ਨਿਊਯਾਰਕ- ਵਿਗਿਆਨੀਆਂ ਨੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏ.ਆਈ.) ਦਾ ਇਕ ਅਜਿਹਾ ਟੂਲ ਵਿਕਸਿਤ ਕੀਤਾ ਹੈ ਜੋ ਇਸ ਗੱਲ ਦਾ ਸਹੀ-ਸਹੀ ਪਤਾ ਕਰ ਲੈਂਦਾ ਹੈ ਕਿ ਕਿਸ ਕੋਰੋਨਾ ਪੀੜਤ ਦੀ ਹਾਲਤ ਵਿਗੜੇਗੀ ਤੇ ਉਸ ਨੂੰ ਸਾਹ ਪ੍ਰਣਾਲੀ ਦੀ ਗੰਭੀਰ ਸਮੱਸਿਆ ਪੈਦਾ ਹੋ ਜਾਵੇਗੀ। ਕੰਪਿਊਟਰਸ ਮਟੀਰੀਅਲਸ ਐਂਡ ਕੰਟੀਨੁਆ ਜਨਰਲ ਵਿਚ ਪ੍ਰਕਾਸ਼ਿਤ ਇਕ ਅਧਿਐਨ ਰਿਪੋਰਟ ਵਿਚ ਬੀਮਾਰੀ ਵਿਗੜਨ ਦੇ ਸੰਕੇਤਾਂ ਦਾ ਬਿਓਰਾ ਵੀ ਦਿੱਤਾ ਗਿਆ ਹੈ।
ਨਿਊਯਾਰਕ ਯੂਨੀਵਰਸਿਟੀ ਵਿਚ ਕਲੀਨਿਕਲ ਅਸਿਸਟੈਂਟ ਪ੍ਰੋਫੈਸਰ ਮੇਗਨ ਕਾਫੀ ਨੇ ਦੱਸਿਆ ਕਿ ਅਸੀਂ ਇਸ ਮਾਡਲ 'ਤੇ ਹੋਰ ਕੰਮ ਕਰ ਰਹੇ ਹਾਂ। ਇਹ ਉਹਨਾਂ ਮਰੀਜ਼ਾਂ ਦਾ ਪਤਾ ਲਾਉਣ ਵਿਚ ਸਮਰਥ ਹੈ ਜਿਹਨਾਂ ਦੀ ਹਾਲਤ ਵਿਗੜ ਸਕਦੀ ਹੈ। ਇਹ ਉਹਨਾਂ ਡਾਕਟਰਾਂ ਦੇ ਲਈ ਵੀ ਸਹਾਇਕ ਹੈ ਜਿਹਨਾਂ ਨੂੰ ਵਾਇਰਸ ਪੀੜਤਾਂ ਦੇ ਇਲਾਜ ਦਾ ਤਜ਼ਰਬਾ ਹੈ।
ਨਿਊਯਾਰਕ ਦੇ ਹੀ ਇਕ ਹੋਰ ਕਲੀਨਿਕਲ ਅਸਿਸਟੈਂਟ ਪ੍ਰੋਫੈਸਰ ਅਨਾਸੇ ਬਾਰੀ ਨੇ ਦੱਸਿਆ ਕਿ ਸਾਡਾ ਟੀਚਾ ਸੀ ਕਿ ਅਸੀਂ ਆਰਟੀਫਿਸ਼ੀਆਲ ਇੰਟੈਲੀਜੈਂਸ 'ਤੇ ਆਧਾਰਿਤ ਅਜਿਹਾ ਟੂਲ ਬਣਾਈਏ ਜਿਸ ਨਾਲ ਕੋਰੋਨਾ ਦਾ ਮਾਮਲਾ ਭਵਿੱਖ ਵਿਚ ਵਿਗੜਨ ਦੇ ਬਾਰੇ ਵਿਚ ਪਹਿਲਾਂ ਹੀ ਪਤਾ ਲਾਇਆ ਜਾ ਸਕੇ। ਸਾਨੂੰ ਉਮੀਦ ਹੈ ਕਿ ਜਦੋਂ ਇਹ ਟੂਲ ਪੂਰੀ ਦੁਨੀਆ ਵਿਚ ਵਿਕਸਿਤ ਹੋ ਜਾਵੇਗਾ ਤਾਂ ਇਸ ਦੀ ਮਦਦ ਨਾਲ ਡਾਕਟਰ ਇਸ ਗੱਲ ਦਾ ਅੰਦਾਜ਼ਾ ਲਾ ਲੈਣਗੇ ਕਿ ਕਿਸ ਮਰੀਜ਼ ਨੂੰ ਘਰ ਭੇਜਿਆ ਜਾ ਸਕਦਾ ਹੈ ਤੇ ਕਿਸ ਨੂੰ ਹਸਪਤਾਲ ਦਾਖਲ ਕਰਨ ਦੀ ਲੋੜ ਹੈ। ਇਸ ਅਧਿਐਨ ਵਿਚ ਚੀਨ ਦੇ 2 ਹਸਪਤਾਲਾਂ ਵਿਚ ਆਏ ਸਾਰਸ ਕੋਰੋਨਾਵਾਇਰਸ ਦੇ 53 ਮਾਮਲਿਆਂ ਦੇ ਇਲਾਜ ਸਬੰਧੀ ਹਰ ਤਰ੍ਹਾਂ ਦੇ ਅੰਕੜਿਆਂ ਦੀ ਵਰਤੋਂ ਕੀਤੀ ਗਈ ਹੈ। ਇਹਨਾਂ ਸਾਰੇ ਮਰੀਜ਼ਾ ਵਿਚ ਸ਼ੁਰੂਆਤੀ ਲੱਛਣ ਬਹੁਤ ਮਾਮੂਲੀ ਪਾਏ ਗਏ ਪਰ ਇਕ ਹਫਤੇ ਬਾਅਦ ਇਹਨਾਂ ਵਿਚੋਂ ਕੁਝ ਦੀ ਹਾਲਤ ਜ਼ਿਆਦਾ ਵਿਗੜਨ ਲੱਗ ਗਈ। ਕੁਝ ਨੂੰ ਤਾਂ ਨਿਮੋਨੀਆ ਤੱਕ ਹੋ ਗਿਆ।
ਇਸ ਅਧਿਐਨ ਦਾ ਟੀਚਾ ਇਹ ਵੀ ਪਤਾ ਕਰਨਾ ਸੀ ਕਿ ਕੀ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਤੋਂ ਇਹ ਪਤਾ ਲਾਇਆ ਜਾ ਸਕਦਾ ਹੈ ਕਿ ਕਿਸੇ ਕੋਰੋਨਾਵਾਇਰਸ ਪੀੜਤ ਨੂੰ ਸਾਹ ਸਬੰਧੀ ਗੰਭੀਰ ਸਮੱਸਿਆ ਹੋ ਸਕਦੀ ਹੈ, ਜੋ ਜਾਨਲੇਵਾ ਹੋਵੇ ਖਾਸਕਰਕੇ ਬਜ਼ੁਰਗਾਂ ਦੇ ਮਾਮਲੇ ਵਿਚ। ਖੋਜਕਾਰਾਂ ਨੇ ਅਜਿਹੇ ਕੰਪਿਊਟਰ ਵਿਕਸਿਤ ਕੀਤੇ ਜੋ ਮੁਹੱਈਆ ਕਰਵਾਏ ਡਾਟਾ ਦੇ ਆਧਾਰ 'ਤੇ ਰਿਪੋਰਟ ਦਿੰਦੇ ਹਨ। ਇਹਨਾਂ ਵਿਚ ਜਿੰਨਾ ਜ਼ਿਆਦਾ ਡਾਟਾ ਫੀਡ ਕੀਤਾ ਜਾਂਦਾ ਹੈ ਇਹ ਉਨਾਂ ਹੀ ਬਿਹਤਰ ਨਤੀਜਾ ਦਿੰਦੇ ਹਨ।
ਕੋਰੋਨਾ ਕਾਰਨ ਤਕਰੀਬਨ 2 ਹਜ਼ਾਰ ਹਾਥੀਆਂ ਦੀ ਖਤਰੇ 'ਚ ਪਈ ਜਾਨ
NEXT STORY 
