ਦੁਬਈ (ਭਾਸ਼ਾ)— ਆਮਤੌਰ 'ਤੇ ਜਹਾਜ਼ ਦੀ ਲੈਂਡਿੰਗ ਕਿਸੇ ਐਮਰਜੈਂਸੀ ਜਾਂ ਅਣਹੋਣੀ ਘਟਨਾ ਵਾਪਰਨ ਕਾਰਨ ਕਰਵਾਈ ਜਾਂਦੀ ਹੈ। ਪਰ ਦੁਬਈ ਦਾ ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ ਕਰਵਾਉਣ ਦਾ ਦਿਲਚਸਪ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ ਇਸ ਲਈ ਕਰਵਾਈ ਗਈ ਕਿਉਂਕਿ ਇਕ ਮਾਂ ਆਪਣੇ ਬੱਚੇ ਨੂੰ ਹਵਾਈ ਅੱਡੇ 'ਤੇ ਹੀ ਭੁੱਲ ਆਈ ਸੀ। ਇਹ ਘਟਨਾ ਸਾਊਦੀ ਅਰਬ ਦੇ ਇਕ ਜਹਾਜ਼ ਨਾਲ ਇਸ ਹਫਤੇ ਦੇ ਅਖੀਰ ਵਿਚ ਵਾਪਰੀ ਜਦੋਂ ਜਹਾਜ਼ ਵਿਚ ਸਵਾਰ ਇਕ ਮਹਿਲਾ ਯਾਤਰੀ ਆਪਣੇ ਬੱਚੇ ਨੂੰ ਹਵਾਈ ਅੱਡੇ 'ਤੇ ਹੀ ਭੁੱਲ ਆਈ, ਜਿਸ ਕਾਰਨ ਜਹਾਜ਼ ਨੂੰ ਵਾਪਸ ਮੋੜ ਕੇ ਹਵਾਈ ਅੱਡੇ 'ਤੇ ਲਿਆਉਣਾ ਪਿਆ।
ਸਾਊਦੀ ਨਿਵਾਸੀ ਮਹਿਲਾ ਨੇ ਜੇਦਾ ਤੋਂ ਕੁਆਲਾਲੰਪੁਰ ਜਾ ਰਹੇ ਜਹਾਜ਼ ਨੰਬਰ ਐੱਸ.ਵੀ. 832 ਦੇ ਚਾਲਕ ਦਲ ਨੂੰ ਸ਼ਿਕਾਇਤ ਕੀਤੀ ਕਿ ਉਹ ਆਪਣੇ ਬੱਚੇ ਨੂੰ ਕਿੰਗ ਅਬਦੁੱਲ ਅਜ਼ੀਜ਼ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਬੋਰਡਿੰਗ ਇਲਾਕੇ ਵਿਚ ਹੀ ਭੁੱਲ ਆਈ ਹੈ। ਇਸ ਕਾਰਨ ਜਹਾਜ਼ ਨੂੰ ਵਾਪਸ ਮੋੜਿਆ ਗਿਆ। ਸੋਸ਼ਲ ਮੀਡੀਆ 'ਤੇ ਇਸ ਘਟਨਾ ਸਬੰਧੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿਚ ਵਿਚ ਜਹਾਜ਼ ਦਾ ਪਾਇਲਟ ਏ.ਟੀ.ਸੀ. ਅਧਿਕਾਰੀਆਂ ਨੂੰ ਜਹਾਜ਼ ਨੂੰ ਵਾਪਸ ਲੈਂਡ ਕਰਨ ਦੀ ਇਜਾਜ਼ਤ ਦੇਣ ਦੀ ਅਪੀਲ ਕਰ ਰਿਹਾ ਹੈ। ਏ.ਟੀ.ਸੀ. ਆਪਰੇਟਰ ਇਸ ਗੱਲ ਨੂੰ ਲੈ ਕੇ ਹੈਰਾਨੀ ਜ਼ਾਹਰ ਕਰਦੇ ਹੋਏ ਅਜਿਹੀ ਘਟਨਾ ਹੋਣ ਦੀ ਸਥਿਤੀ ਵਿਚ ਵਰਤੇ ਜਾਣ ਵਾਲੇ ਪ੍ਰੋਟੋਕਾਲ ਦੇ ਬਾਰੇ ਵਿਚ ਚਰਚਾ ਕਰ ਰਹੇ ਹਨ।
ਇਸ ਦੌਰਾਨ ਪਾਇਲਟ ਹਵਾਈ ਆਵਾਜਾਈ ਕੰਟਰੋਲਰ ਨੂੰ ਕਹਿੰਦਾ ਹੈ,''ਈਸ਼ਵਰ ਸਾਡੇ ਨਾਲ ਹੈ। ਕੀ ਅਸੀਂ ਵਾਪਸ ਆਸ ਸਕਦੇ ਹਾਂ ਜਾਂ ਫਿਰ ਕੀ ਕਰੀਏ।'' ਪਾਇਲਟ ਨੇ ਮਨੁੱਖਤਾ ਦਾ ਹਵਾਲਾ ਦਿੰਦੇ ਹੋਏ ਆਖਿਰਕਾਰ ਕੰਟਰੋਲਰ ਨੂੰ ਜਹਾਜ਼ ਦੀ ਵਾਪਸ ਲੈਂਡਿੰਗ ਦੀ ਇਜਾਜ਼ਤ ਦੇਣ ਲਈ ਮਨਾ ਹੀ ਲਿਆ। ਏ.ਟੀ.ਸੀ. ਆਪਰੇਟਰ ਪਾਇਲਟ ਨੂੰ ਕਹਿੰਦਾ ਹੈ,''Ok, head back to the gate. This is totally a new one for us! ।''
ਸੋਸ਼ਲ ਮੀਡੀਆ 'ਤੇ ਪਾਇਲਟ ਦੀ ਕਾਫੀ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਉੱਥੇ ਲੋਕ ਮਹਿਲਾ ਦੀ ਬੱਚਾ ਭੁੱਲ ਜਾਣ ਕਾਰਨ ਆਲੋਚਨਾ ਕਰ ਰਹੇ ਹਨ। ਹਾਲਾਂਕਿ ਇਸ ਗੱਲ ਦਾ ਪਤਾ ਨਹੀਂ ਚੱਲ ਪਾਇਆ ਹੈ ਕਿ ਮਹਿਲਾ ਨੂੰ ਕਿੰਨੀ ਦੇਰ ਬਾਅਦ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ।
ਬੁਲੇਟ ਟ੍ਰੇਨ ਪ੍ਰੋਜੈਕਟ : ਜਾਪਾਨ ਨੇ ਕਿਹਾ, ਡੈਡਲਾਈਨ ਮਿਸ ਹੋਈ ਤਾਂ ਅਸੀਂ ਕੁਝ ਨਹੀਂ ਕਰ ਸਕਦੇ
NEXT STORY 
