ਇੰਟਰਨੈਸ਼ਨਲ ਡੈਸਕ- ਬੀਤੇ ਕੁਝ ਦਿਨਾਂ ਤੋਂ ਈਰਾਨ-ਇਜ਼ਰਾਈਲ ਵਿਚਾਲੇ ਚੱਲ ਰਹੀ ਜੰਗ 'ਚ ਅੱਜ ਅਮਰੀਕਾ ਨੇ ਵੀ ਐਂਟਰੀ ਮਾਰੀ ਲਈ ਹੈ। ਜਿੱਥੇ ਦੋਵਾਂ ਦੇਸ਼ਾਂ ਵਿਚਾਲੇ ਪਹਿਲਾਂ ਹੀ ਹਾਲਾਤ ਬਹੁਤ ਤਣਾਅਪੂਰਨ ਬਣੇ ਹੋਏ ਹਨ, ਉੱਥੇ ਹੀ ਅਮਰੀਕੀ ਹਮਲੇ ਮਗਰੋਂ ਇਹ ਸਥਿਤੀ ਹੋਰ ਗੰਭੀਰ ਬਣ ਗਈ ਹੈ। ਅਮਰੀਕਾ ਨੇ ਈਰਾਨ ਨੂੰ ਪਰਮਾਣੂ ਹਥਿਆਰ ਬਣਾਉਣ ਤੋਂ ਰੋਕਣ ਲਈ ਉਨ੍ਹਾਂ ਦੇ 3 ਪ੍ਰਮੁੱਖ ਪਰਮਾਣੂ ਕੇਂਦਰਾਂ ਨੂੰ ਨਿਸ਼ਾਨਾ ਬਣਾ ਕੇ ਉਨ੍ਹਾਂ ਨੂੰ ਤਬਾਹ ਕਰ ਦਿੱਤਾ ਹੈ।
ਅਮਰੀਕਾ ਨੇ ਈਰਾਨ 'ਤੇ ਇਹ ਹਮਲਾ B-2 ਸਟੀਲਥ ਬੌਂਬਰ ਨਾਲ ਹਮਲਾ ਕੀਤਾ, ਜੋ ਕਿ ਦੁਨੀਆ ਦਾ ਸਭ ਤੋਂ ਮਹਿੰਗਾ ਤੇ ਸਭ ਤੋਂ ਐਡਵਾਂਸਡ ਟੈਕਨਾਲੌਜੀ ਵਾਲਾ ਲੜਾਕੂ ਜਹਾਜ਼ ਹੈ। ਇਹ ਜਹਾਜ਼ ਕਿਸੇ ਵੀ ਰਡਾਰ 'ਤੇ ਨਹੀਂ ਦਿਖਦਾ, ਜਿਸ ਕਾਰਨ ਇਸ ਦੇ ਹਮਲੇ ਤੋਂ ਬਚਣਾ ਹੋਰ ਵੀ ਜ਼ਿਆਦਾ ਮੁਸ਼ਕਲ ਹੋ ਜਾਂਦਾ ਹੈ। ਇਹ ਅਸਾਨੀ ਨਾਲ ਅੰਡਰਗ੍ਰਾਊਂਡ ਟਿਕਾਣਿਆਂ ਨੂੰ ਵੀ ਨਿਸ਼ਾਨਾ ਬਣਾ ਕੇ ਤਬਾਹ ਕਰਨ ਦੀ ਸਮਰੱਥਾ ਰੱਖਦਾ ਹੈ।
1.1 ਬਿਲੀਅਨ ਡਾਲਰ (ਕਰੀਬ 9 ਹਜ਼ਾਰ ਕਰੋੜ ਰੁਪਏ) ਦੀ ਲਾਗਤ ਵਾਲਾ ਇਹ B-2 ਜਹਾਜ਼ ਦੁਨੀਆ ਦਾ ਸਭ ਤੋਂ ਐਡਵਾਂਸਡ ਲੜਾਕੂ ਜਹਾਜ਼ ਹੈ। ਇਸ ਨੂੰ ਦੇਖ ਕੇ ਇੰਝ ਲੱਗਦਾ ਹੈ ਕਿ ਇਹ ਕੋਈ ਏਲੀਅਨਸ਼ਿਪ ਹੋਵੇ। ਇਸ ‘ਚ ਪਰਮਾਣੂ ਹਥਿਆਰ ਲਿਜਾਣ ਦੀ ਸਮਰਥਾ ਵੀ ਹੁੰਦੀ ਹੈ। ਇਸ ਦੀ ਬਾਡੀ ਇਕ ਖ਼ਾਸ ਕੰਪੋਨੈਂਟ ਨਾਲ ਕਵਰ ਕੀਤੀ ਗਈ ਹੁੰਦੀ ਹੈ, ਜੋ ਕਿ ਇਸ ਨੂੰ ਰਡਾਰ 'ਤੇ ਦਿਖਾਈ ਨਹੀਂ ਦੇਣ ਦਿੰਦੀ। ਇਸ ਦੇ ਉੱਡਣ ਸਮੇਂ ਇਸ ਦੀ ਆਵਾਜ਼ ਵੀ ਬਹੁਤ ਘੱਟ ਆਉਂਦੀ ਹੈ, ਤਾਂ ਜੋ ਇਸ ਦੇ ਆਉਣ-ਜਾਣ ਦਾ ਰਡਾਰ ਤੋਂ ਇਲਾਵਾ ਆਵਾਜ਼ ਤੋਂ ਵੀ ਪਤਾ ਨਾ ਲਗਾਇਆ ਜਾ ਸਕੇ।
ਇਹ ਵੀ ਪੜ੍ਹੋ- ਪਰਮਾਣੂ ਠਿਕਾਣਿਆਂ 'ਤੇ ਅਮਰੀਕੀ ਹਮਲਿਆਂ ਕਾਰਨ ਹੋਈ ਰੇਡੀਏਸ਼ਨ ਲੀਕੇਜ ! ਜਾਣੋ ਕੀ ਹੈ ਈਰਾਨ ਦਾ ਕਹਿਣਾ
ਇਸ ਦਾ ਡਿਜ਼ਾਈਨ ਆਪਣੇ-ਆਪ 'ਚ ਅਨੋਖਾ ਹੈ, ਜੋ ਕਿ ਬਾਕੀ ਜਹਾਜ਼ਾਂ ਨਾਲੋਂ ਬਿਲਕੁਲ ਵੱਖ ਹੈ। ਇਸ ਦੀ ਕੋਈ ਪੂਛ ਨਹੀਂ ਹੁੰਦੀ, ਸਗੋਂ ਇਸ ਦੇ ਵੱਡੇ ਖੰਭ ਇਸ ਦੀ ਪਛਾਣ ਹਨ। ਇਹ 18 ਟਨ ਤੱਕ ਦੇ ਹਥਿਆਰ ਆਪਣੇ ਨਾਲ ਉਡਾ ਕੇ ਲਿਜਾ ਸਕਦਾ ਹੈ, ਜਿਸ ਨਾਲ ਦੁਸ਼ਮਣ ਦਾ ਬਚਣਾ ਬੇਹੱਦ ਮੁਸ਼ਕਲ ਹੋ ਜਾਂਦਾ ਹੈ।
ਹਾਲਾਂਕਿ ਇੰਨੀਆਂ ਸਾਰੀਆਂ ਖ਼ੂਬੀਆਂ ਦੇ ਬਾਵਜੂਦ ਇਸ ਦੀਆਂ ਕੁਝ ਖ਼ਾਮੀਆਂ ਵੀ ਹਨ। ਮਹਿੰਗਾ ਹੋਣ ਕਾਰਨ ਇਸ ਨੂੰ ਉਡਾਉਣ ਲਈ ਪਾਇਲਟ ਵੀ ਪੂਰੀ ਤਰ੍ਹਾਂ ਟ੍ਰੇਨਡ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਇਸ ਨੂੰ ਬਾਰਿਸ਼ ਜਾਂ ਜ਼ਿਆਦਾ ਨਮੀ ਵਾਲੇ ਮੌਸਮ 'ਚ ਨਹੀਂ ਉਡਾਇਆ ਜਾ ਸਕਦਾ, ਕਿਉਂਕਿ ਪਾਣੀ ਕਾਰਨ ਇਸ ਦੀ ਕੋਟਿੰਗ ਪ੍ਰਭਾਵਿਤ ਹੋ ਸਕਦੀ ਹੈ ਤੇ ਇਹ ਰਾਡਾਰ 'ਤੇ ਦਿਖਾਈ ਦੇ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਦੇ ਰੱਖ-ਰਖਾਅ ਤੇ ਰਿਪੇਅਰ 'ਤੇ ਬਹੁਤ ਜ਼ਿਆਦਾ ਖ਼ਰਚਾ ਆਉਂਦਾ ਹੈ, ਜਿਸ ਕਾਰਨ ਇਸ ਦੀ ਲਾਗਤ ਹੋਰ ਵੀ ਵਧ ਜਾਂਦੀ ਹੈ।
ਫਿਲਹਾਲ ਇਹ ਅਮਰੀਕਾ ਦਾ ਇਕ ਵੱਡਾ ਹਥਿਆਰ ਹੈ, ਜੋ ਕਿ ਦੁਨੀਆ ਦੇ ਕਿਸੇ ਵੀ ਕੋਨੇ 'ਚ ਮਾਰ ਕਰਨ ਦੀ ਸਮਰੱਥਾ ਰੱਖਦਾ ਹੈ। ਇਸ ਸਮੇਂ ਅਮਰੀਕਾ ਕੋਲ ਕੁੱਲ 20 ਬੀ-2 ਬੌਂਬਰ ਹਨ, ਜੋ ਕਿ ਕਿਸੇ ਵੀ ਹਾਲਾਤ ਨਾਲ ਨਜਿੱਠਣ ਲਈ ਤਿਆਰ ਹਨ। ਮੌਜੂਦਾ ਸਮੇਂ ਦੌਰਾਨ ਭਾਰਤ ਕੋਲ ਅਜਿਹਾ ਕੋਈ ਵੀ ਜਹਾਜ਼ ਨਹੀਂ ਹੈ, ਜੋ ਕਿ ਬਿਨਾਂ ਰਾਡਾਰ 'ਤੇ ਆਏ ਦੁਸ਼ਮਣ ਦੇਸ਼ 'ਤੇ ਵਾਰ ਕਰ ਸਕੇ। ਹਾਲਾਂਕਿ ਭਾਰਤ ਆਪਣਾ ਸਟੀਲਥ ਲੜਾਕੂ ਜਹਾਜ਼ ਬਣਾਉਣ ਦੀਆਂ ਕੋਸ਼ਿਸ਼ਾਂ 'ਚ ਲੱਗਾ ਹੋਇਆ ਹੈ ਤੇ ਉਮੀਦ ਹੈ ਕਿ ਅਗਲੇ ਕੁੱਝ ਸਾਲਾਂ 'ਚ ਭਾਰਤ ਕੋਲ ਵੀ ਆਪਣਾ ਖ਼ੁਫੀਆ ਹਥਿਆਰ ਹੋਵੇਗਾ।
ਇਹ ਵੀ ਪੜ੍ਹੋ- ਇਕ ਵਾਰ ਫ਼ਿਰ ਵੱਜ ਗਏ ਸਾਇਰਨ ! ਮਿਜ਼ਾਈਲ ਹਮਲਿਆਂ ਨਾਲ ਕੰਬ ਗਿਆ ਪੂਰਾ ਦੇਸ਼
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸੈਲਾਨੀਆਂ ਨਾਲ ਭਰੀ ਕਿਸ਼ਤੀ ਪਲਟੀ, 7 ਦੀ ਮੌਤ
NEXT STORY 
