ਲੰਡਨ: ਬ੍ਰਿਟੇਨ ਵਿਚ ਵਿਆਹ ਦੇ 4 ਦਿਨ ਬਾਅਦ ਲਾੜੀ ਦੀ ਲਾਸ਼ ਸੂਟਕੇਸ ਵਿਚੋਂ ਮਿਲਣ ਨਾਲ ਹੜਕੰਪ ਮਚ ਗਿਆ ਹੈ। ਇਸ ਮਾਮਲੇ ਵਿਚ ਪੁਲਸ ਨੇ ਲਾੜੀ ਦੇ ਪਤੀ ਨੂੰ ਸ਼ੱਕ ਦੇ ਆਧਾਰ ’ਤੇ ਗ੍ਰਿਫ਼ਤਾਰ ਕੀਤਾ ਹੈ। ਇਕ ਅੰਗਰੇਜ਼ੀ ਦੀ ਵੈਬਸਾਈਟ ‘ਦਿ ਸਨ ਯੂ.ਕੇ.’ ਮੁਤਾਬਕ 52 ਸਾਲਾ ਲਾੜੀ, ਜਿਸ ਦਾ ਨਾਮ ਡੌਨ ਵਾਕਰ ਹੈ, ਨੇ 45 ਸਾਲ ਦੇ ਥਾਮਸ ਨੱਟ ਨਾਮ ਦੇ ਵਿਅਕਤੀ ਨਾਲ ਲੰਘੇ ਬੁੱਧਵਾਰ ਨੂੰ ਵਿਆਹ ਰਚਾਇਆ ਸੀ ਪਰ ਵਿਆਹ ਦੇ 4 ਦਿਨ ਬਾਅਦ ਵਾਕਰ ਦੀ ਲਾਸ਼ ਇਕ ਮੈਦਾਨ ਵਿਚੋਂ ਪਏ ਸੂਟਕੇਟ ਵਿਚੋਂ ਬਰਾਮਦ ਹੋਈ। ਕਥਿਤ ਤੌਰ ’ਤੇ ਉਸ ਦਾ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ : 13 ਸਾਲਾ ਮੁੰਡੇ ਨੇ 6 ਸਾਲਾ ਬੱਚੀ ਨਾਲ ਕੀਤਾ ਜਬਰ-ਜ਼ਿਨਾਹ, ਫਿਰ ਦਿੱਤੀ ਦਰਦਨਾਕ ਮੌਤ
ਵਿਆਹ ਵਿਚ ਆਏ ਮਹਿਮਾਨਾਂ ਨੇ ਦੱਸਿਆ ਕਿ ਜੋੜੇ ਨੇ ਜਨਵਰੀ 2020 ਵਿਚ ਮੰਗਣੀ ਕਰਨ ਦੇ ਬਾਅਦ ਆਖ਼ਿਰਕਾਰ ਪਿਛਲੇ ਹਫ਼ਤੇ ਬੁੱਧਵਾਰ ਵਾਲੇ ਦਿਨ ਇਕ ਰਜਿਸਟਰੀ ਦਫ਼ਤਰ ਵਿਚ ਵਿਆਹ ਰਚਾਇਆ ਸੀ, ਜਿਸ ਵਿਚ ਦੋਵਾਂ ਦੇ ਰਿਸ਼ਤੇਦਾਰ ਅਤੇ ਦੋਸਤ ਸ਼ਾਮਲ ਹੋਏ। ਵਾਕਰ ਦੇ ਪਹਿਲਾਂ ਤੋਂ 2 ਬੱਚੇ ਸਨ। ਇਕ ਮਹਿਮਾਨ ਨੇ ਕਿਹਾ, ‘ਵਾਕਰ ਅਤੇ ਥਾਮਸ ਦੋਵੇਂ ਇਕ-ਦੂਜੇ ਨੂੰ ਬਹੁਤ ਪਿਆਰ ਕਰਦੇ ਸਨ, ਮੈਨੂੰ ਭਰੋਸਾ ਨਹੀਂ ਹੋ ਰਿਹਾ ਹੈ ਕਿ ਅਚਾਨਕ ਕੀ ਹੋ ਗਿਆ।’ ਉਥੇ ਹੀ ਵਾਕਰ ਦੀ 49 ਸਾਲਾ ਭੈਣ ਲਿਸਾ ਵਾਕਰ ਨੇ ਕਿਹਾ, ‘ਮੇਰਾ ਦਿਲ ਟੁੱਟ ਗਿਆ ਹੈ।’ ਇਸ ਘਟਨਾ ਨੂੰ ਲੈ ਕੇ ਵੈਸਟ ਯਾਰਕਸ਼ਾਇਰ ਪੁਲਸ ਦੇ ਬੁਲਾਰੇ ਨੇ ਕਿਹਾ ਅਸੀਂ ਪੁਸ਼ਟੀ ਕਰਦੇ ਹਾਂ ਕਿ ਹੈਲੀਫੈਕਸ ਵਿਚ ਇਕ ਮਹਿਲਾ ਦੀ ਲਾਸ਼ ਮਿਲੀ ਹੈ। ਮਾਮਲੇ ਵਿਚ ਇਕ 45 ਸਾਲਾ ਸ਼ਖ਼ਸ ਨੂੰ ਕਤਲ ਦੇ ਸ਼ੱਕ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ। ਫਿਲਹਾਲ ਜਾਂਚ ਜਾਰੀ ਹੈ।
ਇਹ ਵੀ ਪੜ੍ਹੋ : ਜਦੋਂ ਇਜ਼ਰਾਇਲੀ PM ਨੇ ਮੋਦੀ ਨੂੰ ਕਿਹਾ, ‘ਤੁਸੀਂ ਇੱਥੇ ਬਹੁਤ ਲੋਕਪ੍ਰਿਯ ਹੋ, ਮੇਰੀ ਪਾਰਟੀ ’ਚ ਸ਼ਾਮਲ ਹੋ ਜਾਓ’ (ਵੀਡੀਓ)
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਅਮਰੀਕਾ 'ਚ 8 ਨਵੰਬਰ ਤੋਂ 5 ਸਾਲ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਲੱਗੇਗੀ ਵੈਕਸੀਨ, ਫਾਈਜ਼ਰ ਨੂੰ ਮਨਜ਼ੂਰੀ
NEXT STORY 
