ਵਾਸ਼ਿੰਗਟਨ (ਬਿਊਰੋ)— ਬੱਚੇ ਦੀ ਪ੍ਰਤਿਭਾ ਦੀ ਝਲਕ ਜ਼ਿਆਦਾਤਰ ਉਸ ਦੇ ਬਚਪਨ ਵਿਚ ਹੀ ਨਜ਼ਰ ਆਉਣ ਲੱਗਦੀ ਹੈ। ਇਸ ਦੇ ਇਲਾਵਾ ਕਈ ਵਾਰ ਬੱਚੇ ਛੋਟੀ ਉਮਰ ਵਿਚ ਹੀ ਵੱਡੇ ਕਾਰਨਾਮੇ ਕਰ ਜਾਂਦੇ ਹਨ। ਅਜਿਹਾ ਹੀ ਅਦਭੁੱਤ ਕਾਰਨਾਮਾ ਦੋ ਸਾਲ ਦੀ ਬੱਚੀ ਲੋਲਾ ਜੂਨ ਨੇ ਕੀਤਾ ਹੈ। ਅਮਰੀਕਾ ਦੀ ਰਹਿਣ ਵਾਲੀ ਇਸ 2 ਸਾਲ ਦੀ ਬੱਚੀ ਦੀ ਵਿਲੱਖਣ ਪ੍ਰਤਿਭਾ ਦੇ ਬਾਰੇ ਵਿਚ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਇੰਨੀ ਛੋਟੀ ਉਮਰ ਵਿਚ ਇਹ ਬੱਚੀ ਕਮਾਲ ਦੀ ਪੇਂਟਿੰਗ ਕਰਦੀ ਹੈ। ਇਨ੍ਹਾਂ ਪੇਂਟਿੰਗਜ਼ ਨੂੰ ਪ੍ਰਦਰਸ਼ਨੀਆਂ ਵਿਚ ਲੋਕ ਹਜ਼ਾਰਾਂ-ਲੱਖਾਂ ਰੁਪਏ ਵਿਚ ਖਰੀਦਦੇ ਹਨ।
ਬੱਚੀ ਦਾ ਇਕ ਇੰਸਟਾਗ੍ਰਾਮ ਅਕਾਊਂਟ ਵੀ ਹੈ ਜਿੱਥੇ ਤੁਸੀਂ ਇਸ ਰਚਨਾਤਮਕਤਾ ਨੂੰ ਦੇਖ ਸਕਦੇ ਹੋ। ਇਨੀਂ ਦਿਨੀਂ ਨਿਊਯਾਰਕ ਦੇ ਆਰਟ ਵਰਲਡ ਵਿਚ ਇਹ ਬੱਚੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਹਲਫਪੋਸਟ.ਕਾਮ ਦੀ ਖਬਰ ਮੁਤਾਬਕ ਲੋਲਾ ਜੂਨ ਦੀ ਪ੍ਰਦਰਸ਼ਨੀ Hope ਦੇ ਕਿਊਰੇਟਰ ਪਜਟਿਮ ਓਸਮਨਾਜ਼ ਨੇ ਕਿਹਾ,''ਪੂਰੇ ਸ਼ੋਅ ਵਿਚ ਸਾਡੇ ਕੋਲ 40 ਆਰਟ ਵਰਕ ਸਨ ਅਤੇ ਇਨ੍ਹਾਂ ਵਿਚੋਂ 32 ਵਿਕ ਗਏ। ਇਸ ਨੂੰ ਮੈਂ ਸਫਲ ਪ੍ਰਦਰਸ਼ਨੀ ਕਹਾਂਗਾ।'' ਵੈਬਸਾਈਟ ਮੁਤਾਬਕ ਬੱਚੀ ਦੀ ਪੇਂਟਿੰਗਜ਼ ਦੀਆਂ ਦੋ ਪ੍ਰਦਰਸ਼ਨੀਆਂ ਪਹਿਲਾਂ ਵੀ ਆਯੋਜਿਤ ਹੋ ਚੁੱਕੀਆਂ ਹਨ। ਇਨ੍ਹਾਂ ਵਿਚ ਸਭ ਤੋਂ ਮਹਿੰਗੀ ਪੇਂਟਿੰਗ 2,800 ਅਮਰੀਕੀ ਡਾਲਰ (ਕਰੀਬ 1,94000 ਰੁਪਏ) ਵਿਚ ਵਿਕੀ ਸੀ।
ਕਿਊਰੇਟਰ ਨੇ ਦੱਸਿਆ ਕਿ ਬੱਚੀ ਦਾ ਸਟਾਈਲ ਬਿਲਕੁੱਲ ਮਸ਼ਹੂਰ ਅਮਰੀਕੀ ਪੇਂਟਰ ਸੀਵਾਈ ਟਾਮਬਲੇ ਜਿਹਾ ਹੈ। ਇਹ ਬਹੁਤ ਵਧੀਆ ਅਤੇ ਹੈਰਾਨ ਕਰ ਦੇਣ ਵਾਲੀ ਚੀਜ਼ ਹੈ ਕਿ ਉਹ ਆਰਟ ਅਤੇ ਬਾਹਰੀ ਆਰਟ ਵਰਲਡ ਦੀ ਚਿੰਤਾ ਕੀਤੇ ਬਿਨਾਂ ਖੁਦ ਆਪਣੀ ਪੇਂਟਿੰਗ ਕਰਦੀ ਹੈ।
ਲੋਲਾ ਜੂਨ ਦੀ ਮਾਂ ਲੂਸਿਲਾ ਦੱਸਦੀ ਹੈ,''ਉਸ ਦੀਆਂ ਪੇਂਟਿੰਗਜ਼ ਕਾਫੀ ਲੋਕ ਖਰੀਦਦੇ ਹਨ। ਪੇਂਟਿੰਗ ਕਰਨਾ ਉਸ ਨੂੰ ਖੁਸ਼ੀ ਦਿੰਦਾ ਹੈ।''
ਨਿਊਜ਼ੀਲੈਂਡ ਮਸਜਿਦ ਹਮਲਾ : ਮੁਲਜ਼ਮ ਦੀ ਹੋਵੇਗੀ ਮਾਨਸਿਕ ਜਾਂਚ
NEXT STORY 
