ਪੈਰਿਸ (ਬਿਊਰੋ): ਕਿਸੇ ਨੇ ਸੱਚ ਹੀ ਕਿਹਾ ਕਿ ਰੱਬ ਜਦੋਂ ਦਿੰਦਾ ਹੈ ਤਾਂ ਛੱਪੜ ਫਾੜ ਕੇ ਦਿੰਦਾ ਹੈ। ਅਜਿਹਾ ਹੀ ਕੁਝ ਚਾਰ ਭਿਖਾਰੀਆਂ ਨਾਲ ਹੋਇਆ। ਅਸਲ ਵਿਚ ਫਰਾਂਸ ਦੇ ਬ੍ਰੇਸਟ ਸ਼ਹਿਰ ਵਿਚ ਇਕ ਲਾਟਰੀ ਦੀ ਦੁਕਾਨ ਦੇ ਬਾਹਰ ਭੀਖ ਮੰਗਣ ਵਾਲੇ ਚਾਰ ਬੇਘਰ ਦੋਸਤਾਂ ਨੇ ਕਦੇ ਸੋਚਿਆ ਨਹੀਂ ਸੀ ਕਿ ਉਹਨਾਂ ਦੀ ਕਿਸਮਤ ਇਕ ਦਿਨ ਇੰਝ ਪਲਟ ਜਾਵੇਗੀ। ਇਸ ਲਾਟਰੀ ਦੀ ਦੁਕਾਨ 'ਤੇ ਇਕ ਬੀਬੀ ਆਈ, ਜੋ ਬਾਹਰ ਬੈਠੇ ਇਹਨਾਂ ਦੋਸਤਾਂ ਦੇ ਨਾਲ ਗੱਲ ਕਰਨ ਦੇ ਬਾਅਦ ਅੰਦਰ ਗਈ। ਬੀਬੀ ਨੇ ਦੁਕਾਨ ਵਿਚੋਂ ਇਕ ਸਕ੍ਰੈਚਕਾਰਜ ਖਰੀਦਿਆ। ਬੀਬੀ ਨੇ ਇਹ ਸਕ੍ਰੈਚਕਾਰਡ ਬਾਹਰ ਬੈਠੇ ਦੋਸਤਾਂ ਨੂੰ ਦੇ ਦਿੱਤਾ।
ਥੋੜ੍ਹੇ ਦਿਨਾਂ ਬਾਅਦ ਚਾਰੇ ਦੋਸਤਾਂ ਨੂੰ ਪਤਾ ਚੱਲਿਆ ਕਿ ਇਸ ਕਾਰਡ 'ਤੇ ਉਹਨਾਂ ਦਾ 50 ਹਜ਼ਾਰ ਯੂਰੋ (ਕਰੀਬ 43 ਲੱਖ ਰੁਪਏ) ਦਾ ਜੈਕਪਾਟ ਲੱਗਾ ਹੈ। ਇਹ ਜਾਣ ਉਹਨਾਂ ਦੇ ਹੋਸ਼ ਉੱਡ ਗਏ। ਫਰਾਂਸ ਦੇ ਲਾਟਰੀ ਆਪਰੇਟਰ FDJ ਨੇ ਇਸ ਬਾਰੇ ਵਿਚ ਜਾਣਕਾਰੀ ਦਿੱਤੀ ਕਿ ਚਾਰ ਬੇਘਰ ਭਿਖਾਰੀਆਂ ਨੂੰ ਇਕ ਬੀਬੀ ਨੇ ਇਕ ਯੂਰੋ ਕਾਰਡ ਦਿੱਤਾ ਸੀ, ਜਿਸ 'ਤੇ ਉਹਨਾਂ ਦਾ ਜੈਕਪਾਟ ਲੱਗ ਗਿਆ। 30 ਸਾਲ ਦੀ ਉਮਰ ਦੇ ਕਰੀਬ ਤਿੰਨ ਪੁਰਸ਼ ਅਤੇ ਇਕ ਬੀਬੀ ਲਾਟਰੀ ਦੀ ਦੁਕਾਨ ਦੇ ਬਾਹਰ ਭੀਖ ਮੰਗਦੇ ਸਨ। ਉਸ ਦਾਨੀ ਬੀਬੀ ਨੇ ਦੁਕਾਨ ਵਿਚ ਜਾਣ ਤੋਂ ਪਹਿਲਾਂ ਉਹਨਾਂ ਲੋਕਾਂ ਨਾਲ ਗੱਲ ਕੀਤੀ ਸੀ ਅਤੇ ਸ਼ਾਇਦ ਉਹਨਾਂ ਦੀ ਕੁਝ ਮਦਦ ਕਰਨੀ ਚਾਹੁੰਦੀ ਸੀ।
ਆਮਤੌਰ 'ਤੇ ਲੋਕ ਉਹਨਾਂ ਨੂੰ ਕੁਝ ਖਾਣ ਲਈ ਜਾਂ ਸਿੱਕੇ ਦਿੰਦੇ ਸਨ ਪਰ ਦਾਨੀ ਬੀਬੀ ਨੇ ਬਾਹਰ ਜਾਂਦੇ ਸਮੇਂ ਉਹਨਾਂ ਨੂੰ ਸਕ੍ਰੈਚਕਾਰਡ ਦੇ ਗਈ। ਬਾਅਦ ਵਿਚ ਚਾਰਾਂ ਨੂੰ ਪਤਾ ਲੱਗਾ ਕਿ ਉਹਨਾਂ ਦਾ ਜੈਕਪਾਟ ਲੱਗਾ ਹੈ। ਪਹਿਲਾਂ ਉਹਨਾਂ ਨੂੰ ਲੱਗਾ ਕਿ ਉਹਨਾਂ ਨੇ 25 ਹਜ਼ਾਰ ਯੂਰੋ ਜਿੱਤੇ ਹਨ ਪਰ ਬਾਅਦ ਵਿਚ ਉਹਨਾਂ ਨੂੰ ਪਤਾ ਚੱਲਿਆ ਕਿ ਉਹਨਾਂ ਨੇ ਇਸ ਤੋਂ ਦੁੱਗਣੀ ਰਾਸ਼ੀ ਜਿੱਤੀ ਹੈ ਤਾਂ ਉਹਨਾਂ ਦੇ ਹੋਸ਼ ਉੱਡ ਗਏ। ਚਾਰਾਂ ਨੇ ਆਪਸ ਵਿਚ ਬਰਾਬਰ ਰਾਸ਼ੀ ਵੰਡ ਲਈ।
ਲਾਟਰੀ ਦੀ ਦੁਕਾਨ ਦੇ ਮਾਲਕ ਦੇ ਮੁਤਾਬਕ, ਜਿੱਤਣ ਦੇ ਬਾਅਦ ਤੋਂ ਚਾਰੇ ਉੱਥੇ ਭੀਖ ਮੰਗਣ ਲਈ ਵਾਪਸ ਨਹੀਂ ਪਰਤੇ ਹਨ। ਸੰਭਵ ਹੈ ਕਿ ਹੁਣ ਉਹ ਉਸ ਰਾਸ਼ੀ ਨਾਲ ਚੰਗੀ ਜ਼ਿੰਦਗੀ ਜੀਅ ਰਹੇ ਹੋਣਗੇ। ਉੱਥੇ ਦਾਨੀ ਬੀਬੀ ਵੀ ਹਾਲੇ ਵਾਪਸ ਨਹੀਂ ਪਰਤੀ ਹੈ। ਮਾਲਕ ਦਾ ਕਹਿਣਾ ਹੈ ਕਿ ਜਦੋਂ ਉਸ ਬੀਬੀ ਨੂੰ ਪਤਾ ਲੱਗੇਗਾ ਕਿ ਉਸ ਦੀ ਮਦਦ ਨਾਲ ਕੁਝ ਜ਼ਿੰਦਗੀਆ ਬਦਲ ਗਈਆਂ ਹਨ ਤਾਂ ਉਸ ਨੂੰ ਅਸਲ ਵਿਚ ਬਹੁਤ ਖੁਸ਼ੀ ਹੋਵੇਗੀ।
Quad ਬੈਠਕ : ਅਮਰੀਕੀ ਅਧਿਕਾਰੀ ਨੇ ਚੀਨ ਦੇ ਹਮਲਾਵਰ ਰਵੱਈਏ 'ਤੇ ਵਿੰਨ੍ਹਿਆ ਨਿਸ਼ਾਨਾ
NEXT STORY 
