ਲੰਡਨ - ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਯੂਰਪੀ ਸੰਘ ਤੋਂ ਵੱਖ ਹੋਣ ਦੇ ਆਪਣੇ ਸਮਝੌਤੇ 'ਤੇ ਸਮਰਥਨ ਜੁਟਾਉਣ ਲਈ ਸੋਮਵਾਰ ਨੂੰ ਦੂਜੀ ਵਾਰ ਕੋਸ਼ਿਸ਼ ਕੀਤੀ। ਬ੍ਰੈਗਜ਼ਿਟ ਨੂੰ ਲੈ ਕੇ ਸੰਸਦ 'ਚ ਇਸ ਹਫਤੇ ਅਹਿਮ ਫੈਸਲਾ ਲੈਣਾ ਹੈ। ਯੂਰਪੀ ਸੰਘ ਤੋਂ ਵੱਖ ਹੋਣ ਲਈ 31 ਅਕਤੂਬਰ ਦੀ ਤੈਅ ਤਰੀਕ 'ਚ ਸਿਰਫ 10 ਦਿਨ ਬਚੇ ਹਨ। ਅਜਿਹੇ 'ਚ ਜਾਨਸਨ ਸਰਕਾਰ ਆਪਣੇ ਸਮਝੌਤੇ 'ਤੇ ਸੰਸਦ ਮੈਂਬਰਾਂ ਨੂੰ ਸਿੱਧੇ ਸਮਰਥਨ ਜਾਂ ਖਾਰਿਜ ਕਰਨ ਲਈ ਕਹਿਣ ਦਾ ਵਿਚਾਰ ਕਰ ਰਹੀ ਹੈ।
ਸਮਝੌਤੇ ਦੀਆਂ ਇਨ੍ਹਾਂ ਸ਼ਰਤਾਂ ਦੇ ਜ਼ਰੀਏ ਤੈਅ ਹੋਵੇਗਾ ਕਿ ਆਇਰਲੈਂਡ ਦੇ ਸਬੰਧ 'ਚ ਕੀ ਬਦਲਾਅ ਕਰਨਾ ਹੈ। ਇਸ ਅਪੀਲ ਦੇ 2 ਦਿਨ ਪਹਿਲਾਂ ਬ੍ਰੈਗਜ਼ਿਟ ਸਮਝੌਤੇ 'ਚ ਦੇਰੀ ਲਈ ਸੰਸਦ ਮੈਂਬਰਾਂ ਨੇ ਵੋਟਿੰਗ 'ਚ ਹਿੱਸਾ ਲਿਆ ਸੀ। ਹਾਲਾਂਕਿ ਹਾਊਸ ਆਫ ਕਾਮਨਸ ਦੇ ਸਪੀਕਰ ਜਾਨ ਬਰਕੋਓ ਇਸ ਤਰ੍ਹਾਂ ਦੀ ਵੋਟਿੰਗ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਸਕਦੇ ਹਨ ਕਿਉਂਕਿ ਸੰਸਦੀ ਨਿਯਮ ਇਕ ਹੀ ਸੈਸ਼ਨ 'ਚ ਦੂਜੀ ਵਾਰ ਇਕ ਹੀ ਪ੍ਰਾਵਧਾਨ ਨੂੰ ਵਿਚਾਰ ਲਈ ਲਾਏ ਜਾਣ 'ਤੇ ਰੋਕ ਲਾਉਂਦਾ ਹੈ, ਜਦ ਤੱਕ ਕਿ ਉਸ 'ਚ ਕੁਝ ਬਦਲਾਅ ਨਾ ਹੋਵੇ। ਜਾਨਸਨ ਦੀ ਕੰਜ਼ਰਵੇਟਿਵ ਸਰਕਾਰ ਪਿਛਲੇ ਹਫਤੇ ਈ. ਯੂ. ਦੇ ਨਾਲ ਬ੍ਰੈਗਜ਼ਿਟ ਸਮਝੌਤੇ ਨੂੰ ਲਾਗੂ ਕਰਨ ਲਈ ਜ਼ਰੂਰ ਕਾਨੂੰਨ ਵੀ ਪੇਸ਼ ਕਰੇਗੀ। ਸਰਕਾਰ ਨੂੰ ਉਮੀਦ ਹੈ ਕਿ ਯੂਰਪੀ ਸੰਘ ਤੋਂ ਬ੍ਰਿਟੇਨ ਦੇ ਵੱਖ ਹੋਣ ਦੀ ਨਿਰਧਾਰਤ ਤਰੀਕ ਤੋਂ ਪਹਿਲਾਂ ਇਸ ਨੂੰ ਪੂਰਾ ਕਰ ਲਿਆ ਜਾਵੇਗਾ।
ਕੈਨੇਡਾ ਚੋਣਾਂ : ਜਸਟਿਨ ਟਰੂਡੋ ਨੇ ਆਪਣੇ ਪੁੱਤਰ ਦੀ ਮਦਦ ਨਾਲ ਪਾਈ ਵੋਟ
NEXT STORY 
