ਸੋਫੀਆ (ਬਿਊਰੋ): ਦੁਨੀਆ ਵਿਚ ਜ਼ਿਆਦਾਤਰ ਪ੍ਰੇਮੀ ਜੋੜੇ ਆਪਣੇ ਪਿਆਰ ਦੇ ਇਜ਼ਹਾਰ ਲਈ ਅਨੋਖੇ ਤਰੀਕੇ ਅਪਨਾਉਂਦੇ ਹਨ। ਅੱਜ ਅਸੀਂ ਤੁਹਾਨੂੰ ਜਿਹੜੇ ਨੌਜਵਾਨ ਬਾਰੇ ਦੱਸ ਰਹੇ ਹਾਂ ਉਸ ਨੇ ਇਕ ਵੱਖਰੇ ਹੀ ਅੰਦਾਜ਼ ਵਿਚ ਪ੍ਰੇਮਿਕਾ ਨੂੰ ਪ੍ਰਪੋਜ਼ ਕੀਤਾ। ਇਕ ਨੌਜਵਾਨ ਵੱਲੋਂ ਛਾਤੀ 'ਤੇ ਟੈਟੂ ਬਣਵਾ ਕੇ ਪ੍ਰੇਮਿਕਾ ਨੂੰ ਪ੍ਰਪੋਜ਼ ਕਰਨ ਦੀ ਖਬਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਨੌਜਵਾਨ ਨੇ ਆਪਣੀ ਛਾਤੀ 'ਤੇ ਜਿਹੜਾ ਟੈਟੂ ਬਣਵਾਇਆ ਹੈ ਉਸ 'ਤੇ ਲਿਖਿਆ ਹੈ-'wiil you marry me?' ਇਸ ਦੇ ਨਾਲ ਹੀ ਹਾਂ ਜਾਂ ਨਾਂ ਆਪਸ਼ਨ ਲਈ ਸਪੇਸ ਵੀ ਹੈ।
ਇਹ ਮਾਮਲਾ ਬੁਲਗਾਰੀਆ ਦਾ ਹੈ। ਨੌਜਵਾਨ ਪਹਿਲਾਂ ਆਪਣੀ ਪ੍ਰੇਮਿਕਾ ਨੂੰ ਲੈ ਕੇ ਇਕ ਟੈਟੂ ਬਣਾਉਣ ਵਾਲੇ ਸਟੂਡੀਓ 'ਗੌਡ ਆਫ ਇੰਕ' 'ਤੇ ਗਿਆ। ਪ੍ਰੇਮਿਕਾ ਨੂੰ ਸਟੂਡੀਓ ਦੇ ਬਾਹਰ ਬਿਠਾ ਕੇ ਉਹ ਟੈਟੂ ਬਣਵਾਉਣ ਲਈ ਅੰਦਰ ਚਲਾ ਗਿਆ। ਥੋੜ੍ਹੀ ਦੇਰ ਬਾਅਦ ਜਦੋਂ ਉਹ ਬਾਹਰ ਆਇਆ ਤਾਂ ਉਸ ਨੂੰ ਦੇਖ ਕੇ ਪ੍ਰੇਮਿਕਾ ਦੇ ਹੋਸ਼ ਉੱਡ ਗਏ। ਨੌਜਵਾਨ ਨੇ ਆਪਣੀ ਛਾਤੀ 'ਤੇ ਟੈਟੂ ਗੁਦਵਾ ਕੇ ਉਸ ਨੂੰ ਪ੍ਰਪੋਜ਼ ਕੀਤਾ ਸੀ, ਜਿਸ ਵਿਚ ਹਾਂ ਜਾਂ ਨਾਂ ਦਾ ਵਿਕਲਪ ਵੀ ਸੀ।
ਇਹ ਦੇਖ ਪ੍ਰੇਮਿਕਾ ਨੂੰ ਖੁਦ ਨੂੰ ਰੋਕ ਨਾ ਸਕੀ ਅਤੇ ਉਸ ਨੇ ਤੁਰੰਤ ਹੀ ਹਾਂ ਕਹਿ ਦਿੱਤੀ। ਇਸ ਦੇ ਬਾਅਦ ਆਰਟੀਸਟ ਨੇ ਹਾਂ ਵਾਲੇ ਵਿਕਲਪ ਵਿਚ ਦਿਲ ਦਾ ਆਕਾਰ ਬਣਾ ਕੇ ਟੈਟੂ ਨੂੰ ਪੂਰਾ ਕੀਤਾ। ਇਸ ਦੌਰਾਨ ਉੱਥੇ ਮੌਜੂਦ ਹਰੇਕ ਸ਼ਖਸ ਦੋਹਾਂ ਦੇ ਇਸ ਅੰਦਾਜ਼ ਨੂੰ ਦੇਖ ਕੇ ਹੈਰਾਨ ਰਹਿ ਗਿਆ। ਸਟੂਡੀਓ ਵੱਲੋਂ ਫੇਸਬੁੱਕ 'ਤੇ ਪ੍ਰੇਮੀ ਜੋੜੇ ਦੀ ਤਸਵੀਰ ਸ਼ੇਅਰ ਕੀਤੀ ਗਈ ਹੈ। ਪ੍ਰਪੋਜ਼ ਕਰਨ ਦੇ ਇਸ ਤਰੀਕੇ 'ਤੇ ਲੋਕ ਕਈ ਤਰ੍ਹਾਂ ਦੀਆਂ ਟਿੱਪਣੀਆਂ ਕਰ ਰਹੇ ਹਨ।
'ਸਾਹਿਤ ਸੁਮੇਲ ਸਾਊਥ ਆਸਟ੍ਰੇਲੀਆ' ਸੰਸਥਾ ਵੱਲੋਂ ਬਾਲ ਪ੍ਰਤੀਯੋਗਤਾ ਆਯੋਜਿਤ
NEXT STORY 
