ਬ੍ਰਾਸੀਲੀਆ (ਬਿਊਰੋ)— ਬ੍ਰਾਜ਼ੀਲ ਦੀ ਫਾਰਮੋਸੋ ਨਦੀ ਵਿਚ ਬਾਰਟੋਲੋਮੇਓ ਬੋਵ (Bartolomeo Bove) ਨਾਮ ਦਾ ਇਕ ਗੋਤਾਖੋਰ ਕੈਮਰਾ ਲੈ ਕੇ ਉਤਰਿਆ। ਨਦੀ ਦੇ ਅੰਦਰ ਦਾ ਜੋ ਨਜ਼ਾਰਾ ਉਸ ਨੇ ਦੇਖਿਆ ਉਸ ਦੀਆਂ ਤਸਵੀਰਾਂ ਅਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕੇ ਹਨ।
ਬੋਵ ਇਕ ਪੇਸ਼ੇਵਰ ਗੋਤਾਖੋਰ ਹਨ ਇਸ ਲਈ ਪਾਣੀ ਵਿਚ ਉਤਰਨ ਤੋਂ ਪਹਿਲਾਂ ਹਮੇਸ਼ਾ ਆਪਣੇ ਨਾਲ ਕੈਮਰਾ ਰੱਖਦੇ ਹਨ। ਇਸ ਵਾਰ ਵੀ ਉਨ੍ਹਾਂ ਨੇ ਅਜਿਹਾ ਹੀ ਕੀਤਾ। ਇਸ ਵਾਰ ਦਾ ਨਜ਼ਾਰਾ ਕੁਝ ਜ਼ਿਆਦਾ ਹੀ ਹੈਰਾਨ ਕਰ ਦੇਣ ਵਾਲਾ ਸੀ।
ਪਾਣੀ ਦੀ ਅੰਦਰ ਹਰੇ ਰੰਗ ਦੇ ਇਕ 7 ਮੀਟਰ ਲੰਬੇ ਜਿਉਂਦੇ ਐਨਾਕੋਂਡਾ ਨੇ ਉਨ੍ਹਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਬੋਵ ਨੇ ਇਸ ਸ਼ਾਨਦਾਰ ਪਲ ਨੂੰ ਆਪਣੇ ਕੈਮਰੇ ਵਿਚ ਕੈਦ ਕਰ ਲਿਆ।
ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਸੱਪ ਕਰੀਬ 90 ਕਿਲੋ ਦਾ ਹੈ। ਬੋਵ ਨੇ ਖੁਲਾਸਾ ਕੀਤਾ ਕਿ ਬੋਨਿਟੋ ਖੇਤਰ ਦੇ ਨੇੜਲੇ ਦੀਆਂ ਨਦੀਆਂ ਅਤੇ ਪਾਣੀ ਦੇ ਅੰਦਰ ਦੱਖਣੀ ਅਮਰੀਕਾ ਦੀਆਂ ਇਕੋਇਕ ਥਾਵਾਂ ਹਨ ਜਿੱਥੇ ਐਨਾਕੋਂਡਾ ਨੂੰ ਕ੍ਰਿਸਟਲ ਸਾਫ ਪਾਣੀ ਵਿਚ ਪਾਇਆ ਜਾ ਸਕਦਾ ਹੈ। ਇਸ ਲਈ ਉੱਥੇ ਐਨਾਕੋਂਡਾ ਨਾਲ ਗੋਤਾਖੋਰੀ ਸੰਭਵ ਹੈ।
ਇਹ ਜੁਲਾਈ ਦੇ ਅਖੀਰ ਤੋਂ ਅਗਸਤ ਦੇ ਸ਼ੁਰੂ ਤੱਕ ਹਾਈਬਰਨੇਸ਼ਨ ਤੱਕ ਜਾਗਦੇ ਹਨ, ਜੋ ਸ਼ਾਨਦਾਰ ਪ੍ਰਾਣੀ ਨਾਲ ਗੋਤਾਖੋਰੀ ਕਰਨ ਦਾ ਸਹੀ ਸਮਾਂ ਹੈ। ਨਦੀ ਦੇ ਪਾਣੀ ਦਾ ਤਾਪਮਾਨ ਸਾਲ ਵਿਚ 22-24 ਡਿਗਰੀ ਸੈਲਸੀਅਸ ਤੱਕ ਹੁੰਦਾ ਹੈ।
ਜਦੋਂ ਸਰਦੀਆਂ ਦੌਰਾਨ ਹਵਾ ਆਮ ਤੌਰ 'ਤੇ ਪਾਣੀ ਦੀ ਤੁਲਨਾ ਵਿਚ ਕਿਤੇ ਜ਼ਿਆਦਾ ਠੰਡੀ ਹੁੰਦੀ ਹੈ ਤਾਂ ਐਨਾਕੋਂਡਾ ਪਾਣੀ ਵਿਚ ਜ਼ਿਆਦਾ ਸਮਾਂ ਬਤੀਤ ਕਰਦੇ ਹਨ।
ਉੱਤਰੀ ਸੀਰੀਆ 'ਚ ਬੰਬ ਧਮਾਕੇ ਕਾਰਨ 11 ਨਾਗਰਿਕਾਂ ਦੀ ਮੌਤ
NEXT STORY