ਝਟਕਾ! ਨਵੇਂ ਸਾਲ ਤੋਂ iPhone-Samsung ਸਣੇ ਇਨ੍ਹਾਂ ਫੋਨਾਂ 'ਚ ਨਹੀਂ ਚੱਲੇਗਾ Whatsapp, ਵੇਖੋ ਸੂਚੀ

Edited By Rakesh,
Updated: 28 Dec, 2022 03:19 PM

whatsapp to stop working on older iphone android from december 31

ਗੈਜੇਟ ਡੈਸਕ- ਜੇਕਰ ਤੁਸੀਂ ਵੀ ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਬੁਰੀ ਖ਼ਬਰ ਹੈ। ਦਰਅਸਲ, 31 ਦਸੰਬਰ ਤੋਂ ਬਾਅਦ ਵਟਸਐਪ ਕਈ ਸਮਾਰਟਫੋਨਾਂ 'ਚ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਜੇਕਰ ਤੁਹਾਡਾ ਫੋਨ ਆਊਟਡੇਟਿਡ ਆਪਰੇਟਿੰਗ ਸਿਸਟਮ 'ਤੇ ਚੱਲ ਰਿਹਾ ਹੈ ਤਾਂ ਇਸ ਵਿਚ ਵਟਸਐਪ ਚਲਣਾ ਬੰਦ ਹੋ ਸਕਦਾ ਹੈ। ਨਵੇਂ ਸਾਲ ਤੋਂ 49 ਸਮਾਰਟਫੋਨਜ਼ 'ਚ ਵਟਸਐਪ ਦੀ ਸਪੋਰਟ ਨਹੀਂ ਮਿਲੇਗੀ। ਇਨ੍ਹਾਂ ਫੋਨਜ਼ 'ਚ ਆਈਫੋਨ ਦੇ ਕੁਝ ਮਾਡਲ ਵੀ ਸ਼ਾਮਲ ਹਨ।

ਇਹ ਵੀ ਪੜ੍ਹੋ– ਹੁਣ ਚੁਟਕੀ 'ਚ ਵਾਪਸ ਆ ਜਾਵੇਗਾ ਵਟਸਐਪ 'ਤੇ ਡਿਲੀਟ ਹੋਇਆ ਮੈਸੇਜ, ਜਾਣੋ ਕਿਵੇਂ

ਦਰਏਸਲ, ਹਰ ਸਾਲ ਵਟਸਐਪ ਕਈ ਪੁਰਾਣੇ ਆਪਰੇਟਿੰਗ ਸਿਸਟਮ ਲਈ ਆਪਣਾ ਸਪੋਰਟ ਬੰਦ ਕਰ ਦਿੰਦਾ ਹੈ। ਸਪੋਰਟ ਬੰਦ ਕਰਨ ਦਾ ਮਤਲਬ ਇਹ ਹੈ ਕਿ ਕੁਝ ਡਿਵਾਈਸਿਜ਼ ਲਈ ਵਟਸਐਪ ਦਾ ਨਵਾਂ ਅਪਡੇਟ ਜਾਰੀ ਨਹੀਂ ਕੀਤਾ ਜਾਂਦਾ। ਪਹਿਲਾਂ ਤੋਂ ਇੰਸਟਾਲ ਐਪ ਕੰਮ ਕਰਦਾ ਰਹਿੰਦਾ ਹੈ ਪਰ ਅਪਡੇਟ ਨਾ ਮਿਲਣ ਕਾਰਨ ਐਪ ਨੂੰ ਨਵੇਂ ਫੀਚਰਜ਼ ਨਹੀਂ ਮਿਲ ਪਾਉਂਦੇ ਅਤੇ ਸਕਿਓਰਿਟੀ ਦਾ ਖ਼ਤਰਾ ਰਹਿੰਦਾ ਹੈ।

ਇਹ ਵੀ ਪੜ੍ਹੋ– Year Ender 2022: ਵਟਸਐਪ 'ਤੇ ਇਸ ਸਾਲ ਖ਼ੂਬ ਪਸੰਦ ਕੀਤੇ ਗਏ ਇਹ 5 ਨਵੇਂ ਫੀਚਰਜ਼

ਇਸ ਸਾਲ ਵੀ ਕਈ ਸਮਾਰਟਫੋਨਜ਼ 'ਚ ਵਟਸਐਪ ਲਈ 31 ਦਸੰਬਰ ਤੋਂ ਸਪੋਰਟ ਬੰਦ ਹੋ ਰਿਹਾ ਹੈ। GizChina ਦੀ ਇਕ ਰਿਪੋਰਟ 'ਚ ਇਨ੍ਹਾਂ ਸਮਾਰਟਫੋਨਜ਼ ਦੀ ਲਿਸਟ ਵੀ ਜਾਰੀ ਕੀਤੀ ਗਈ ਹੈ। ਇਸ ਲਿਸਟ 'ਚ ਐਪਲ, ਸੈਮਸੰਗ ਤੋਂ ਲੈ ਕੇ ਹੁਵਾਵੇਈ ਤਕ ਦੇ ਫੋਨ ਸ਼ਾਮਲ ਹਨ।