ਇਟਲੀ (ਦਲਵੀਰ ਸਿੰਘ ਕੈਂਥ)- ਇੱਕ ਪਾਸੇ ਤਾਂ ਪ੍ਰਵਾਸੀ ਵਿਰੋਧੀ ਇਟਲੀ ਦੇ ਸਿਆਸੀ ਆਗੂ ਤੇ ਲੋਕ ਉਂਝ ਹੀ ਦੇਸ਼ ਵਿੱਚ ਵੱਧ ਰਹੀ ਪ੍ਰਵਾਸੀਆਂ ਦੀ ਆਮਦ ਤੇ ਗਿਣਤੀ ਤੋਂ ਢਾਹਡੇ ਦੁੱਖੀ ਹਨ ਤੇ ਦੂਜੇ ਪਾਸੇ ਕੁਝ ਪ੍ਰਵਾਸੀਆਂ ਵੱਲੋਂ ਚਿੱਟੇ ਦਿਨ ਇਟਲੀ ਵਿੱਚ ਬੇਖੌਫ਼ ਅਪਰਾਧਾਂ ਨੂੰ ਅੰਜਾਮ ਦੇਣਾ ਇਟਲੀ ਦੇ ਸਮੂਹ ਪ੍ਰਵਾਸੀਆਂ ਲਈ ਅਨੇਕਾਂ ਮੁਸੀਬਤਾਂ ਨੂੰ ਸੱਦਾ ਦੇਣ ਬਰਾਬਰ ਹੈ। ਇਟਲੀ ਦੀਆਂ ਜੇਲ੍ਹਾਂ ਪ੍ਰਵਾਸੀਆਂ ਨਾਲ ਖਚਾਖੱਚ ਭਰੀਆਂ ਪਈਆਂ ਹਨ ਤੇ ਇਟਲੀ ਸਰਕਾਰ ਵੀ ਦੇਸ਼ ਵਿੱਚ ਪ੍ਰਵਾਸੀਆਂ ਵੱਲੋਂ ਕੀਤੇ ਜਾ ਰਹੇ ਅਪਰਾਧਾਂ ਨੂੰ ਖਤਮ ਕਰਨ ਲਈ ਬਹੁਤ ਹੀ ਗੰਭੀਰਤਾ ਨਾਲ ਕੰਮ ਕਰ ਰਹੀ ਹੈ, ਜਿਸ ਦਾ ਨਤੀਜਾ ਜਲਦ ਹੀ ਸਾਹਮਣੇ ਆਉਣ ਵਾਲਾ ਹੈ।
ਇਟਲੀ ਵਿੱਚ ਪ੍ਰਵਾਸੀਆਂ ਦੀ ਗਿਣਤੀ 5 ਮਿਲੀਅਨ ਤੋਂ ਵੱਧ ਹੈ ਤੇ ਉਸ ਵਿੱਚ ਬਿਨ੍ਹਾਂ ਪੇਪਰ ਦੇ ਪ੍ਰਵਾਸੀਆਂ ਦੀ ਗਿਣਤੀ 5 ਲੱਖ ਤੋਂ ਵਧੇਰੇ ਹੈ।ਇਹ ਪ੍ਰਵਾਸੀ ਜਿਹਨਾਂ ਵਿੱਚ ਵਧੇਰੇ ਗਿਣਤੀ ਮੋਰੋਕੋ ਤੇ ਰੋਮਾਨੀਆ ਦੀ ਮੰਨੀ ਜਾਂਦੀ ਹੈ ਜਿਹੜੇ ਕਿ ਇਟਲੀ ਵਿੱਚ ਇੰਝ ਅਪਰਾਧਾਂ ਨੂੰ ਅੰਜਾਮ ਦਿੰਦੇ ਹਨ ਜਿਵੇਂ ਕਿ ਇਹ ਇਟਲੀ ਦੇ ਨਾਗਰਿਕ ਹੀ ਹੋਣ ਪਰ ਅਫ਼ਸੋਸ ਅਜਿਹੇ ਲੋਕਾਂ ਦੀਆਂ ਗਲਤੀਆਂ ਦਾ ਖਮਿਆਜ਼ਾ ਸਮੁੱਚੇ ਪ੍ਰਵਾਸੀ ਭਾਈਚਾਰੇ ਨੂੰ ਪਿੰਡੇ ਹੰਢਾਅਉਣਾ ਪੈ ਰਿਹਾ ਹੈ। ਇਟਲੀ ਦਾ ਮਸਹੂਰ ਸ਼ਹਿਰ ਮਿਲਾਨ, ਜਿਸ ਨੂੰ ਕਾਰੋਬਾਰ ਦਾ ਹੱਬ ਕਿਹਾ ਜਾਂਦਾ ਹੈ, ਇਸ ਸ਼ਹਿਰ ਵਿੱਚ ਜਿੱਥੇ ਦੁਨੀਆਂ ਦੇ ਸਭ ਤੋਂ ਵੱਧ ਕਰੋੜਪਤੀ ਰਹਿੰਦੇ ਹਨ, ਉੱਥੇ ਇਸ ਸ਼ਹਿਰ ਦਾ ਇਹ ਦੁਖਾਂਤ ਵੀ ਹੈ ਕਿ ਇੱਥੇ ਅਪਰਾਧ ਦੀ ਦਰ ਦੇਸ਼ ਵਿਚੋਂ ਸਭ ਤੋਂ ਵੱਧ ਹੈ, ਜਿਸ ਅਨੁਸਾਰ 100,000 ਨਿਵਾਸੀਆਂ ਤੇ 7,000 ਅਪਰਾਧ ਦਰਜ ਕੀਤੇ ਗਏ ਹਨ।
ਇਟਲੀ ਵਿੱਚ ਜਿਵੇਂ-ਜਿਵੇਂ ਪ੍ਰਵਾਸੀਆਂ ਦੀ ਗਿਣਤੀ ਨਿਰੰਤਰ ਵੱਧ ਰਹੀ ਹੈ ਉਸੇ ਤਰ੍ਹਾਂ ਹੀ ਇਟਲੀ ਵਿੱਚ ਪ੍ਰਵਾਸੀਆਂ ਵੱਲੋਂ ਅਨੇਕਾਂ ਤਰ੍ਹਾਂ ਦੇ ਅਪਰਾਧਾਂ ਨਾਲ ਸਰਕਾਰ ਤੇ ਪੁਲਸ ਪ੍ਰਸ਼ਾਸ਼ਨ ਨੂੰ ਇੱਕ ਵੱਡੀ ਚੁਣੌਤੀ ਦਿੱਤੀ ਜਾ ਰਹੀ ਹੈ ਜਿਸ ਤਹਿਤ ਸਰਕਾਰ ਤੇ ਪੁਲਸ ਪ੍ਰਸ਼ਾਸ਼ਨ ਗੁੱਸੇ ਨਾਲ ਭਰਿਆ ਪਿਆ ਹੈ ਕਿ ਇਹ ਪ੍ਰਵਾਸੀ ਇਟਲੀ ਆਉਂਦੇ ਤਾਂ ਭੱਵਿਖ ਬਿਹਤਰ ਕਰਨ ਲਈ ਹਨ ਪਰ ਇੱਥੇ ਆਕੇ ਇਹ ਲੋਕ ਇਟਲੀ ਦਾ ਮਾਹੌਲ ਖਰਾਬ ਕਰ ਇਟਾਲੀਅਨ ਲੋਕਾਂ ਦੀ ਸੁੱਰਖਿਆ ਲਈ ਵੱਡੀ ਮੁਸੀਬਤ ਬਣਦੇ ਨਜ਼ਰੀ ਆ ਰਹੇ ਹਨ, ਜਿਸ ਨੂੰ ਇਟਲੀ ਸਰਕਾਰ ਕਿਸੇ ਕੀਮਤ ਤੇ ਪ੍ਰਵਾਨ ਨਹੀ ਸਕੇਗੀ।ਅਪਰਾਧਕ ਬਿਰਤੀ ਦੇ ਪ੍ਰਵਾਸੀ ਇਹ ਨਹੀਂ ਸੋਚ ਰਹੇ ਕਿ ਇਟਲੀ ਉਹਨਾਂ ਦੇ ਸਿਰ ਉਪੱਰ ਛੱਤ ਤੇ 2 ਵਕਤ ਦਾ ਖਾਣਾ ਦੇ ਰਹੀ ਹੈ ਸਗੋਂ ਆਪਣੀਆਂ ਨਿੰਦਰਯੋਗ ਕਾਰਵਾਈਆਂ ਨਾਲ ਸ਼ਾਂਤਮਈ ਜ਼ਿੰਦਗੀ ਬਿਤਾ ਰਹੇ ਇਟਾਲੀਅਨ ਲੋਕਾਂ ਨੂੰ ਇੰਝ ਅਹਿਸਾਸ ਕਰਵਾ ਰਹੇ ਹਨ ਜਿਵੇਂ ਕਿ ਉਹ ਇਟਲੀ ਵਿੱਚ ਸ਼ਰਨਾਰਥੀ ਹਨ।
ਅਜਿਹੀਆਂ ਕੁਝ ਘਟਨਾਵਾਂ ਅਸੀਂ ਆਪਣੇ ਪਾਠਕਾਂ ਨਾਲ ਸਾਂਝੀਆਂ ਕਰ ਰਹੇ ਹਾਂ ਜਿਹੜੀਆਂ ਕਿ ਪਿਛਲੇ ਕੁਝ ਦਿਨਾਂ ਵਿੱਚ ਵਾਪਰੀਆਂ ਤੇ ਹਾਲੇ ਵੀ ਵਾਪਰ ਰਹੀਆਂ ਹਨ।ਇਸ ਹਫ਼ਤੇ ਹੀ ਇਟਲੀ ਦੇ ਲੰਬਾਰਦੀਆਂ ਸੂਬੇ ਦੇ ਸ਼ਹਿਰ ਬੈਰਗਾਮੋ ਵਿਖੇ ਪੁਲਸ ਨੇ ਇੱਕ ਬਿਨ੍ਹਾਂ ਪੇਪਰਾਂ ਦੇ 36 ਸਾਲਾ ਅਜਿਹੇ ਅਫ਼ਰੀਕੀ ਨੂੰ ਗ੍ਰਿਫ਼ਤਾਰ ਕੀਤਾ ਜਿਸ ਨੇ 5-6 ਮਹੀਨੇ ਦੀ ਗਰਭਵਤੀ ਇਟਾਲੀਅਨ ਔਰਤ ਨੂੰ ਬੁਰੀ ਤਰ੍ਹਾਂ ਲੱਤਾਂ ਅਤੇ ਮੁੱਕਿਆ ਨਾਲ ਕੁੱਟਿਆ ਤੇ ਉਸ ਦਾ ਪਰਸ ਖੋਹ ਕੇ ਭੱਜ ਗਿਆ।ਇਸ ਹਫ਼ਤੇ ਹੀ ਮਿਲਾਨ ਇਲਾਕੇ ਵਿੱਚ ਇੱਕ ਪ੍ਰਵਾਸੀ ਨੌਜਵਾਨ ਪਹਿਲਾਂ ਇੱਕ ਇਟਾਲੀਅਨ ਦੇ ਘਰ ਵੜ੍ਹਨ ਦੀ ਕੋਸਿ਼ਸ ਕਰਦਾ ਹੈ ਤੇ ਬਾਅਦ ਵਿੱਚ ਇੱਕ ਲੋਹੇ ਦੀ ਰਾਡ ਲੈਕੇ ਸੜਕ ਵਿੱਚ ਰਾਹਗੀਰਾਂ ਨੂੰ ਘੇਰਦਾ ਹੈ ਤੇ ਮਾਰਨ ਦੀ ਧਮਕੀ ਦਿੰਦਾ ਹੈ। ਇਸ ਸਥਿਤੀ ਨੂੰ ਕਾਬੂ ਕਰਨ ਲਈ ਪੁਲਸ ਵੱਲੋਂ ਤੁਰੰਤ ਐਕਸ਼ਨ ਲਿਆ ਗਿਆ ਤੇ ਹੁਣ ਉਹ ਪ੍ਰਵਾਸੀ ਸਲਾਖਾਂ ਪਿੱਛੇ ਹੈ।ਇੱਕ ਅਜਿਹੀ ਹੀ ਹੋਰ ਘਟਨਾ ਜਿਸ ਵਿੱਚ ਇੱਕ ਪ੍ਰਵਾਸੀ ਕੱਪੜੇ ਲਾਹ ਕੇ ਲੋਹੇ ਦੀ ਇੱਕ ਲੰਬੀ ਪੱਤੀ ਨਾਲ ਲੋਕਾਂ ਨੂੰ ਡਰਾਉਣ ਦੀ ਕੋਸਿ਼ਸ ਕਰਦਾ ਹੈ ਤੇ ਇੱਕ ਘਟਨਾ ਨੂੰ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਇਟਲੀ ਦੇ ਉਪ-ਪ੍ਰਧਾਨ ਮੰਤਰੀ ਸਲਵੀਨੀ ਨੇ ਉਚੇਚੇ ਤੌਰ ਤੇ ਸਾਂਝਾ ਕਰਦਿਆਂ ਕਿਹਾ ਕਿ ਇਹ ਰਵੱਈਆ ਅਸਵੀਕਾਰਯੋਗ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਣਜੀ ਦੀ ਇੱਛਾ ਪੂਰਾ ਕਰਨ ਲਈ ਮਾਮੇ ਨੇ ਬਾਜ਼ 'ਤੇ ਲੁਟਾ'ਤੇ 4 ਕਰੋੜ !
ਬੀਤੇ ਦਿਨੀਂ ਇੱਕ 42 ਸਾਲਾ ਬੰਗਲਾਦੇਸ਼ੀ ਨੇ 13 ਸਾਲਾ ਦੀ ਨਾਬਾਲਗ ਨਾਲ ਜਬਰ ਜਿਨਾਹ ਕੀਤਾ ਪਰ ਸਥਾਨਕ ਅਦਾਲਤ ਨੇ ਰਹੱਸਮਈ ਢੰਗ ਨਾਲ ਦੋਸ਼ੀ ਨੂੰ ਛੱਡ ਦਿੱਤਾ, ਜਿਸ ਕਾਰਨ ਸਥਾਨਕ ਲੋਕਾਂ ਨੇ ਸੜਕਾਂ ਤੇ ਉੱਤਰ ਨੇ ਇਸ ਫੈਸਲੇ ਦਾ ਵਿਰੋਧ ਕੀਤਾ ਤੇ ਦੋਸ਼ੀ ਲਈ ਸਖ਼ਤ ਸਜਾ ਦੀ ਮੰਗ ਕੀਤੀ।ਲਾਤੀਨਾ ਇਲਾਕੇ ਵਿੱਚ ਬਿਨ੍ਹਾਂ ਪੇਪਰਾਂ ਦੇ ਰਹਿ ਰਹੇ 2 ਭਾਰਤੀਆਂ ਨੇ ਇੱਕ ਬਜੁਰਗ ਇਟਾਲੀਅਨ ਨੂੰ ਦਿਨੇ ਹੀ ਲੁੱਟ ਲਿਆ,ਹੋਰ ਵੀ ਅਨੇਕਾਂ ਅਜਿਹੀਆਂ ਘਟਨਾਵਾਂ ਕੁਝ ਪ੍ਰਵਾਸੀਆਂ ਨੇ ਇਟਲੀ ਭਰ ਵਿੱਚ ਅਜਿਹੀਆਂ ਕੀਤੀਆਂ ਜਿਹੜੀਆਂ ਕਿ ਇਟਲੀ ਦੇ ਲੋਕਾਂ ਨੂੰ ਇਹ ਸੋਚਣ ਲਈ ਮਜ਼ਬੂਰ ਕਰ ਦਿੱਤੀ ਹੈ ਕਿ ਇਹਨਾਂ ਪ੍ਰਵਾਸੀਆਂ ਖਾਸਕਰ ਗੈਰ-ਕਾਨੂੰਨੀਆਂ ਨੂੰ ਸਰਕਾਰ ਕਿਉਂ ਦੇਸ਼ ਵਿੱਚੋ ਬਾਹਰ ਕਰਨ ਲਈ ਸਖਤੀ ਨਹੀਂ ਕਰਦੀ ਜਦੋਂ ਕਿ ਇਹ ਪ੍ਰਵਾਸੀ ਜਿਹਨਾਂ ਵਿੱਚ ਹਜ਼ਾਰਾਂ ਸਿਆਸੀ ਸ਼ਰਨ ਮੰਗ ਰਹੇ ਹਨ, ਉਹਨਾਂ ਨੂੰ ਇਟਲੀ ਵਿੱਚ ਰਹਿਣ ਦੇ ਰਹੀ ਹੈ। ਇਟਲੀ ਸਰਕਾਰ ਪ੍ਰਵਾਸੀਆਂ ਦੀ ਅਜਿਹੀਆਂ ਗੈਰ-ਕਾਨੂੰਨੀ ਗਤੀਵਿਧੀਆਂ ਕਾਰਨ ਹੀ ਸ਼ਾਇਦ ਹੁਣ ਸਿਆਸੀ ਸ਼ਰਨ ਮੰਗਣ ਵਾਲੇ ਪ੍ਰਵਾਸੀਆਂ ਦੀ ਬਹੁਤ ਬਾਰੀਕੀ ਨਾਲ ਪੁਣ-ਛਾਣ ਕਰਨ ਲੱਗੀ ਹੈ ਜਿਸ ਕਾਰਨ ਗਲਤੀ ਕੁਝ ਲੋਕਾਂ ਦੀ ਖਮਿਆਜ਼ਾ ਸਭ ਨੂੰ ਭੁਗਣਤਾ ਪੈ ਰਿਹਾ ਹੈ।ਹਾਲ ਵਿੱਚ ਇਟਲੀ ਸਰਕਾਰ ਨੇ ਲਾਸੀਓ ਸੂਬੇ ਦੇ ਫਰੋਜੀਨੋਨੇ ਜਿ਼ਲ੍ਹੇ ਤੋਂ ਇੱਕ ਅਜਿਹੇ ਭਾਰਤੀ ਨੂੰ ਡਿਪੋਰਟ ਕੀਤਾ ਜਿਹੜਾ ਕਿ ਲੁੱਟਾਂ ਤੇ ਚੋਰੀ ਵਰਗੇ ਸੰਗੀਨ ਜੁਰਮਾ ਦਾ ਦੋਸ਼ੀ ਸੀ।ਕਿਆਸੇ ਲਗਾਏ ਜਾ ਰਹੇ ਹਨ ਕਿ ਸਰਕਾਰ ਉਹਨਾਂ ਸਭ ਅਪਰਾਧੀਆਂ ਨੂੰ ਘਰ ਦਾ ਰਾਹ ਜਲਦ ਦਿਖਾ ਸਕਦੀ ਹੈ ਜਿਹੜੇ ਕਿ ਇਟਲੀ ਦੇ ਕਾਨੂੰਨ ਦਾ ਸਤਿਕਾਰ ਨਹੀਂ ਕਰਦੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮੇਰੀਆਂ ਭੈਣਾਂ ਇੱਕ ਪਲ 'ਚ ਮੇਰੇ ਤੋਂ ਵਿਛੜ ਗਈਆਂ: ਨੇਪਾਲ ਦੇ ਹੜ੍ਹਾਂ ਤੋਂ ਬਚੇ ਕਿਸ਼ੋਰ ਦੀ ਹੱਡ ਬੀਤੀ
NEXT STORY 
