ਗੈਜੇਟ ਡੈਸਕ : ਅੱਜ ਦੇ ਦੌਰ ਵਿੱਚ ਆਧੁਨਿਕ ਕਾਰਾਂ ਵਿੱਚ ਮਿਲਣ ਵਾਲੀ ਕੀਲੈੱਸ ਐਂਟਰੀ ਸੁਵਿਧਾ ਨੇ ਲੋਕਾਂ ਦੀ ਜ਼ਿੰਦਗੀ ਨੂੰ ਕਾਫੀ ਸੁਖਾਲਾ ਬਣਾ ਦਿੱਤਾ ਹੈ। ਹੁਣ ਕਾਰ ਨੂੰ ਖੋਲ੍ਹਣ ਜਾਂ ਸਟਾਰਟ ਕਰਨ ਲਈ ਬਾਰ-ਬਾਰ ਚਾਬੀ ਕੱਢਣ ਦੀ ਲੋੜ ਨਹੀਂ ਪੈਂਦੀ ਪਰ ਇਹੀ ਸੁਵਿਧਾ ਹੁਣ ਕਾਰ ਮਾਲਕਾਂ ਲਈ ਵੱਡੀ ਚਿੰਤਾ ਬਣਦੀ ਜਾ ਰਹੀ ਹੈ, ਕਿਉਂਕਿ ਦੁਨੀਆ ਭਰ ਵਿੱਚ ਇਸ ਤਕਨੀਕ ਦੀ ਦੁਰਵਰਤੋਂ ਕਰਕੇ ਕਾਰਾਂ ਚੋਰੀ ਹੋਣ ਦੇ ਮਾਮਲੇ ਵਧ ਰਹੇ ਹਨ। ਇਸ ਖਤਰੇ ਤੋਂ ਬਚਣ ਲਈ ਲੋਕ ਹੁਣ ਆਪਣੀਆਂ ਕਾਰਾਂ ਦੀਆਂ ਚਾਬੀਆਂ ਨੂੰ ਐਲੂਮੀਨੀਅਮ ਫੋਇਲ ਵਿੱਚ ਲਪੇਟ ਕੇ ਰੱਖਣ ਦਾ ਅਨੋਖਾ ਤਰੀਕਾ ਅਪਣਾ ਰਹੇ ਹਨ।
ਚੋਰ ਕਿਵੇਂ ਕਰਦੇ ਹਨ ਇਸ ਤਕਨੀਕ ਦੀ ਦੁਰਵਰਤੋਂ?
ਕੀਲੈੱਸ ਐਂਟਰੀ ਵਾਲੀਆਂ ਕਾਰਾਂ ਚਾਬੀ ਨਾਲ ਵਾਇਰਲੈੱਸ ਰੇਡੀਓ ਸਿਗਨਲ ਰਾਹੀਂ ਸੰਪਰਕ ਵਿੱਚ ਰਹਿੰਦੀਆਂ ਹਨ। ਸਾਈਬਰ ਅਪਰਾਧੀ 'ਰੀਲੇ ਅਟੈਕ' (Relay Attack) ਨਾਮਕ ਤਕਨੀਕ ਰਾਹੀਂ ਦੋ ਇਲੈਕਟ੍ਰਾਨਿਕ ਡਿਵਾਈਸਾਂ ਦੀ ਮਦਦ ਨਾਲ ਚਾਬੀ ਦੇ ਸਿਗਨਲ ਨੂੰ ਫੜ ਲੈਂਦੇ ਹਨ ਅਤੇ ਉਸ ਨੂੰ ਲੰਬੀ ਦੂਰੀ ਤੱਕ ਪਹੁੰਚਾ ਦਿੰਦੇ ਹਨ। ਇਸ ਨਾਲ, ਜੇਕਰ ਤੁਹਾਡੀ ਚਾਬੀ ਘਰ ਦੇ ਅੰਦਰ ਵੀ ਪਈ ਹੋਵੇ, ਤਾਂ ਵੀ ਚੋਰ ਉਸ ਦਾ ਸਿਗਨਲ ਕਾਰ ਤੱਕ ਪਹੁੰਚਾ ਕੇ ਉਸ ਨੂੰ ਅਨਲੌਕ ਕਰ ਸਕਦੇ ਹਨ ਅਤੇ ਕੁਝ ਹੀ ਮਿੰਟਾਂ ਵਿੱਚ ਕਾਰ ਲੈ ਕੇ ਫ਼ਰਾਰ ਹੋ ਸਕਦੇ ਹਨ।
ਐਲੂਮੀਨੀਅਮ ਫੋਇਲ ਕਿਵੇਂ ਮਦਦ ਕਰਦਾ ਹੈ?
ਇਹ ਘਰੇਲੂ ਜੁਗਾੜ 'ਫੈਰਾਡੇ ਕੇਜ' ਦੇ ਸਿਧਾਂਤ 'ਤੇ ਕੰਮ ਕਰਦਾ ਹੈ। ਐਲੂਮੀਨੀਅਮ ਵਰਗੀਆਂ ਧਾਤਾਂ ਇਲੈਕਟ੍ਰੋਮੈਗਨੈਟਿਕ ਸਿਗਨਲ ਨੂੰ ਬਾਹਰ ਜਾਣ ਜਾਂ ਅੰਦਰ ਆਉਣ ਤੋਂ ਰੋਕਣ ਦੀ ਸਮਰੱਥਾ ਰੱਖਦੀਆਂ ਹਨ। ਜਦੋਂ ਚਾਬੀ ਨੂੰ ਪੂਰੀ ਤਰ੍ਹਾਂ ਫੋਇਲ ਵਿੱਚ ਲਪੇਟ ਦਿੱਤਾ ਜਾਂਦਾ ਹੈ, ਤਾਂ ਇਸ ਦਾ ਵਾਇਰਲੈੱਸ ਸਿਗਨਲ ਬਲਾਕ ਹੋ ਜਾਂਦਾ ਹੈ। ਇਸ ਕਾਰਨ ਚੋਰਾਂ ਦੇ ਡਿਵਾਈਸ ਚਾਬੀ ਦਾ ਸਿਗਨਲ ਨਹੀਂ ਫੜ ਪਾਉਂਦੇ ਅਤੇ ਕਾਰ ਸੁਰੱਖਿਅਤ ਰਹਿੰਦੀ ਹੈ।
ਤੁਸੀਂ ਖੁਦ ਵੀ ਇਸ ਦੀ ਜਾਂਚ ਕਰ ਸਕਦੇ ਹੋ। ਚਾਬੀ ਨੂੰ ਫੋਇਲ ਵਿੱਚ ਲਪੇਟ ਕੇ ਆਪਣੀ ਕਾਰ ਦੇ ਕੋਲ ਜਾਓ; ਜੇਕਰ ਕਾਰ ਆਪਣੇ ਆਪ ਅਨਲੌਕ ਨਹੀਂ ਹੁੰਦੀ, ਤਾਂ ਇਸ ਦਾ ਮਤਲਬ ਹੈ ਕਿ ਇਹ ਤਰੀਕਾ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਮੋਬਾਈਲ ਯੂਜ਼ਰਸ ਲਈ Good News ! 365 ਦਿਨਾਂ ਵਾਲੇ ਧਾਕੜ ਪਲਾਨ ਹੋਏ ਸਸਤੇ
NEXT STORY 
