ਜਕਾਰਤਾ (ਬਿਊਰੋ)— ਇੰਡੋਨੇਸ਼ੀਆ ਦਾ ਦਿਲ ਨੂੰ ਦਹਿਲਾ ਦੇਣ ਵਾਲਾ ਇਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਪੱਛਮੀ ਸੁਲਾਵੇਸੀ ਸੂਬੇ ਦੇ ਤੋਰਨਾ ਲੀਮਾ ਪਿੰਡ ਦੀ 14 ਮਹੀਨੇ ਦੀ ਬੱਚੀ ਹਦੀਜਾ ਹੌਰਾ ਰੋਜ਼ ਡੇਢ ਲੀਟਰ ਕੌਫੀ ਦੇ ਸਹਾਰੇ ਜ਼ਿੰਦਗੀ ਜੀਅ ਰਹੀ ਹੈ। ਉਸ ਦੇ ਮਾਤਾ-ਪਿਤਾ ਇੰਨੇ ਗਰੀਬ ਹਨ ਕਿ ਉਹ ਦੁੱਧ ਨਹੀਂ ਖਰੀਦ ਸਕਦੇ। ਹਦੀਜਾ ਨੂੰ ਉਸ ਦੇ ਮਾਪਿਆਂ ਨੇ 6 ਮਹੀਨੇ ਦੀ ਉਮਰ ਤੋਂ ਹੀ ਦੁੱਧ ਦੇ ਵਿਕਲਪ ਦੇ ਤੌਰ 'ਤੇ ਕੌਫੀ ਦੇਣੀ ਸ਼ੁਰੂ ਕਰ ਦਿੱਤੀ ਸੀ। ਉਹ ਦਿਨ ਵਿਚ ਤਿੰਨ ਬੇਬੀ ਬੋਤਲ ਕੌਫੀ ਪੀ ਲੈਂਦੀ ਹੈ ਮਤਲਬ ਡੇਢ ਲੀਟਰ।
ਇਸ ਲਈ ਉਹ ਬਰੂ ਕੀਤੀ ਕੌਫੀ ਖਰੀਦਦੇ ਹਨ। ਬੱਚੀ ਦੀ ਇਸ ਖਬਰ ਨਾਲ ਪੂਰੇ ਏਸ਼ੀਆ ਦੇ ਲੱਖਾਂ ਲੋਕ ਹੈਰਾਨ ਹਨ ਕਿਉਂਕਿ ਬੱਚਿਆਂ ਲਈ ਕੌਫੀ ਬਹੁਤ ਨੁਕਸਾਨਦਾਇਕ ਹੁੰਦੀ ਹੈ। ਮੀਡੀਆ ਵਿਚ ਖਬਰ ਆਉਣ ਦੇ ਬਾਅਦ ਪੋਲੇਵੇਸੀ ਹੈਲਥ ਏਜੰਸੀ ਨੇ ਬੱਚੀ ਦੇ ਪਿੰਡ ਜਾ ਕੇ ਉਸ ਦੇ ਮਾਤਾ-ਪਿਤਾ ਨਾਲ ਮੁਲਾਕਾਤ ਕੀਤੀ ਅਤੇ ਕੌਫੀ ਨਾ ਪਿਲਾਉਣ ਦੀ ਅਪੀਲ ਕੀਤੀ। ਇਸ ਦੌਰਾਨ ਉਹ ਬੱਚੀ ਲਈ ਦੁੱਧ ਅਤੇ ਬਿਸਕੁੱਟ ਵੀ ਲੈ ਕੇ ਗਏ।
ਬੱਚੀ ਦੀ ਮਾਂ ਅਨੀਤਾ ਦਾ ਕਹਿਣਾ ਹੈ,''ਸਾਡੇ ਕੋਲ ਦੂਜਾ ਕੋਈ ਵਿਕਲਪ ਨਹੀਂ ਹੈ। ਸਾਡੀ ਆਮਦਨ ਇੰਨੀ ਘੱਟ ਹੈ ਕਿ ਅਸੀਂ ਦੁੱਧ ਜਿਹੀ ਜ਼ਰੂਰੀ ਚੀਜ਼ ਨਹੀਂ ਖਰੀਦ ਸਕਦੇ। ਪਤੀ ਜੋ ਵੀ ਕਮਾ ਕੇ ਲਿਆਉਂਦਾ ਹੈ ਉਸ ਨਾਲ ਕਿਸੇ ਤਰ੍ਹਾਂ ਬੱਸ ਘਰ ਦਾ ਗੁਜਾਰਾ ਚੱਲਦਾ ਹੈ। ਅਜਿਹੇ ਵਿਚ ਸਾਨੂੰ ਆਪਣੀ ਬੱਚੀ ਨੂੰ ਕੌਫੀ ਹੀ ਪਿਲਾਉਣੀ ਪੈਂਦੀ ਹੈ। ਇਹ ਸਸਤੀ ਹੈ। ਬੱਚੀ ਨੂੰ ਵੀ ਇਸ ਦੀ ਆਦਤ ਹੋ ਗਈ ਹੈ। ਕੌਫੀ ਨਾ ਮਿਲਣ 'ਤੇ ਉਹ ਰੋਂਦੀ ਹੈ।'' ਬੱਚੀ ਦੇ ਪਿਤਾ ਸਰੀਫੁਦੀਨ ਨੇ ਦੱਸਿਆ,''ਉਹ ਰੋਜ਼ਾ ਸੁੱਕੇ ਨਾਰੀਅਲ ਦਾ ਕੰਮ ਕਰਦੇ ਹਨ। ਇਸ ਨਾਲ ਰੋਜ਼ਾਨਾ 100 ਰੁਪਏ ਤੱਕ ਦੀ ਹੀ ਮਜ਼ਦੂਰੀ ਮਿਲ ਪਾਉਂਦੀ ਹੈ। ਇਸ ਵਿਚ ਘਰ ਦੀਆਂ ਜ਼ਰੂਰੀ ਚੀਜ਼ਾਂ ਹੀ ਆ ਪਾਉਂਦੀਆਂ ਹਨ। ਕਦੇ-ਕਦੇ ਜਦੋਂ ਕੰਮ ਨਹੀਂ ਮਿਲਦਾ ਉਦੋਂ ਤੁਰਬੁਕ ਕੌਫੀ (ਗਰਮ ਪਾਣੀ ਵਿਚ ਕੌਫੀ ਅਤੇ ਸ਼ੱਕਰ ਪਾ ਕੇ ਤਿਆਰ ਕੀਤਾ ਗਿਆ ਤਰਲ) ਬਣਾ ਕੇ ਬੱਚੀ ਨੂੰ ਪਿਲਾਉਂਦੇ ਹਾਂ। ਬੇਟੀ ਆਰਾਮ ਨਾਲ ਇਸ ਨੂੰ ਪੀਂ ਲੈਂਦੀ ਹੈ।''
ਤੋਰਨਾ ਲੀਮਾ ਪਿੰਡ ਦੇ ਇਸ ਬਾਰੇ ਵਿਚ ਖੁਰਾਕ ਮਾਹਰ ਅਤੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਕੌਫੀ ਬੱਚਿਆਂ ਲਈ ਬਹੁਤ ਨੁਕਸਾਨ ਦਾਇਕ ਹੈ। ਖਾਸ ਕਰ ਕੇ 5 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ। ਬੱਚੀ ਦੇ ਮਾਪੇ ਹਸਪਤਾਲ ਆਏ ਸਨ ਕਿਉਂਕਿ ਉਹ ਦੇਰ ਰਾਤ ਖੁਦ ਨਾਲ ਹੀ ਖੇਡਦੀ ਰਹਿੰਦੀ ਸੀ ਅਤੇ ਸੌਂਦੀ ਨਹੀਂ ਸੀ। ਉਦੋਂ ਡਾਕਟਰਾਂ ਨੇ ਬੱਚੀ ਨੂੰ ਕੌਫੀ ਪਿਲਾਉਣ ਤੋਂ ਮਨਾ ਕੀਤਾ ਸੀ। ਜਿੰਨੀ ਕੌਫੀ ਬੱਚੀ ਇਕ ਦਿਨ ਵਿਚ ਪੀਂਦੀ ਹੈ ਉਨੀ ਬਾਲਗਾਂ ਨੂੰ ਦੇਣ ਵੀ ਸਲਾਹ ਨਹੀਂ ਦਿੱਤੀ ਜਾਂਦੀ ਕਿਉਂਕਿ ਕੈਫੀਨ ਦਾ ਅਸਰ ਸਰੀਰ 'ਤੇ ਪੈਂਦਾ ਹੈ। ਭਾਵੇਂਕਿ ਹਦੀਜਾ ਨੂੰ 8 ਮਹੀਨੇ ਤੋਂ ਸਿਹਤ ਸਬੰਧੀ ਕੋਈ ਸਮੱਸਿਆ ਨਹੀਂ ਹੋਈ ਹੈ।
'ਸਿੱਖਸ ਆਫ ਅਮਰੀਕਾ' ਸੰਸਥਾ ਤੇ PM ਮੋਦੀ ਦੀ ਮਿਲਣੀ ਨੇ ਸਿਰਜਿਆ ਇਤਿਹਾਸ
NEXT STORY