ਜੌਰਡਨ— ਜੌਰਡਨ ਦੇ ਸ਼ਾਹੀ ਪਰਿਵਾਰ ਦੇ ਮੈਂਬਰ ਪ੍ਰਿੰਸ ਅਲੀ ਬਿਨ ਅਲ ਹੁਸੈਨ ਨੇ ਕਿਹਾ ਹੈ ਕਿ ਸੀਰੀਆ ਸੰਕਟ ਖਾਸ ਕਰ ਕੇ ਸ਼ਰਨਾਰਥੀ ਸੰਕਟ ਦੇ ਹੱਲ 'ਚ ਭਾਰਤ ਦੀ ਇਕ ਤਾਕਤ ਦੇ ਤੌਰ 'ਤੇ ਭੂਮਿਕਾ ਨਿਭਾਉਣ ਦੀ ਉਮੀਦ ਹੈ। 'ਲਾਰਟ੍ਰੇਸ ਐਂਡ ਲੀਡਰਜ਼ ਫੌਰ ਚਿਲਡਰਨ' ਸ਼ਿਖਰ ਬੈਠਕ ਤੋਂ 2 ਦਿਨ ਪਹਿਲਾਂ ਪੱਤਰਕਾਰ ਸੰਮੇਲਨ 'ਚ ਇਕ ਸਵਾਲ ਦੇ ਜਵਾਬ ਵਿਚ ਪ੍ਰਿੰਸ ਅਲੀ ਨੇ ਕਿਹਾ, ''ਅਸੀਂ ਇੱਥੇ ਸਿਆਸੀ ਮੁੱਦੇ 'ਤੇ ਗੱਲ ਕਰਨ ਲਈ ਨਹੀਂ ਹਾਂ ਪਰ ਇੰਨਾ ਜ਼ਰੂਰ ਕਹਾਂਗਾ ਕਿ ਭਾਰਤ ਅਤੇ ਜੌਰਡਨ ਵਿਚਾਲੇ ਰਿਸ਼ਤੇ ਬਿਹਤਰੀਨ ਹਨ।''
ਇੱਥੇ ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੀਤੀ 10 ਫਰਵਰੀ ਨੂੰ ਜੌਰਡਨ ਅਤੇ ਫਿਲਸਤੀਨ ਦਾ ਦੌਰਾ ਕੀਤਾ ਸੀ ਅਤੇ ਦੋਹਾਂ ਦੇਸ਼ਾਂ ਨੇ ਵੱਖ-ਵੱਖ ਖੇਤਰਾਂ ਵਿਚ ਸਹਿਯੋਗ ਅਤੇ ਕਈ ਮੁੱਦਿਆਂ 'ਤੇ ਗੱਲਬਾਤ ਕੀਤੀ। ਇਸ ਤੋਂ ਬਾਅਦ ਜੌਰਡਨ ਦੇ ਸ਼ਾਹ ਅਬਦੁੱਲਾ ਸਾਨੀ ਬਿਨ ਅਲ ਹਸਨ ਨੇ 27 ਫਰਵਰੀ ਤੋਂ 1 ਮਾਰਚ ਨੂੰ ਭਾਰਤ ਦਾ 3 ਦਿਨਾਂ ਦੌਰਾ ਕੀਤਾ ਸੀ। ਸ਼ਾਹ ਅਬਦੁੱਲਾ ਦੀ ਇਸ ਯਾਤਰਾ ਦੌਰਾਨ ਭਾਰਤ-ਜੌਰਡਨ ਵਿਚਾਲੇ ਰੱਖਿਆ ਅਤੇ ਵਪਾਰ ਸਮੇਤ ਵੱਖ-ਵੱਖ ਖੇਤਰਾਂ ਵਿਚ 12 ਸਮਝੌਤੇ ਹੋਏ ਸਨ।
ਪ੍ਰਿੰਸ ਅਲੀ ਨੇ ਕਿਹਾ ਕਿ ਭਾਰਤ ਤੇਜ਼ੀ ਨਾਲ ਵਧਦੀ ਅਰਥਵਿਵਸਥਾ ਹੈ ਅਤੇ ਦੁਨੀਆ ਦੀ ਇਕ ਤਾਕਤ ਹੈ। ਅਜਿਹੇ ਵਿਚ ਅਸੀਂ ਸੀਰੀਆ ਅਤੇ ਸ਼ਰਨਾਰਥੀ ਸੰਕਟ ਦੇ ਹੱਲ 'ਚ ਭੂਮਿਕਾ ਨਿਭਾਉਣ ਅਤੇ ਦੂਜੀਆਂ ਥਾਵਾਂ 'ਤੇ ਸ਼ਰਨਾਰਥੀ ਸੰਕਟ ਵਿਚ ਸਹਿਯੋਗ ਲਈ ਭਾਰਤ ਵੱਲ ਦੇਖਦੇ ਹਾਂ। ਸਭ ਤੋਂ ਵੱਧ ਸ਼ਰਨਾਰਥੀਆਂ ਨੂੰ ਥਾਂ ਦੇਣ ਵਾਲਿਆਂ ਵਿਚ ਜੌਰਡਨ ਦਾ ਸਥਾਨ ਦੂਜੇ ਨੰਬਰ 'ਤੇ ਹੈ। ਸੀਰੀਆ 'ਚ 2011 'ਚ ਘਰੇਲੂ ਜੰਗ ਦੀ ਸ਼ੁਰੂਆਤ ਤੋਂ ਬਾਅਦ ਵੱਡੀ ਗਿਣਤੀ 'ਚ ਸ਼ਰਨਾਰਥੀ ਜੌਰਡਨ ਦੀ ਸਰਹੱਦ 'ਚ ਦਾਖਲ ਹੋਏ। ਵੱਖ-ਵੱਖ ਕੌਮਾਂਤਰੀ ਏਜੰਸੀਆਂ ਦੇ ਮੁਲਾਂਕਣ ਮੁਤਾਬਕ ਫਿਲਹਾਲ ਜੌਰਡਨ ਵਿਚ 10 ਲੱਖ ਤੋਂ ਵਧ ਸ਼ਰਨਾਰਥੀ ਰਹਿ ਰਹੇ ਹਨ। 'ਲਾਰਟ੍ਰੇਸ ਐਂਡ ਲੀਡਰਜ਼ ਫੌਰ ਚਿਲਡਰਨ' ਦੇ ਸੰਸਥਾਪਕ ਸੱਤਿਆਰਥੀ ਨੇ ਕਿਹਾ, ''ਜੰਗ, ਹਿੰਸਾ, ਕੁਦਰਤੀ ਆਫਤਾਂ ਦੇ ਸਭ ਤੋਂ ਵਧ ਸ਼ਿਕਾਰ ਬੱਚੇ ਹੁੰਦੇ ਹਨ। ਸਿਆਸੀ ਅਤੇ ਨੈਤਿਕ ਰੂਪ ਨਾਲ ਲੋੜ ਹੈ ਕਿ ਬੱਚਿਆਂ ਦਾ ਮੌਜੂਦਾ ਅਤੇ ਭਵਿੱਖ ਸੁਰੱਖਿਅਤ ਕੀਤਾ ਜਾਵੇ। ਅਸੀਂ ਆਸ ਕਰਦੇ ਹਾਂ ਕਿ ਇਸ ਸ਼ਿਖਰ ਬੈਠਕ ਤੋਂ ਜੌਰਡਨ ਅਤੇ ਇਸ ਖੇਤਰ 'ਚ ਸ਼ਰਨਾਰਥੀਆਂ ਖਾਸ ਕਰ ਕੇ ਬੱਚਿਆਂ ਨਾਲ ਜੁੜੇ ਮੁੱਦਿਆਂ ਦੇ ਹੱਲ ਨੂੰ ਲੈ ਕੇ ਅਸੀਂ ਕੁਝ ਚੰਗੇ ਉਪਾਅ ਪੇਸ਼ ਕਰਾਂਗੇ। ਇਹ ਸ਼ਿਖਰ ਸੰਮੇਲਨ 26-27 ਮਾਰਚ ਨੂੰ ਹੋਣ ਜਾ ਰਿਹਾ ਹੈ।
4 ਸਾਲਾ ਬੱਚੀ ਦਾ ਸੌਦਾ ਕਰਨ ਵਾਲੇ ਪਿਤਾ ਨੂੰ ਹੋਈ 60 ਸਾਲ ਦੀ ਸਜ਼ਾ
NEXT STORY 
