ਮਾਸਕੋ— ਫਰਾਂਸ 'ਚ ਯੈਲੋ ਵੈਸਟ ਰੈਲੀਆਂ 'ਚ 3000 ਤੋਂ ਵਧੇਰੇ ਲੋਕਾਂ ਨੇ ਵਿਰੋਧ ਪ੍ਰਦਰਸ਼ਨ 'ਚ ਹਿੱਸਾ ਲਿਆ। ਫਰਾਂਸ ਦੇ ਅੰਦਰੂਨੀ ਮੰਤਰਾਲੇ ਨੇ ਕਿਹਾ ਕਿ ਰਾਜਧਾਨੀ ਪੈਰਿਸ 'ਚ 1200 ਲੋਕਾਂ ਸਮੇਤ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ 3200 ਲੋਕ ਯੈਲੋ ਵੈਸਟ ਵਿਰੋਧ ਪ੍ਰਦਰਸ਼ਨ 'ਚ ਸ਼ਨੀਵਾਰ ਨੂੰ ਹਿੱਸਾ ਲਿਆ ਹੈ।
ਸਥਾਨਕ ਟੀ.ਵੀ. ਚੈਨਲ ਮੁਤਾਬਕ 18 ਮਈ ਨੂੰ ਪੈਰਿਸ ਦੇ 1100 ਲੋਕਾਂ ਸਮੇਤ ਦੇਸ਼ ਭਰ 'ਚ 2800 ਪ੍ਰਦਰਸ਼ਨਕਾਰੀਆਂ ਨੇ ਕੁਝ ਘੰਟਿਆਂ ਤਕ ਪ੍ਰਦਰਸ਼ਨ ਕੀਤਾ ਸੀ। ਸੂਬੇ ਦੇ ਉੱਤਰੀ ਸੋਮੇ ਵਿਭਾਗ ਮੁਤਾਬਕ 800 ਲੋਕ ਅਮੀਨਸ ਸ਼ਹਿਰ 'ਚ ਰੈਲੀਆਂ 'ਚ ਸ਼ਾਮਲ ਹੋਏ। ਮਾਹਿਰਾਂ ਨੇ ਲਗਭਗ 2000 ਲੋਕਾਂ ਦੇ ਸ਼ਾਮਲ ਹੋਣ ਦਾ ਦਾਅਵਾ ਕੀਤਾ ਹੈ। ਰੈਲੀਆਂ ਦੌਰਾਨ ਪ੍ਰਦਰਸ਼ਨਕਾਰੀਆਂ ਨੇ ਇਕ ਸਥਾਨਕ ਬੈਂਕ ਅਤੇ ਕਾਰਲਟਨ ਹੋਟਲ ਨੂੰ ਨੁਕਸਾਨ ਪਹੁੰਚਾਇਆ, ਜਿਸ ਦੇ ਬਾਅਦ ਪੁਲਸ ਨੇ ਪ੍ਰਦਰਸ਼ਨਕਾਰੀਆਂ ਵਿਰੁੱਧ ਹੰਝੂ ਗੈਸ ਦੀ ਵਰਤੋਂ ਕੀਤੀ। ਉਨ੍ਹਾਂ ਨੇ 20 ਲੋਕਾਂ ਨੂੰ ਹਿਰਾਸਤ 'ਚ ਲੈ ਲਿਆ।
ਪਿਛਲੇ ਸਾਲ ਨਵੰਬਰ ਦੇ ਮੱਧ ਤੋਂ ਤੇਲ ਟੈਕਸ 'ਚ ਵਾਧੇ ਕਾਰਨ ਫਰਾਂਸ 'ਚ ਯੈਲੋ ਵੈਸਟ ਰੈਲੀਆਂ ਸ਼ੁਰੂ ਹੋਈਆਂ ਸਨ। ਇਸ ਦੇ ਬਾਅਦ ਫਰਾਂਸ ਸਰਕਾਰ ਨੇ ਤੇਲ ਕਰਾਂ ਨੂੰ ਵਧਾਉਣ ਦੀ ਆਪਣੀ ਯੋਜਨਾ ਨੂੰ ਤਿਆਗ ਦਿੱਤਾ ਅਤੇ ਦੇਸ਼ ਦੀ ਸਮਾਜਕ ਆਰਥਿਕ ਸਥਿਤੀ 'ਚ ਸੁਧਾਰ ਲਈ ਹੋਰ ਯੋਜਨਾਵਾਂ ਨੂੰ ਪੇਸ਼ ਕੀਤਾ। ਸਰਕਾਰੀ ਨੀਤੀਆਂ 'ਤੇ ਅਸੰਤੋਸ਼ ਪ੍ਰਗਟ ਕਰਨ ਲਈ ਪ੍ਰਦਰਸ਼ਨਕਾਰੀ ਹਰ ਹਫਤੇ ਦੇਸ਼ ਭਰ ਦੀਆਂ ਸੜਕ 'ਤੇ ਰੈਲੀਆਂ ਕੱਢ ਰਹੇ ਹਨ। ਇਨ੍ਹਾਂ ਰੈਲੀਆਂ 'ਚ ਆਮ ਤੌਰ 'ਤੇ ਪੁਲਸ ਅਤੇ ਪ੍ਰਦਰਸ਼ਨਕਾਰੀਆਂ ਵਿਚਕਾਰ ਝੜਪਾਂ ਹੁੰਦੀਆਂ ਹਨ।
ਦੱਖਣੀ ਅਫਰੀਕਾ : ਰਾਮਾਫੋਸਾ ਨੇ ਚੁੱਕੀ ਰਾਸ਼ਟਰਪਤੀ ਦੇ ਅਹੁਦੇ ਦੀ ਸਹੁੰ
NEXT STORY 
