ਗੈਜੇਟ ਡੈਸਕ- ਸ਼ਾਓਮੀ ਨੇ ਭਾਰਤ 'ਚ ਆਪਣੇ ਪ੍ਰੋਡਕਟਸ ਵੇਚਣ ਲਈ ਨਵਾਂ ਅਨੋਖਾ ਮੀ ਸਟੋਰ ਖੋਲ੍ਹ ਦਿੱਤਾ ਹੈ। ਇਹ ਅਨੋਖਾ ਇਸ ਲਈ ਹੈ ਕਿਉਂਕਿ ਇਹ ਸਟੋਰ ਕਿਸੇ ਮਾਲ ਜਾਂ ਦੁਕਾਨ 'ਚ ਨਹੀਂ ਸਗੋਂ ਇਕ ਗੱਡੀ 'ਤੇ ਖੋਲ੍ਹਿਆ ਗਿਆ ਹੈ। ਸ਼ਾਓਮੀ ਇਸ ਰਾਹੀਂ ਪਿੰਡਾਂ ਅਤੇ ਦੂਰ-ਦੁਰਾਡੇ ਦੇ ਇਲਾਕਿਆਂ 'ਚ ਜਾ ਕੇ ਫੋਨ, ਟੀਵੀ ਅਤੇ ਹੋਰ ਪ੍ਰੋਡਕਟਸ ਵੇਚੇਗੀ।
ਸ਼ਾਓਮੀ ਗਲੋਬਲ ਦੇ ਵਾਇਸ ਪ੍ਰੈਜ਼ੀਡੈਂਟ ਮਨੁ ਕੁਮਾਰ ਜੈਨ ਨੇ ਦੱਸਿਆ ਕਿ ਇਹ ਮੋਬਾਇਲ ਆਫਲਾਈਨ ਸਟੋਰ ਵੇਖਣ 'ਚ ਤੁਹਾਨੂੰ ਕਿਸੇ ਨਿਯਮਿਤ ਫੂਡ ਵੈਨ ਦੀ ਤਰ੍ਹਾਂ ਹੀ ਲੱਗੇਗਾ ਪਰ ਇਸ ਰਾਹੀਂ ਸਮਾਰਟਫੋਨ ਤੋਂ ਇਲਾਵਾ ਸਮਾਰਟ ਟੀਵੀ, ਮੀ ਬਾਕਸ 4ਕੇ, ਮੀ ਟੀਵੀ ਸਟਿੱਕ, ਮੀ ਸੀ.ਸੀ.ਟੀ.ਵੀ. ਕੈਮਰਾ, ਮੀ ਸਪੋਰਟਸ ਬਲੂਟੂਥ ਈਅਰਫੋਨ, ਮੀ ਟਰੂ ਵਾਇਰਲੈੱਸ ਈਅਰਫੋਨ, ਰੈੱਡਮੀ ਈਅਰਬਡਸ ਐੱਸ, ਮੀ ਧੁੱਪ ਵਾਲੀ ਐਨਕ, ਪਾਵਰ ਬੈਂਕ ਅਤੇ ਚਾਰਜਰ ਸਮੇਤ ਕਈ ਪ੍ਰੋਡਕਟਸ ਦੀ ਵਿਕਰੀ ਕੀਤੀ ਜਾਵੇਗੀ।
ਕੰਪਨੀ ਇਸ ਰਾਹੀਂ ਫੀਡਬੈਕ ਵੀ ਲਵੇਗੀ
ਮਨੁ ਕੁਮਾਰ ਜੈਨ ਨੇ ਕਿਹਾ ਕਿ ਇਹ ਪ੍ਰਾਜੈਕਟ 40 ਦਿਨਾਂ ਦੇ ਅੰਦਰ ਪੂਰਾ ਕੀਤਾ ਗਿਆ ਹੈ। ਇਸ ਦਾ ਮਕਸਦ ਪਿੰਡਾਂ ਅਤੇ ਗੈਰ-ਮੈਟਰੋ ਸ਼ਹਿਰਾਂ 'ਚ ਸ਼ਾਓਮੀ ਦੇ ਪ੍ਰੋਡਕਟਸ ਦੀ ਵਿਕਰੀ ਕਰਨਾ ਹੈ। ਕੰਪਨੀ ਨੇ ਫਿਲਹਾਲ ਉਨ੍ਹਾਂ ਸ਼ਹਿਰਾਂ ਦੀ ਸੂਚੀ ਦਾ ਖੁਲਾਸਾ ਨਹੀਂ ਕੀਤਾ ਜਿਥੇ ਇਨ੍ਹਾਂ ਨੂੰ ਸਭ ਤੋਂ ਪਹਿਲਾਂ ਵੇਚਿਆ ਜਾਵੇਗਾ। ਇਸ ਦੌਰਾਨ ਵਿਕਰੀ ਤੋਂ ਇਲਾਵਾ ਸ਼ਾਓਮੀ ਯੂਜ਼ਰਸ ਤੋਂ ਫੀਡਬੈਕ ਵੀ ਲਏ ਜਾਣਗੇ।
Moto E7 Plus ਭਾਰਤ 'ਚ ਲਾਂਚ, ਜਾਣੋ ਕੀਮਤ ਤੇ ਫੀਚਰਜ਼
NEXT STORY 
