ਵਾਸ਼ਿੰਗਟਨ (ਬਿਊਰੋ): ਭਾਰਤੀ ਮੂਲ ਦੇ ਆਈ.ਟੀ. ਮਾਹਰ ਨੰਦ ਮੂਲਚੰਦਾਨੀ ਨੂੰ ਅਮਰੀਕਾ 'ਚ ਸੈਂਟਰਲ ਇੰਟੈਲੀਜੈਂਸ ਏਜੰਸੀ (ਸੀ.ਆਈ.ਏ.) ਦਾ ਮੁੱਖ ਤਕਨਾਲੋਜੀ ਅਧਿਕਾਰੀ ਨਿਯੁਕਤ ਕੀਤਾ ਗਿਆ ਹੈ। ਸੀਆਈਏ ਦੇ ਡਾਇਰੈਕਟਰ ਵਿਲੀਅਮ ਜੇ ਬਰਨਜ਼ ਨੇ ਇਹ ਐਲਾਨ ਕੀਤਾ। ਕੇਂਦਰੀ ਜਾਂਚ ਏਜੰਸੀ ਮੁਤਾਬਕ ਮੂਲਚੰਦਾਨੀ ਨੂੰ ਸਿਲੀਕਾਨ ਵੈਲੀ 'ਚ ਕੰਮ ਕਰਨ ਦਾ ਲੰਬਾ ਤਜਰਬਾ ਹੈ।ਮੂਲਚੰਦਾਨੀ ਨੇ ਕਾਰਨੇਲ ਤੋਂ ਕੰਪਿਊਟਰ ਵਿਗਿਆਨ ਅਤੇ ਗਣਿਤ ਵਿੱਚ ਡਿਗਰੀਆਂ, ਸਟੈਨਫੋਰਡ ਤੋਂ ਪ੍ਰਬੰਧਨ ਵਿੱਚ ਵਿਗਿਆਨ ਦੀ ਡਿਗਰੀ ਅਤੇ ਹਾਰਵਰਡ ਤੋਂ ਜਨਤਕ ਪ੍ਰਸ਼ਾਸਨ ਵਿੱਚ ਮਾਸਟਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ। ਉਹਨਾਂ ਨੇ 1979 ਤੋਂ 1987 ਤੱਕ ਬਲੂਬੈਲ ਸਕੂਲ ਇੰਟਰਨੈਸ਼ਨਲ, ਦਿੱਲੀ ਵਿੱਚ ਪੜ੍ਹਾਈ ਕੀਤੀ।
ਸੀਆਈਏ ਦੇ ਅਨੁਸਾਰ ਮੂਲਚੰਦਾਨੀ ਨੂੰ ਸਿਲੀਕਾਨ ਵੈਲੀ ਵਿੱਚ 25 ਸਾਲਾਂ ਤੋਂ ਵੱਧ ਦਾ ਲੰਬਾ ਤਜਰਬਾ ਹੈ। ਸੀਆਈਏ ਦੇ ਡਾਇਰੈਕਟਰ ਵਿਲੀਅਮ ਜੇ ਬਰਨਜ਼ ਨੇ ਘੋਸ਼ਣਾ ਕੀਤੀ ਹੈ ਕਿ ਉਨ੍ਹਾਂ ਨੂੰ ਕੇਂਦਰੀ ਖੁਫੀਆ ਏਜੰਸੀ (ਸੀਆਈ) ਦੇ ਮੁੱਖ ਤਕਨਾਲੋਜੀ ਅਧਿਕਾਰੀ ਵਜੋਂ ਨਿਯੁਕਤ ਕੀਤਾ ਗਿਆ ਹੈ।ਅਮਰੀਕੀ ਖੁਫੀਆ ਏਜੰਸੀ ਸੀਆਈਏ ਵੱਲੋਂ ਜਾਰੀ ਪ੍ਰੈਸ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਮੂਲਚੰਦਾਨੀ ਕੋਲ ਸੀਆਈਏ ਦਾ ਕਾਫੀ ਤਜ਼ਰਬਾ ਹੈ। ਮੂਲਚੰਦਾਨੀ ਇਹ ਯਕੀਨੀ ਬਣਾਉਣਗੇ ਕਿ ਸੀਆਈਏ ਆਪਣੇ ਸੰਚਾਲਨ ਵਿੱਚ ਆਧੁਨਿਕ ਤਕਨੀਕ ਦਾ ਲਾਭ ਉਠਾ ਸਕੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੋਵਿਡ-19 : ਨਿਊਜ਼ੀਲੈਂਡ 'ਚ ਓਮੀਕਰੋਨ BA.4 ਵੇਰੀਐਂਟ ਦਾ ਦੂਜਾ ਮਾਮਲਾ ਦਰਜ
ਨੰਦ ਮੂਲਚੰਦਾਨੀ ਨੇ ਆਪਣੀ ਨਿਯੁਕਤੀ ਬਾਰੇ ਕਿਹਾ ਕਿ ਉਹ ਸੀਆਈਏ ਵਿੱਚ ਸ਼ਾਮਲ ਹੋ ਕੇ ਮਾਣ ਮਹਿਸੂਸ ਕਰ ਰਹੇ ਹਨ। ਉਹ ਖੇਤਰ ਵਿੱਚ ਸ਼ਾਨਦਾਰ ਤਕਨੋਲੋਜਿਸਟ ਅਤੇ ਮਾਹਰਾਂ ਨਾਲ ਕੰਮ ਕਰਨ ਦੀ ਉਮੀਦ ਰੱਖਦੇ ਹਨ।ਗੌਰਤਲਬ ਹੈ ਕਿ ਸੀਆਈਏ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਮੂਲਚੰਦਾਨੀ ਨੇ ਹਾਲ ਹੀ ਵਿੱਚ ਡੀਓਡੀ ਦੇ ਸੰਯੁਕਤ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਸੈਂਟਰ ਦੇ ਸੀਟੀਓ ਅਤੇ ਕਾਰਜਕਾਰੀ ਨਿਰਦੇਸ਼ਕ ਵਜੋਂ ਸੇਵਾ ਕੀਤੀ ਸੀ। ਉਹ ਕਈ ਸਫਲ ਸਟਾਰਟਅੱਪਸ ਓਬਲਿਕਸ (ਓਰੇਕਲ ਦੁਆਰਾ ਐਕੁਆਇਰ), ਡਿਟਰਮੀਨਾ (ਵੀਐਮਵੇਅਰ ਦੁਆਰਾ ਐਕੁਆਇਰ), ਓਪਨਡੀਐਨਐਸ (ਸਿਸਕੋ ਦੁਆਰਾ ਐਕੁਆਇਰ) ਅਤੇ ਸਕੇਲਐਕਸਟ੍ਰੀਮ (ਸਿਟਰਿਕਸ ਦੁਆਰਾ ਐਕੁਆਇਰ) ਦੇ ਸਹਿ-ਸੰਸਥਾਪਕ ਅਤੇ ਸੀਈਓ ਵੀ ਸਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੋਵਿਡ-19 : ਨਿਊਜ਼ੀਲੈਂਡ 'ਚ ਓਮੀਕਰੋਨ BA.4 ਵੇਰੀਐਂਟ ਦਾ ਦੂਜਾ ਮਾਮਲਾ ਦਰਜ
NEXT STORY 
