ਇੰਟਰਨੈਸ਼ਨਲ ਡੈਸਕ- ਦੁਨੀਆ ਦੀ ਧਾਕੜ ਕੰਪਨੀ ਐਮਾਜ਼ਾਨ ਦੇ ਸੰਸਥਾਪਕ ਜੈੱਫ ਬੇਜ਼ੋਸ (61) ਆਪਣੀ ਮੰਗੇਤਰ ਜਰਨਲਿਸਟ ਲਾਰੇਨ ਸਾਂਚੇਜ (55) ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੇ ਹਨ। ਇਸ ਵਿਆਹ ਦੀ ਖਾਸ ਗੱਲ ਇਹ ਹੈ ਕਿ ਇਹ ਵਿਆਹ ਕਿਸੇ ਆਮ ਸਮਾਰੋਹ ਵਾਂਗ ਨਹੀਂ ਸੀ, ਸਗੋਂ ਇਸ ਵਿਆਹ 'ਤੇ ਲਗਭਗ 388 ਕਰੋੜ ਤੋਂ 464 ਕਰੋੜ ਰੁਪਏ ਦਾ ਖ਼ਰਚਾ ਆਉਣ ਦਾ ਅਨੁਮਾਨ ਜਤਾਇਆ ਜਾ ਰਿਹਾ ਹੈ। ਉੱਥੇ ਹੀ ਵਿਆਹ ਸਮਾਗਮ ਇਟਲੀ ਦੇ ਖੂਬਸੂਰਤ ਸ਼ਹਿਰ ਵੇਨਿਸ ’ਚ ਆਯੋਜਿਤ ਕਰਵਾਇਆ ਗਿਆ।
ਇਸ ਹਾਈ-ਪ੍ਰੋਫਾਈਲ ਵਿਆਹ ’ਚ ਹਾਲੀਵੁੱਡ, ਬਿਜ਼ਨੈੱਸ, ਰਾਜਨੀਤੀ ਅਤੇ ਫਾਈਨਾਂਸ ਜਗਤ ਦੀਆਂ ਕਈ ਵੱਡੀਆਂ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਲੱਗਭਗ 200 ਤੋਂ 250 ਵੀ.ਆਈ.ਪੀ. ਮਹਿਮਾਨਾਂ ਨੂੰ ਇਸ ਸਮਾਰੋਹ ਦਾ ਸੱਦਾ ਦਿੱਤਾ ਗਿਆ, ਜਿਨ੍ਹਾਂ 'ਚ ਓਪਰਾ ਵਿਨਫ੍ਰੇ, ਬਿਲ ਗੇਟਸ, ਕਿਮ ਕਰਦਾਸ਼ੀਆਂ, ਓਰਲੈਂਡੋ ਬਲੂਮ, ਕਵੀਨ ਆਫ਼ ਜਾਰਡਨ, ਇਵਾਂਕਾ ਟਰੰਪ, ਜਾਰੇਡ ਕੁਸ਼ਨਰ, ਲਿਓਨਾਰਡੋ ਡੀਕੈਪ੍ਰਿਓ, ਮਿਕ ਜੈਗਰ ਵਰਗੀਆਂ ਸ਼ਖ਼ਸੀਅਤਾਂ ਸ਼ਾਮਲ ਹਨ।
ਵੈਨਿਸ ਸ਼ਹਿਰ ਦੇ ਏਅਰਪੋਰਟ 'ਤੇ 100 ਦੇ ਕਰੀਬ ਪ੍ਰਾਈਵੇਟ ਜੈੱਟ ਉਤਰ ਚੁੱਕੇ, ਜਿਨ੍ਹਾਂ ਰਾਹੀਂ ਕਾਫ਼ੀ ਵੀ.ਆਈ.ਪੀ. ਇੱਥੇ ਪਹੁੰਚੇ, ਜੋ ਕਿ ਸੇਂਟ ਰਿਗੀਜ਼ ਸਥਿਤ ਗ੍ਰਿਟੀ ਪੈਲੇਸ 'ਚ ਠਹਿਰੇ ਹਨ, ਜਦਕਿ ਨਵੀਂ ਵਿਆਹੀ ਜੋੜੀ 16ਵੀਂ ਸਦੀ ਦੇ ਬਣੇ ਮਸ਼ਹੂਰ ਅਮਾਨ ਹੋਟਲ 'ਚ ਰਹਿਣਗੇ।
ਇਸ ਵਿਆਹ ਸਮਾਗਮ ਦਾ ਅੰਤ ਸ਼ਨੀਵਾਰ ਨੂੰ ਇਕ ਸ਼ਾਨਦਾਰ ਪਾਰਟੀ ਮਗਰੋਂ ਹੋ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ ਜੈੱਫ ਬੈਜ਼ੋਸ ਦਾ ਪਹਿਲਾ ਵਿਆਹ ਨਾਵਲਿਸਟ ਮਕੈਂਜ਼ੀ ਸਕਾਟ ਨਾਲ ਹੋਇਆ ਸੀ, ਜਦਕਿ ਸਾਂਚੇਜ਼ ਦਾ ਪਹਿਲਾ ਪਤੀ ਪੈਟ੍ਰਿਕ ਵਿਟਸੇਲ ਇਕ ਬਿਜ਼ਨੈੱਸਮੈਨ ਹੈ। ਇਸ ਵਿਆਹ ਮਗਰੋਂ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਇਹ ਜੋੜਾ ਹੁਣ 3 ਮਿਲੀਅਨ ਯੂਰੋ (ਕਰੀਬ 3.5 ਮਿਲੀਅਨ ਡਾਲਰ) ਵੀ ਵੈਨਿਸ ਸ਼ਹਿਰ ਨੂੰ ਦਾਨ ਕਰ ਕੇ ਜਾਵੇਗਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮੋਰਟਾਰ ਸ਼ੈੱਲ 'ਚ ਧਮਾਕਾ, 14 ਲੋਕ ਜ਼ਖਮੀ
NEXT STORY 
