ਤੇਲ ਅਵੀਵ (ਏਪੀ) ਈਰਾਨ-ਇਜ਼ਰਾਈਲ ਵਿਚਾਲੇ ਜਾਰੀ ਜੰਗ ਦਾ ਅੱਜ 12ਵਾਂ ਦਿਨ ਹੈ। ਦੋਵੇਂ ਧਿਰਾਂ ਵਿਨਾਸ਼ਕਾਰੀ ਹਥਿਆਰਾਂ ਦੀ ਵਰਤੋ ਕਰ ਰਹੀਆਂ ਹਨ, ਜਿਸ ਵਿਚ ਭਾਰੀ ਜਾਨੀ-ਮਾਲੀ ਨੁਕਸਾਨ ਹੋ ਰਿਹਾ ਹੈ। ਹੁਣ ਇਜ਼ਰਾਈਲ ਨੇ ਕਿਹਾ ਹੈ ਕਿ ਈਰਾਨ ਨੇ 10 ਦਿਨਾਂ ਦੀ ਜੰਗ ਦੌਰਾਨ ਕਲੱਸਟਰ ਬੰਬਾਂ ਦੀ ਵਰਤੋਂ ਲਗਾਤਾਰ ਕੀਤੀ ਹੈ। ਈਰਾਨ ਦੇ ਇਸ ਕਦਮ ਨਾਲ ਇਜ਼ਰਾਈਲ ਦੀ ਹਵਾਈ ਰੱਖਿਆ ਲਈ ਇੱਕ ਗੁੰਝਲਦਾਰ ਅਤੇ ਘਾਤਕ ਚੁਣੌਤੀ ਖੜੀ ਹੋ ਗਈ ਹੈ।
ਜਾਣੋ ਕਲੱਸਟਰ ਬੰਬ ਕਿੰਨਾ ਖ਼ਤਰਨਾਕ
ਕਲੱਸਟਰ ਬੰਬ ਉੱਚੀ ਉਚਾਈ 'ਤੇ ਫਟਦੇ ਹਨ, ਜਿਸ ਵਿਚੋਂ ਕਈ ਛੋਟੇ ਬੰਬ ਨਿਕਲਦੇ ਹਨ ਜੋ ਇੱਕ ਵੱਡੇ ਖੇਤਰ ਵਿੱਚ ਫੈਲ ਜਾਂਦੇ ਹਨ। ਇਹ ਬੰਬ ਜ਼ਮੀਨ 'ਤੇ ਬਿਨਾਂ ਫਟਣ ਦੇ ਪਏ ਰਹਿ ਸਕਦੇ ਹਨ ਅਤੇ ਕਿਸੇ ਵੀ ਸਮੇਂ ਫਟ ਸਕਦੇ ਹਨ। ਇਹ ਬੰਬ ਕਿਸੇ ਇੱਕ ਨਿਸ਼ਾਨੇ 'ਤੇ ਨਹੀਂ, ਸਗੋਂ ਕਈ ਕਿਲੋਮੀਟਰ ਦੇ ਖੇਤਰ ਵਿੱਚ ਫੈਲ ਜਾਂਦੇ ਹਨ, ਜਿਸ ਨਾਲ ਨਾਗਰਿਕਾਂ ਦੇ ਮਾਰੇ ਜਾਣ ਦਾ ਖ਼ਤਰਾ ਬਹੁਤ ਜ਼ਿਆਦਾ ਹੁੰਦਾ ਹੈ। ਇਹਨਾਂ ਵਿੱਚੋਂ ਕਈ ਛੋਟੇ ਬੰਬ ਕਈ ਵਾਰ ਤੁਰੰਤ ਨਹੀਂ ਫਟਦੇ ਅਤੇ ਜ਼ਮੀਨ 'ਤੇ ਪਏ ਰਹਿੰਦੇ ਹਨ। ਇਹ ਸਾਲਾਂ ਤੱਕ ਇੱਕ ਲੁਕੇ ਹੋਏ "ਬਾਰੂਦੀ ਸੁਰੰਗ" ਵਾਂਗ ਕੰਮ ਕਰਦੇ ਹਨ, ਜੋ ਬਾਅਦ ਵਿੱਚ ਕਿਸੇ ਵੀ ਆਮ ਨਾਗਰਿਕ ਜਾਂ ਬੱਚੇ ਲਈ ਮੌਤ ਦਾ ਕਾਰਨ ਬਣ ਸਕਦੇ ਹਨ।
ਇਹ ਛੋਟੇ ਬੰਬ ਰਾਤ ਨੂੰ ਸੰਤਰੀ ਰੰਗ ਦੇ ਅੱਗ ਦੇ ਗੋਲਿਆਂ ਵਾਂਗ ਦਿਖਾਈ ਦਿੰਦੇ ਹਨ ਅਤੇ ਇਨ੍ਹਾਂ ਨੂੰ ਹਵਾ ਵਿੱਚ ਰੋਕਣਾ ਜਾਂ ਖੋਜਣਾ ਮੁਸ਼ਕਲ ਹੁੰਦਾ ਹੈ। ਇਨ੍ਹਾਂ ਦੀ ਵਰਤੋਂ ਜ਼ਮੀਨ 'ਤੇ ਮੌਜੂਦ ਸੈਨਿਕਾਂ, ਵਾਹਨਾਂ ਅਤੇ ਬੁਨਿਆਦੀ ਢਾਂਚਿਆਂ ਨੂੰ ਤਬਾਹ ਕਰਨ ਲਈ ਕੀਤੀ ਜਾਂਦੀ ਹੈ।ਇਹ ਕਲੱਸਟਰ ਬੰਬ ਘਾਤਕ ਸਾਬਤ ਹੋਏ ਹਨ। 2008 ਦੇ ਇਕ ਅੰਤਰਰਾਸ਼ਟਰੀ ਸੰਮੇਲਨ ਦੇ ਤਹਿਤ 120 ਤੋਂ ਵੱਧ ਦੇਸ਼ਾਂ ਨੇ ਇਸ ਦੀ ਵਰਤੋਂ 'ਤੇ ਪਾਬੰਦੀ ਲਗਾਈ ਹੈ। ਹਾਲਾਂਕਿ ਅਮਰੀਕਾ, ਰੂਸ, ਚੀਨ, ਇਜ਼ਰਾਈਲ ਅਤੇ ਈਰਾਨ ਵਰਗੇ ਦੇਸ਼ ਵਿਚ ਇਸ ਵਿਚ ਸ਼ਾਮਲ ਨਹੀਂ ਹਨ। ਸਭ ਤੋਂ ਪਹਿਲਾਂ ਇਨ੍ਹਾਂ ਕਲੱਸਟਰ ਬੰਬਾਂ ਦੀ ਵਰਤੋਂ ਦੂਜੇ ਵਿਸ਼ਵ ਯੁੱਧ ਵਿਚ ਜਰਮਨੀ ਨੇ ਕੀਤੀ ਸੀ।
ਇਜ਼ਰਾਈਲ ਵੱਲੋਂ ਜਾਗਰੂਕਤਾ ਵਧਾਉਣ ਦੇ ਯਤਨ
ਇਜ਼ਰਾਈਲ ਆਮ ਤੌਰ 'ਤੇ ਈਰਾਨੀ ਹਮਲਿਆਂ ਅਤੇ ਉਨ੍ਹਾਂ ਦੁਆਰਾ ਹੋਣ ਵਾਲੇ ਨੁਕਸਾਨ ਬਾਰੇ ਜਾਣਕਾਰੀ ਜਾਰੀ ਨਹੀਂ ਕਰਦਾ ਹੈ, ਪਰ ਇਜ਼ਰਾਈਲੀ ਅਧਿਕਾਰੀਆਂ ਨੇ ਹਾਲ ਹੀ ਵਿੱਚ ਇਨ੍ਹਾਂ ਹਥਿਆਰਾਂ ਦੇ ਖ਼ਤਰਿਆਂ ਬਾਰੇ ਜਨਤਕ ਜਾਗਰੂਕਤਾ ਵਧਾਉਣ ਦੇ ਯਤਨ ਕੀਤੇ ਹਨ। ਮੱਧ ਇਜ਼ਰਾਈਲ ਵਿੱਚ ਇੱਕ ਉਸਾਰੀ ਵਾਲੀ ਥਾਂ 'ਤੇ ਦੋ ਸਮੇਤ ਘੱਟੋ-ਘੱਟ ਤਿੰਨ ਲੋਕ ਮੰਗਲਵਾਰ ਨੂੰ ਮਾਰੇ ਗਏ ਸਨ। ਇਸ ਹਥਿਆਰ ਦੀ ਵਰਤੋਂ ਪਿਛਲੇ ਸੰਘਰਸ਼ਾਂ ਵਿੱਚ ਕੀਤੀ ਜਾ ਚੁੱਕੀ ਹੈ, ਜਿਸ ਵਿੱਚ ਇਜ਼ਰਾਈਲ ਦੀ 2006 ਵਿੱਚ ਈਰਾਨ-ਸਮਰਥਿਤ ਲੇਬਨਾਨੀ ਅੱਤਵਾਦੀ ਸਮੂਹ ਹਿਜ਼ਬੁੱਲਾ ਵਿਰੁੱਧ ਜੰਗ ਵੀ ਸ਼ਾਮਲ ਹੈ। ਇੱਕ ਇਜ਼ਰਾਈਲੀ ਫੌਜੀ ਅਧਿਕਾਰੀ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਮੰਗਲਵਾਰ ਨੂੰ ਕਿਹਾ ਕਿ ਈਰਾਨ ਤੋਂ ਇਜ਼ਰਾਈਲ ਵੱਲ ਦਾਗੇ ਗਏ ਲਗਭਗ ਅੱਧੇ ਬੰਬ ਕਲੱਸਟਰ ਬੰਬ ਸਨ। ਇਜ਼ਰਾਈਲ ਦੇ ਇੰਸਟੀਚਿਊਟ ਫਾਰ ਨੈਸ਼ਨਲ ਸਿਕਿਓਰਿਟੀ ਸਟੱਡੀਜ਼ ਦੇ ਇੱਕ ਸੀਨੀਅਰ ਖੋਜੀ ਯੇਹੋਸ਼ੁਆ ਕਾਲੀਸਕੀ ਨੇ ਕਿਹਾ ਕਿ ਇਜ਼ਰਾਈਲ ਦਾ ਹਵਾਈ ਰੱਖਿਆ ਪ੍ਰਣਾਲੀ, ਆਇਰਨ ਡੋਮ, ਛੋਟੀਆਂ ਦੂਰੀਆਂ ਅਤੇ ਘੱਟ ਉਚਾਈ ਤੋਂ ਦਾਗੇ ਗਏ ਛੋਟੇ ਰਾਕੇਟਾਂ ਨੂੰ ਰੋਕਣ ਲਈ ਤਿਆਰ ਕੀਤਾ ਗਿਆ ਹੈ, ਪਰ ਇਸ ਵਿੱਚ ਕਲੱਸਟਰ ਬੰਬਾਂ ਨੂੰ ਰੋਕਣ ਦੀ ਸਮਰੱਥਾ ਦੀ ਘਾਟ ਹੈ ਕਿਉਂਕਿ ਉਹ ਦਰਜਨਾਂ ਛੋਟੇ ਬੰਬ ਛੱਡਦੇ ਹਨ ਅਤੇ ਇੱਕ ਵੱਡੇ ਖੇਤਰ ਵਿੱਚ ਫੈਲ ਜਾਂਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਰਾਨ ਜੰਗ ਵਿਚਾਲੇ ਯੂਕ੍ਰੇਨ ਨੇ ਦਾਗ'ਤੀਆਂ ਕਰੂਜ਼ ਮਿਜ਼ਾਈਲਾਂ ! ਉਡਾ'ਤਾ ਰੂਸ ਦਾ ਹਥਿਆਰ ਬਣਾਉਣ ਵਾਲਾ ਪਲਾਂਟ
NEXT STORY 
