ਸਿਡਨੀ (ਬਿਊਰੋ): ਕੋਰੋਨਾ ਮਹਾਮਾਰੀ ਕਾਰਨ ਆਸਟ੍ਰੇਲੀਆ ਵਿਚ ਵੀ ਬੱਚਿਆਂ ਦੀ ਪੜ੍ਹਾਈ ਪ੍ਰਭਾਵਿਤ ਹੋਈ ਹੈ। ਫੈਡਰਲ ਖਜ਼ਾਨਚੀ ਦਾ ਕਹਿਣਾ ਹੈ ਕਿ ਤਾਲਾਬੰਦੀ ਦੌਰਾਨ 12 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਐਂਟੀਡੈਪਰੇਸੈਂਟ ਤਜਵੀਜ਼ ਕੀਤੇ ਜਾਣ ਦੀਆਂ ਖ਼ਬਰਾਂ ਸੁਣਦਿਆਂ ਹੀ ਵਿਕਟੋਰੀਅਨ ਸਕੂਲ ਜਲਦੀ ਤੋਂ ਜਲਦੀ ਖੋਲ੍ਹ ਦਿੱਤੇ ਜਾਣੇ ਚਾਹੀਦੇ ਹਨ।
ਜੋਸ਼ ਫ੍ਰਾਈਡਨਬਰਗ ਨੇ ਕਿਹਾ ਕਿ ਜਿੱਥੇ ਵਿਕਟੋਰੀਆ ਦੇ ਪੜਾਅ 4 ਦੀ ਤਾਲਾਬੰਦੀ ਤੋਂ ਬਾਹਰ ਜਾਣ ਨਾਲ ਕਾਰੋਬਾਰਾਂ ਨੂੰ ਫਾਇਦਾ ਹੋਵੇਗਾ, ਉੱਥੇ ਰਾਜ ਦੇ ਬੱਚਿਆਂ ਦੀ ਦੇਖਭਾਲ ਲਈ ਵੀ ਧਿਆਨ ਰੱਖਣ ਦੀ ਲੋੜ ਹੈ। ਫੈਡਰਲ ਸਿੱਖਿਆ ਮੰਤਰੀ ਡੈਨ ਤੇਹਾਨ ਨੇ ਵੀ ਵਿਕਟੋਰੀਆ ਦੀ ਰਾਜ ਸਰਕਾਰ ਨੂੰ ਸਕੂਲ ਦੇ ਬੱਚਿਆਂ ਨੂੰ ਹੁਣ ਤਾਲਾਬੰਦੀ ਵਿਚੋਂ ਕੱਢਦਿਆਂ ਉਨ੍ਹਾਂ ਦੀ ਸਕੂਲ ਵਾਪਸੀ ਦੀ ਅਪੀਲ ਕੀਤੀ ਤਾਂਜੋ ਉਹ ਚੌਥੀ ਟਰਮ ਲਈ ਸਕੂਲਾਂ ਵਿਚ ਮੁੜ ਤੋਂ ਪੜ੍ਹਾਈ ਸ਼ੁਰੂ ਕਰ ਸਕਣ। ਵਿਕਟੋਰੀਆ ਦੀਆਂ ਨਵੀਆਂ ਬੰਦਸ਼ਾਂ ਦੇ ਤਹਿਤ ਪ੍ਰਾਇਮਰੀ ਸਕੂਲ ਦੇ ਵਿਦਿਆਰਥੀਆਂ ਨੂੰ 12 ਅਕਤੂਬਰ ਤੋਂ ਸਕੂਲ ਵਾਪਸ ਆਉਣ ਦਿੱਤਾ ਜਾਵੇਗਾ। 10, 11 ਅਤੇ 12 ਸਾਲ ਦੇ ਵਿਦਿਆਰਥੀ, ਜੋ ਕਿ VCAL ਜਾਂ VCE ਵਿਸ਼ੇ ਪੂਰੇ ਕਰ ਰਹੇ ਹਨ, ਨੂੰ 5 ਅਕਤੂਬਰ ਤੋਂ ਪੂਰੇ ਮੁਲਾਂਕਣ ਤੇ ਵਾਪਸ ਜਾਣ ਦੀ ਇਜ਼ਾਜ਼ਤ ਦਿੱਤੀ ਜਾਵੇਗੀ ਅਤੇ 12 ਅਕਤੂਬਰ ਤੋਂ ਕਲਾਸਾਂ ਲਈ ਵਾਪਸ ਆਨਸਾਈਟ ਦਿੱਤੀ ਜਾਵੇਗੀ।
ਪੜ੍ਹੋ ਇਹ ਅਹਿਮ ਖਬਰ- ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਨੇ ਸਿਹਤ ਸਬੰਧੀ ਜਾਰੀ ਕੀਤੀ ਨਵੇਂ ਪਲਾਨਾਂ ਦੀ ਸੂਚੀ
ਫੈਡਰਲ ਸਿੱਖਿਆ ਮੰਤਰੀ ਨੇ ਵਿਕਟੋਰੀਆ ਦੇ ਪ੍ਰੀਮੀਅਰ ਡੇਨੀਅਲ ਐਂਡ੍ਰੀਊਜ਼ ਨੂੰ ਇਹ ਅਪੀਲ ਕੀਤੀ ਕਿ ਅਕਤੂਬਰ ਦੀ 5 ਤਾਰੀਖ਼ ਤੋਂ ਜਦੋਂ ਕਿ ਵੀ.ਸੀ.ਈ. (The Victorian Certificate of Education) ਅਤੇ ਵੀ.ਸੀ.ਏ.ਐਲ. (Victorian Certificate of Applied Learning) ਦੇ ਵਿਦਿਆਰਥੀਆਂ ਲਈ ਸਕੂਲ ਖੋਲ੍ਹੇ ਜਾ ਰਹੇ ਹਨ ਤਾਂ ਫਿਰ ਦੂਸਰੇ ਹਾਈ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਵੀ ਰੋਕਿਆ ਨਹੀਂ ਜਾਣਾ ਚਾਹੀਦਾ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਫੈਡਰਲ ਸਰਕਾਰ ਨੇ ਪਹਿਲਾਂ ਹੀ ਤਾਕੀਦ ਕੀਤੀ ਹੋਈ ਹੈ ਕਿ ਵਿਦਿਆਰਥੀਆਂ ਲਈ ਸਕੂਲ ਸੁਰੱਖਿਅਤ ਹਨ ਅਤੇ ਬੱਚਿਆਂ ਨੂੰ ਸਕੂਲਾਂ ਦੇ ਅੰਦਰ ਹੀ ਪੜ੍ਹਾਈ ਕਰਨੀ ਚਾਹੀਦੀ ਹੈ।
ਓਂਟਾਰੀਓ 'ਚ ਕੋਰੋਨਾ ਕਾਰਨ 4 ਲੋਕਾਂ ਦੀ ਮੌਤ, ਹੋਰ 554 ਹੋਏ ਵਾਇਰਸ ਦੇ ਸ਼ਿਕਾਰ
NEXT STORY 
