ਬਗਦਾਦ (ਏਜੰਸੀ)- ਅਮਰੀਕੀ ਫੌਜ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਸ ਨੇ ਇਰਾਕ ਤੋਂ ਆਪਣੇ ਫੌਜੀਆਂ ਦੀ ਵਾਪਸੀ ਪੂਰੀ ਕਰ ਲਈ ਹੈ ਅਤੇ ਇਸ ਦੇ ਨਾਲ ਹੀ ਅੱਤਵਾਦੀ ਸੰਗਠਨ ‘ਇਸਲਾਮਿਕ ਸਟੇਟ’ ਖ਼ਿਲਾਫ਼ 12 ਸਾਲਾਂ ਤੋਂ ਜਾਰੀ ਮੁਹਿੰਮ ਖ਼ਤਮ ਹੋ ਗਈ ਹੈ। ਬਗਦਾਦ ਅਤੇ ਵਾਸ਼ਿੰਗਟਨ ਵਿਚਾਲੇ ਹੋਏ ਇਕ ਸਮਝੌਤੇ ਤਹਿਤ, ਅਮਰੀਕੀ ਫੌਜੀਆਂ ਦੀ ਆਖ਼ਰੀ ਟੁਕੜੀ ਉੱਤਰੀ ਇਰਾਕ ਵਿਚ ਸਥਿਤ ਇਕ ਹਵਾਈ ਫ਼ੌਜੀ ਅੱਡੇ ਤੋਂ ਆਪਣੇ ਦੇਸ਼ ਰਵਾਨਾ ਹੋ ਗਈ। ਇਹ ਵਾਪਸੀ ਅਮਰੀਕਾ ਅਤੇ ਈਰਾਨ ਵਿਚਾਲੇ ਜਾਰੀ ਉਸ ਜੰਗ ਦੌਰਾਨ ਹੋ ਰਹੀ ਹੈ, ਜੋ ਕਦੇ-ਕਦੇ ਇਰਾਕ ਤੱਕ ਵੀ ਫੈਲ ਜਾਂਦੀ ਹੈ। ਇਸ ਵਿਚ ਈਰਾਨ ਸਮਰਥਿਤ ਮਿਲੀਸ਼ੀਆ ਅਮਰੀਕੀ ਫੌਜੀਆਂ ’ਤੇ ਹਮਲੇ ਕਰਦੀ ਹੈ ਅਤੇ ਅਮਰੀਕਾ ਇਨ੍ਹਾਂ ਸਮੂਹਾਂ ਦੇ ਟਿਕਾਣਿਆਂ ’ਤੇ ਜਵਾਬੀ ਕਾਰਵਾਈ ਕਰਦਾ ਹੈ।
ਫੌਜੀਆਂ ਦੀ ਵਾਪਸੀ ’ਤੇ ਦੋ ਸਾਲ ਪਹਿਲਾਂ ਸਹਿਮਤੀ ਬਣੀ ਸੀ। ਬਗਦਾਦ ਨੇ ਅਮਰੀਕੀ ਮੁਹਿੰਮ ਦੇ ਖ਼ਤਮ ਹੋਣ ਨੂੰ ਇਰਾਕ ਦੀ ਵਧਦੀ ਤਾਕਤ ਅਤੇ ਪ੍ਰਭੂਸੱਤਾ ਦਾ ਪ੍ਰਤੀਕ ਦੱਸਿਆ। ਈਰਾਨ-ਸਮਰਥਿਤ ਗੁੱਟਾਂ ਨੇ ਅਮਰੀਕੀ ਫੌਜੀਆਂ ਦੀ ਇਸ ਵਾਪਸੀ ਦਾ ਜਸ਼ਨ ਮਨਾਇਆ ਪਰ ਕੁਝ ਹੋਰ ਇਰਾਕੀਆਂ, ਖ਼ਾਸਕਰ ਕੁਰਦ ਇਲਾਕੇ ਦੇ ਲੋਕਾਂ ਵਿਚ ਚਿੰਤਾ ਵੀ ਪੈਦਾ ਹੋਈ। ਉਨ੍ਹਾਂ ਨੂੰ ਡਰ ਹੈ ਕਿ ਅਮਰੀਕੀ ਫੌਜ ਦੇ ਜਾਣ ਨਾਲ ਈਰਾਨ ਨਾਲ ਜੁੜੇ ਗੁੱਟਾਂ ਦਾ ਹੌਸਲਾ ਵਧ ਸਕਦਾ ਹੈ ਅਤੇ ਉਹ ਹੋਰ ਹਮਲੇ ਕਰ ਸਕਦੇ ਹਨ। ਨਾਲ ਹੀ ਇਸਲਾਮਿਕ ਸਟੇਟ ਵੀ ਫਿਰ ਤੋਂ ਸਿਰ ਚੁੱਕ ਸਕਦਾ ਹੈ।
180 ਜਾਨਾਂ ਬਚਾਉਣ ਵਾਲੇ ਭਾਰਤੀ ਪਾਇਲਟ ਸਮਿਤ ਮਾਛਰ ਨੂੰ ਇਜ਼ਰਾਈਲ ਕਰੇਗਾ 'ਸਨਮਾਨਿਤ'
NEXT STORY 
