ਗੈਜੇਟ ਡੈਸਕ– ਵੀਵੋ ਨੇ ਆਪਣੇ ਇਕ ਨਵੇਂ ਸਮਾਰਟਫੋਨ Vivo Y16 ਨੂੰ ਲਾਂਚ ਕਰ ਦਿੱਤਾ ਹੈ। Vivo Y16 ਨੂੰ ਕੰਪਨੀ ਨੇ ਫਿਲਹਾਲ ਹਾਂਕਕਾਂਗ ’ਚ ਲਾਂਚ ਕੀਤਾ ਹੈ। Vivo Y16 ਨੂੰ ਡ੍ਰਿਜਲਿੰਗ ਗੋਲਡ ਅਤੇ ਸਟੇਲਰ ਬਲੈਕ ਰੰਗ ’ਚ ਖਰੀਦਿਆ ਜਾ ਸਕਦਾ ਹੈ। ਫੋਨ ਦੀ ਕੀਮਤ ਅਤੇ ਉਪਲੱਬਧਤਾ ਬਾਰੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਭਾਰਤ ’ਚ ਵੀ Vivo Y16 ਦੀ ਲਾਂਚਿੰਗ ਦੀ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਹੈ, ਹਾਲਾਂਕਿ ਫੋਨ ਨੂੰ ਭਾਰਤੀ ਮਾਨਯ ਬਿਊਰੋ ਦੀ ਸਾਈਟ ’ਤੇ ਜ਼ਰੂਰ ਵੇਖਿਆ ਗਿਆ ਹੈ।
Vivo Y16 ਦੇ ਫੀਚਰਜ਼
Vivo Y16 ’ਚ ਡਿਊਲ ਸਿਮ ਸਪੋਰਟ ਦਿੱਤਾ ਗਿਆ ਹੈ ਅਤੇ ਇਸਤੋਂ ਇਲਾਵਾ ਫੋਨ ’ਚ ਐਂਡਰਾਇਡ 12 ਦੇ ਨਾਲ Funtouch OS 12 ਹੈ। ਫੋਨ ’ਚ 6.51 ਇੰਚ ਦੀ IPS LCD ਐੱਚ.ਡੀ. ਪਲੱਸ ਡਿਸਪਲੇਅ ਦਿੱਤੀ ਗਈ ਹੈ। ਇਸਤੋਂ ਇਲਾਵਾ ਇਸ ਵਿਚ ਮੀਡੀਆਟੈੱਕ ਹੀਲਿਓ ਪੀ35 ਪ੍ਰੋਸੈਸਰ ਦੇ ਨਾਲ 4 ਜੀ.ਬੀ. ਰੈਮ+64 ਜੀ.ਬੀ. ਦੀ ਸਟੋਰੇਜ ਹੈ। ਫੋਨ ’ਚ 2.0 ਰੈਮ ਐਕਸਪੈਂਸ਼ਨ ਵੀ ਮਿਲੇਗਾ ਜੀਸਦੀ ਮਦਦ ਨਾਲ ਤੁਸੀਂ 1 ਜੀ.ਬੀ. ਤਕ ਰੈਮ ਵਧਾ ਸਕਦੇ ਹੋ।
ਫੋਨ ’ਚ ਡਿਊਲ ਕੈਮਰਾ ਸੈੱਟਅਪ ਹੈ ਜਿਸਦਾ ਪ੍ਰਾਈਮਰੀ ਲੈੱਨਜ਼ 13 ਮੈਗਾਪਿਕਸਲ ਦਾ ਹੈ। ਦੂਜਾ ਲੈੱਨਜ਼ 2 ਮੈਗਾਪਿਕਸਲ ਦਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ ’ਚ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। Vivo Y16 ਦੇ ਕੈਮਰੇ ਨਾਲ ਪੈਨੋਰਮਾ, ਲਾਈਵ ਫੋਟੋ, ਟਾਈਮ ਲੈਪਸ, ਪ੍ਰੋ ਅਤੇ ਡਾਕਿਊਮੈਂਟ ਵਰਗੇ ਫੀਚਰਜ਼ ਮਿਲਦੇ ਹਨ।
ਕੁਨੈਕਟੀਵਿਟੀ ਲਈ ਫੋਨ ’ਚ 4G LTE, ਡਿਊਲ ਬੈਂਡ ਵਾਈ-ਫਾਈ, ਬਲੂਟੁੱਥ v5, GPS ਅਤੇ ਗਲੋਨਾਸ ਮਿਲੇਗਾ। ਵੀਵੋ ਦੇ ਇਸ ਫੋਨ ’ਚ ਟਾਈਪ-ਸੀ ਚਾਰਜਿੰਗ ਹੈ। ਫੋਨ ’ਚ 5000mAh ਦੀ ਬੈਟਰੀ ਹੈ ਜਿਸਦੇ ਨਾਲ 10 ਵਾਟ ਦੀ ਚਾਰਜਿੰਗ ਸਪੋਰਟ ਦਿੱਤੀ ਗਈ ਹੈ। ਫੋਨ ’ਚ ਸਾਈਡ ਮਾਊਂਟੇਡ ਫਿੰਗਰਪ੍ਰਿੰਟ ਸੈਂਸਰ ਵੀ ਦਿੱਤਾ ਗਿਆ ਹੈ।
ਵੋਡਾਫੋਨ ਆਈਡੀਆ ਦੇ ਕਰੋੜਾਂ ਗਾਹਕਾਂ ਦਾ ਕਾਲ ਡਾਟਾ ਜਨਤਕ ਹੋਣ ਦਾ ਦਾਅਵਾ, ਕੰਪਨੀ ਨੇ ਨਕਾਰਿਆ
NEXT STORY 
