜਰ ਪੁਰਾਣੇ 20W ਚਾਰਜਰਾਂ ਦੇ ਮੁਕਾਬਲੇ ਆਕਾਰਾਂ 'ਚ ਪਾਇਆ ਜਾ ਸਕਦਾ ਹੈ। ਇਸਨੂੰ ਬੈਗ ਜਾਂ ਜੇਬ 'ਚ ਲਿਜਾਣਾ ਵੀ ਬਹੁਤ ਸੌਖਾ ਹੈ। ਇਸ ਤੋਂ ਇਲਾਵਾ, ਜ਼ਿਆਦਾ ਪਾਵਰ ਦੇਣ ਦੇ ਬਾਵਜੂਦ, GaN ਚਾਰਜਰ ਘੱਟ ਗਰਮੀ ਪੈਦਾ ਕਰਦੇ ਹਨ। ਇਹ ਚਾਰਜਿੰਗ ਦੌਰਾਨ ਅਡੈਪਟਰ ਦੇ ਤਾਪਮਾਨ ਨੂੰ ਕੰਟਰੋਲ ਕਰਨ 'ਚ ਮਦਦ ਕਰਦਾ ਹੈ। ਬਹੁਤ ਸਾਰੇ GaN ਚਾਰਜਰਾਂ 'ਚ ਦੋ ਜਾਂ ਤਿੰਨ USB ਟਾਈਪ-C ਅਤੇ ਟਾਈਪ-A ਪੋਰਟ ਵੀ ਹੁੰਦੇ ਹਨ। ਇਸ ਸਥਿਤੀ 'ਚ, ਤੁਸੀਂ ਆਪਣੇ ਫ਼ੋਨ, ਸਮਾਰਟਵਾਚ, ਈਅਰਬੱਡ ਅਤੇ ਲੈਪਟਾਪ ਨੂੰ ਇੱਕ ਹੀ ਚਾਰਜਰ ਨਾਲ ਚਾਰਜ ਕਰ ਸਕਦੇ ਹੋ।
ਸੇਫਟੀ ਦੇ ਮਾਮਲੇ 'ਚ ਦੇਖਿਆ ਜਾਵੇਗਾ ਤਾਂ ਇਕ ਚੰਗੀ ਕੁਆਲਿਟੀ ਦੇ GaN ਚਾਰਜਰ 'ਚ ਓਵਰਵੋਲਟੇਜ, ਸ਼ਾਰਟ ਸਰਕਟ ਅਤੇ ਤਾਪਮਾਨ ਨੂੰ ਕੰਟਰੋਲ ਕਰਨ ਲਈ ਉੱਨਤ ਸੁਰੱਖਿਆ ਪ੍ਰਣਾਲੀਆਂ ਹੁੰਦੀਆਂ ਹਨ। ਇਹ ਡਿਵਾਈਸ ਦੀਆਂ ਜ਼ਰੂਰਤਾਂ ਦੇ ਆਧਾਰ 'ਤੇ ਪਾਵਰ ਸਪਲਾਈ ਕਰਦਾ ਹੈ। ਇਸ ਲਈ, 100W GaN ਚਾਰਜਰ ਦੀ ਵਰਤੋਂ ਕਰਨ ਨਾਲ ਵੀ ਇਕ ਛੋਟੇ ਬਲੂਟੁੱਥ ਈਅਰਫੋਨ ਦੀ ਲੋੜ ਵਾਲੀ ਸ਼ਕਤੀ ਮਿਲੇਗੀ।
ਹਾਲਾਂਕਿ, GaN ਚਾਰਜਰਾਂ ਦੀ ਕੀਮਤ ਸਟੈਂਡਰਡ ਚਾਰਜਰਾਂ ਨਾਲੋਂ ਜ਼ਿਆਦਾ ਹੁੰਦੀ ਹੈ। ਜੇਕਰ ਤੁਹਾਡਾ ਫ਼ੋਨ ਸਿਰਫ਼ 15W ਜਾਂ 18W ਚਾਰਜਿੰਗ ਦਾ ਸਮਰਥਨ ਕਰਦਾ ਹੈ, ਤਾਂ ਇੱਕ ਸਟੈਂਡਰਡ ਚਾਰਜਰ ਕਾਫ਼ੀ ਹੋਵੇਗਾ। ਹਾਲਾਂਕਿ, ਜੇਕਰ ਤੁਸੀਂ ਇਕ ਮਹਿੰਗਾ ਸਮਾਰਟਫੋਨ ਅਤੇ ਇਕ ਲੈਪਟਾਪ ਦੋਵਾਂ ਦੀ ਵਰਤੋਂ ਕਰਦੇ ਹੋ, ਤਾਂ ਇੱਕ GaN ਚਾਰਜਰ ਖਰੀਦਣਾ ਇੱਕ ਚੰਗਾ ਵਿਕਲਪ ਹੋ ਸਕਦਾ ਹੈ। ਇਹ ਤੁਹਾਨੂੰ ਤੇਜ਼ ਚਾਰਜਿੰਗ ਅਤੇ ਇੱਕ ਹੀ ਚਾਰਜਰ ਨਾਲ ਕਈ ਡਿਵਾਈਸਾਂ ਨੂੰ ਚਾਰਜ ਕਰਨ ਦੀ ਸਮਰੱਥਾ ਦਿੰਦਾ ਹੈ।
ਗਲੋਬਲ ਪੱਧਰ 'ਤੇ ਡਾਊਨ ਹੋਏ Microsoft 365 ਤੇ Outlook! ਯੂਜ਼ਰਸ ਹੋਏ ਪ੍ਰੇਸ਼ਾਨ, ਪੜ੍ਹੋ ਪੂਰੀ ਖ਼ਬਰ
NEXT STORY 
