ਇੰਟਰਨੈਸ਼ਨਲ ਡੈਸਕ- ਬੀਤੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਕਾਫ਼ੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇਕ ਬਾਂਦਰ ਦਾ ਬੱਚਾ ਇਕ ਖਿਡੌਣੇ ਨੂੰ ਜੱਫੀ ਪਾ ਕੇ ਬੈਠਾ ਦਿਖਾਈ ਦੇ ਰਿਹਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਦੁਨੀਆ ਭਰ ਦੇ ਜਾਨਵਰ ਪ੍ਰੇਮੀਆਂ ਦੀਆਂ ਅੱਖਾਂ ਨਮ ਹੋ ਗਈਆਂ ਹਨ। ਅਸਲ 'ਚ ਇਹ ਵੀਡੀਓ ਜਾਪਾਨ ਦੇ 'ਇਚੀਕਾਵਾ ਸਿਟੀ ਜ਼ੂ' (Ichikawa City Zoo) ਤੋਂ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਨੰਨ੍ਹੇ ਬਾਂਦਰ 'ਪੰਚ' ਆਪਣੀ ਮਾਂ ਤੋਂ ਵਿਛੜ ਗਿਆ।
ਇਹ ਨੰਨ੍ਹਾ ਬਾਂਦਰ ਉਸ ਸਮੇਂ ਚਰਚਾ ਵਿੱਚ ਆਇਆ ਜਦੋਂ ਇੱਕ ਵਾਈਲਡਲਾਈਫ਼ ਰੈਸਕਿਊਰ ਨੇ ਇਸ ਨੂੰ ਮਰਨ ਕਿਨਾਰੇ ਪਏ ਹੋਏ ਬਚਾਇਆ। ਇਸ ਨੇ ਜ਼ੂ ਦੇ ਹੋਰ ਬਾਂਦਰਾਂ ਨਾਲ ਮਿਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਨ੍ਹਾਂ 'ਚੋਂ ਕਿਸੇ ਨੇ ਵੀ ਇਸ ਨੂੰ ਨੇੜੇ ਨਹੀਂ ਲੱਗਣ ਦਿੱਤਾ, ਜਿਸ ਮਗਰੋਂ ਇਸ ਨੇ ਇਕ ਮਕਾਊ ਖਿਡੌਣੇ ਨੂੰ ਆਪਣੀ ਮਾਂ ਸਮਝ ਕੇ ਉਸ ਨਾਲ ਚਿਪਕਿਆ ਰਹਿਣ ਲੱਗਾ।
ਦੱਸਿਆ ਜਾ ਰਿਹਾ ਹੈ ਕਿ ਜਨਮ ਤੋਂ ਬਾਅਦ 'ਪੰਚ' ਨੂੰ ਉਸ ਦੀ ਮਾਂ ਦਾ ਸਾਥ ਨਹੀਂ ਮਿਲ ਸਕਿਆ। ਚਿੜੀਆਘਰ ਦੇ ਕਰਮਚਾਰੀਆਂ ਨੇ ਉਸ ਦਾ ਇਕੱਲਾਪਣ ਦੂਰ ਕਰਨ ਲਈ ਉਸ ਨੂੰ ਇੱਕ ਖਿਡੌਣਾ (Stuffed Toy) ਦਿੱਤਾ ਸੀ। ਵੀਡੀਓਜ਼ ਵਿੱਚ ਦੇਖਿਆ ਗਿਆ ਕਿ ਕਿਵੇਂ ਪੰਚ ਉਸ ਖਿਡੌਣੇ ਨੂੰ ਹਰ ਵੇਲੇ ਆਪਣੇ ਨਾਲ ਘਸੀਟਦਾ ਸੀ ਅਤੇ ਉਸੇ ਨੂੰ ਗਲ਼ੇ ਲਗਾ ਕੇ ਸੌਂਦਾ ਸੀ। ਸ਼ੁਰੂ-ਸ਼ੁਰੂ 'ਚ ਪੰਚ ਦੂਜੇ ਬਾਂਦਰਾਂ ਨਾਲ ਘੁਲਣ-ਮਿਲਣ ਵਿੱਚ ਨਾਕਾਮ ਰਿਹਾ ਸੀ ਤੇ ਉਹ ਸਿਰਫ਼ ਜ਼ੂ ਦੇ ਰਖਵਾਲਿਆਂ ਜਾਂ ਉਸ ਖਿਡੌਣੇ ਨਾਲ ਹੀ ਰਹਿੰਦਾ ਸੀ।
I am not crying, you are.
For those who aren’t familiar with Punch, he is a baby monkey from Japan who was separated from his mother shortly after birth. Since then, zookeepers have been raising him and hand-feeding him to help him survive.
Because he did not have his mother,… pic.twitter.com/nXfVevaZcX
— Crazy Moments (@Crazymoments01) February 22, 2026
ਇਹ ਵੀ ਪੜ੍ਹੋ- ਇਰਾਨ ਨੇੜੇ ਅਮਰੀਕੀ ਫ਼ੌਜ ਦੀ ਵੱਡੀ ਹਲਚਲ ! ਕਿਸੇ ਵੇਲੇ ਵੀ ਹੋ ਸਕਦੈ ਐਲਾਨ-ਏ-ਜੰਗ
ਹਾਲ ਹੀ ਵਿੱਚ ਸਾਹਮਣੇ ਆਈਆਂ ਤਾਜ਼ਾ ਵੀਡੀਓਜ਼ ਵਿੱਚ ਦਿਖਾਇਆ ਗਿਆ ਹੈ ਕਿ ਪੰਚ ਨੇ ਹੁਣ ਦੂਜੇ ਬਾਂਦਰਾਂ ਨਾਲ ਦੋਸਤੀ ਕਰ ਲਈ ਹੈ। ਉਸ ਨੂੰ ਇੱਕ ਹੋਰ ਬਾਂਦਰ ਵੱਲੋਂ ਜੱਫੀ ਪਾਉਂਦੇ ਅਤੇ ਦੂਜੇ ਬਾਂਦਰਾਂ ਨਾਲ ਖੇਡਦੇ ਦੇਖਿਆ ਗਿਆ। ਇਸ ਵੀਡੀਓ ਨੂੰ ਦੇਖ ਕੇ ਐਨੀਮਲ ਲਵਰਜ਼ 'ਚ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ ਤੇ ਉਹ ਉਮੀਦ ਕਰਨ ਲੱਗੇ ਹਨ ਕਿ ਪੰਚ ਹੁਣ ਆਪਣੀ ਜ਼ਿੰਦਗੀ ਚੰਗੀ ਤਰ੍ਹਾਂ ਬਿਤਾ ਸਕੇਗਾ।
ਹੁਣ ਇਸ ਕਹਾਣੀ ਵਿੱਚ ਇੱਕ ਨਵਾਂ ਮੋੜ ਆਇਆ ਹੈ, ਜਦੋਂ ਮਸ਼ਹੂਰ ਸੋਸ਼ਲ ਮੀਡੀਆ ਇਨਫਲੂਐਂਸਰ ਐਂਡ੍ਰਿਊ ਟੇਟ ਦੇ ਭਰਾ ਟ੍ਰਿਸਟਨ ਟੇਟ ਨੇ ਇਸ ਬਾਂਦਰ ਨੂੰ ਖਰੀਦਣ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਉਸ ਨੇ ਕਿਹਾ ਹੈ ਕਿ ਉਹ ਇਸ ਬਾਂਦਰ ਨੂੰ ਪਾਲਣ ਲਈ ਹਰ ਤਰ੍ਹਾਂ ਦਾ ਖਰਚਾ ਚੁੱਕਣ ਲਈ ਤਿਆਰ ਹੈ, ਪਰ ਇਸ ਮਾਮਲੇ 'ਤੇ ਜਾਨਵਰ ਪ੍ਰੇਮੀਆਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਜਾਨਵਰ ਨੂੰ ਘਰ 'ਚ ਕੈਦ ਕਰ ਕੇ ਨਹੀਂ ਰੱਖਣਾ ਚਾਹੀਦਾ, ਸਗੋਂ ਉਨ੍ਹਾਂ ਨੂੰ ਕੁਦਰਤ ਦੀ ਗੋਦ 'ਚ ਰਹਿਣ ਦੇਣਾ ਚਾਹੀਦਾ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਭਾਰਤ 'ਚ ਵੀ ਬੱਚਿਆਂ ਦੇ ਸੋਸ਼ਲ ਮੀਡੀਆ ਚਲਾਉਣ 'ਤੇ ਲੱਗੇਗਾ ਬੈਨ ! ਹੁਣ ਇਸ ਸੂਬੇ ਨੇ ਖਿੱਚੀ ਤਿਆਰੀ
NEXT STORY 
