ਲਾਸ ਏਂਜਲਸ (ਪੋਸਟ ਬਿਊਰੋ)- ਲਾਸ ਏਂਜਲਸ ਟਾਈਮਜ਼ ਦੀ ਸੰਪਾਦਕੀ ਸੰਪਾਦਕ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਕਿਉਂਕਿ ਅਖ਼ਬਾਰ ਦੇ ਮਾਲਕ ਵੱਲੋਂ ਰਾਸ਼ਟਰਪਤੀ ਅਹੁਦੇ ਲਈ ਡੈਮੋਕ੍ਰੇਟਿਕ ਪਾਰਟੀ ਦੀ ਉਮੀਦਵਾਰ ਉਪ ਪ੍ਰਧਾਨ ਕਮਲਾ ਹੈਰਿਸ ਨੂੰ ਸਮਰਥਨ ਦੇਣ ਦੀ ਸੰਪਾਦਕੀ ਬੋਰਡ ਦੀ ਯੋਜਨਾ ਨੂੰ ਰੋਕ ਦਿੱਤਾ ਗਿਆ ਸੀ। ਇਹ ਜਾਣਕਾਰੀ ਬੁੱਧਵਾਰ ਨੂੰ ਪੱਤਰਕਾਰੀ ਪੇਸ਼ੇ ਨਾਲ ਸਬੰਧਤ ਇਕ ਪ੍ਰਕਾਸ਼ਨ ਨੇ ਦਿੱਤੀ। ਕੋਲੰਬੀਆ ਜਰਨਲਿਜ਼ਮ ਰਿਵਿਊ ਦੇ ਨਾਲ ਇੱਕ ਇੰਟਰਵਿਊ ਵਿੱਚ ਮਾਰੀਏਲ ਗਾਰਜ਼ਾ ਨੇ ਕਿਹਾ ਕਿ ਉਸਨੇ ਅਸਤੀਫ਼ਾ ਦੇ ਦਿੱਤਾ ਕਿਉਂਕਿ ਲਾਸ ਏਂਜਲਸ ਟਾਈਮਜ਼ ਨੇ "ਸੰਕਟ ਦੇ ਸਮੇਂ" ਮੁਕਾਬਲੇ 'ਤੇ ਚੁੱਪ ਰਹਿਣ ਦਾ ਫ਼ੈਸਲਾ ਕੀਤਾ।
ਗਾਰਜਾ ਨੇ ਕਿਹਾ,"ਮੈਂ ਅਸਤੀਫ਼ਾ ਦੇ ਰਹੀ ਹਾਂ ਕਿਉਂਕਿ ਮੈਂ ਇਹ ਸਪੱਸ਼ਟ ਕਰਨਾ ਚਾਹੁੰਦੀ ਹਾਂ ਕਿ ਮੈਂ ਚੁੱਪ ਰਹਿਣ ਦੇ ਪੱਖ ਵਿਚ ਨਹੀਂ ਹਾਂ। ਖਤਰਨਾਕ ਸਮੇਂ ਵਿੱਚ ਇਮਾਨਦਾਰ ਲੋਕਾਂ ਨੂੰ ਖੜ੍ਹੇ ਹੋਣ ਦੀ ਲੋੜ ਹੈ। ਇਸ ਲਈ ਮੈਂ ਖੜ੍ਹੀ ਹਾਂ।" ਲਾਸ ਏਂਜਲਸ ਟਾਈਮਜ਼ ਕੰਪਨੀ ਦੇ ਮਾਲਕ ਪੈਟਰਿਕ ਸੋਨ-ਸ਼ਿਓਂਗ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਪੋਸਟ ਕੀਤਾ ਜਿਸ ਵਿਚ ਹਾਲਾਂਕਿ ਅਸਤੀਫ਼ੇ ਦਾ ਸਿੱਧੇਤੌ ਰ 'ਤੇ ਕੋਈ ਜ਼ਿਕਰ ਨਹੀਂ ਕੀਤਾ ਗਿਆ ਪਰ ਇਸ ਵਿਚ ਉਨ੍ਹਾਂ ਨੇ ਲਿਖਿਆ ਕਿ ਬੋਰਡ ਨੂੰ ਹੈਰਿਸ ਅਤੇ ਰੀਪਬਲਿਕਨ ਪਾਰਟੀ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਵ੍ਹਾਈਟ ਹਾਊਸ ਵਿਚ ਉਨ੍ਹਾਂ ਦੇ ਕਾਰਜਕਾਲ ਦੀਆਂ ਨੀਤੀਆਂ ਦਾ ਤੱਥਾਂ ਵਾਲਾ ਵਿਸ਼ਲੇਸ਼ਣ ਕਰਨ ਲਈ ਕਿਹਾ ਗਿਆ ਸੀ। ਉਸਨੇ ਲਿਖਿਆ, "ਇਸ ਤੋਂ ਇਲਾਵਾ ਬੋਰਡ ਤੋਂ ਪ੍ਰਚਾਰ ਦੌਰਾਨ ਉਮੀਦਵਾਰਾਂ ਦੁਆਰਾ ਐਲਾਨੀਆਂ ਗਈਆਂ ਨੀਤੀਆਂ ਅਤੇ ਯੋਜਨਾਵਾਂ ਅਤੇ ਅਗਲੇ 4 ਸਾਲਾਂ ਵਿਚ ਉਨ੍ਹਾਂ ਦੇ ਸੰਭਾਵੀ ਪ੍ਰਭਾਵ ਬਾਰੇ ਆਪਣੇ ਵਿਚਾਰ ਸਾਂਝਾ ਕਰਨ ਲਈ ਕਿਹਾ ਗਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡੀਅਨ ਪਾਰਲੀਮੈਂਟ 'ਚ Trudeau ਦੀ ਅੰਗਰੇਜ਼ੀ ਦਾ ਬਣਿਆ ਮਜ਼ਾਕ, ਉੱਚੀ-ਉੱਚੀ ਹੱਸੇ ਵਿਰੋਧੀ
2018 ਵਿੱਚ ਅਖ਼ਬਾਰ ਖਰੀਦਣ ਵਾਲੇ ਸੂਨ-ਸ਼ਿਓਂਗ ਨੇ ਕਿਹਾ, "ਇਸ ਸਪੱਸ਼ਟ ਅਤੇ ਨਿਰਪੱਖ ਜਾਣਕਾਰੀ ਨਾਲ ਸਾਡੇ ਪਾਠਕ ਇਹ ਫ਼ੈਸਲਾ ਕਰ ਸਕਦੇ ਹਨ ਕਿ ਅਗਲੇ ਚਾਰ ਸਾਲਾਂ ਲਈ ਕੌਣ ਰਾਸ਼ਟਰਪਤੀ ਬਣਨ ਦੇ ਯੋਗ ਹੋਵੇਗਾ।" ਗਾਰਜਾ ਮੁਤਾਬਕ, ਬੋਰਡ ਨੇ "ਕੋਈ ਵੀ ਟਿੱਪਣੀ ਨਾ ਕਰਨ ਦਾ ਫ਼ੈਸਲਾ ਕੀਤਾ ਹੈ ਅਤੇ ਮੈਂ ਉਨ੍ਹਾਂ ਦੇ ਫੈਸਲੇ ਨੂੰ ਸਵੀਕਾਰ ਕਰਦੀ ਹਾਂ। ਲਾਸ ਏਂਜਲਸ ਟਾਈਮਜ਼ ਦੇ ਬੁਲਾਰੇ ਨੇ ਟਿੱਪਣੀ ਦੀ ਬੇਨਤੀ ਕਰਨ ਵਾਲੀ ਈਮੇਲ ਦਾ ਤੁਰੰਤ ਜਵਾਬ ਨਹੀਂ ਦਿੱਤਾ। ਲਾਸ ਏਂਜਲਸ ਟਾਈਮਜ਼ ਗਿਲਡ ਯੂਨਿਟ ਕੌਂਸਲ ਅਤੇ ਸੌਦੇਬਾਜ਼ੀ ਕਮੇਟੀ ਨੇ ਕਿਹਾ ਕਿ "ਸਾਡੇ ਬੌਸ ਦੁਆਰਾ ਰਾਸ਼ਟਰਪਤੀ ਦੀ ਦੌੜ ਦੇ ਯੋਜਨਾਬੱਧ ਸਮਰਥਨ ਨੂੰ ਰੋਕਣ ਦੇ ਫੈਸਲੇ ਤੋਂ ਬਹੁਤ ਚਿੰਤਤ ਹਾਂ। ਅਸੀਂ ਇਸ ਗੱਲ ਤੋਂ ਵੀ ਜ਼ਿਆਦਾ ਚਿੰਤਤ ਹਾਂ ਕਿ ਉਹ ਆਪਣੇ ਸਮਰਥਨ ਨਾ ਕਰਨ ਦੇ ਫ਼ੈਸਲੇ ਲਈ ਸੰਪਾਦਕੀ ਬੋਰਡ ਦੇ ਮੈਂਬਰਾਂ ਨੂੰ ਗਲਤ ਢੰਗ ਨਾਲ ਦੋਸ਼ੀ ਠਹਿਰਾ ਰਿਹਾ ਹੈ।ਅਸੀਂ ਆਪਣੇ ਮੈਂਬਰਾਂ ਦੀ ਤਰਫੋਂ ਨਿਊਜ਼ਰੂਮ ਪ੍ਰਬੰਧਨ ਤੋਂ ਜਵਾਬ ਮੰਗ ਰਹੇ ਹਾਂ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚੀਨੀ ਜਹਾਜ਼ ਦੱਖਣੀ ਚੀਨ ਸਾਗਰ ਦੇ ਵਿਵਾਦਿਤ ਖੇਤਰ 'ਚ ਦਾਖਲ, ਇੰਡੋਨੇਸ਼ੀਆ ਨੇ ਪਿੱਛੇ ਹਟਣ ਨੂੰ ਕੀਤਾ ਮਜ਼ਬੂਰ
NEXT STORY 
