ਜਨੇਵਾ [ਸਵਿਟਜ਼ਰਲੈਂਡ] (ਏਐਨਆਈ): ਜਿਬੂਤੀ ਤੱਟ ਦੇ ਨੇੜੇ ਪ੍ਰਵਾਸੀਆਂ ਨਾਲ ਭਰੀ ਕਿਸ਼ਤੀ ਪਲਟਣ ਕਾਰਨ ਦਰਦਨਾਕ ਹਾਦਸਾ ਵਾਪਰਿਆ। ਇਸ ਦਰਦਨਾਕ ਹਾਦਸੇ ਵਿੱਚ ਮ੍ਰਿਤਕਾਂ ਦੀ ਗਿਣਤੀ ਵਧ ਕੇ 139 ਹੋ ਗਈ ਹੈ, ਜਦੋਂ ਕਿ 84 ਲੋਕ ਅਜੇ ਵੀ ਲਾਪਤਾ ਹਨ। ਅੰਤਰਰਾਸ਼ਟਰੀ ਮਾਈਗ੍ਰੇਸ਼ਨ ਸੰਗਠਨ (IOM) ਅਨੁਸਾਰ ਖੋਜ ਅਤੇ ਬਚਾਅ ਅਭਿਆਨ ਦੌਰਾਨ 30 ਹੋਰ ਮ੍ਰਿਤਕ ਦੇਹਾਂ ਬਰਾਮਦ ਹੋਣ ਤੋਂ ਬਾਅਦ ਮ੍ਰਿਤਕਾਂ ਦੀ ਗਿਣਤੀ 109 ਤੋਂ ਵਧ ਕੇ 139 ਤੱਕ ਪਹੁੰਚ ਗਈ ਹੈ।
IOM ਵੱਲੋਂ ਜਾਰੀ ਬਿਆਨ ਮੁਤਾਬਕ ਇਹ ਕਿਸ਼ਤੀ 8 ਅਤੇ 9 ਅਕਤੂਬਰ ਦੀ ਵਿਚਕਾਰਲੀ ਰਾਤ ਨੂੰ ਜਿਬੂਤੀ ਦੇ ਓਬੋਕ ਦੇ ਉੱਤਰ ਵਿੱਚ ਗੁਏਹੇਰੇ ਨੇੜੇ ਸਮੁੰਦਰ ਵਿੱਚ ਪਲਟ ਗਈ ਸੀ। ਇਹ ਕਿਸ਼ਤੀ ਜਿਬੂਤੀ ਤੋਂ ਯਮਨ ਵੱਲ ਜਾ ਰਹੀ ਸੀ, ਜਿਸ ਵਿੱਚ ਕੁੱਲ 305 ਲੋਕ ਸਵਾਰ ਸਨ। ਹਾਦਸੇ ਵਿੱਚ ਲਗਭਗ 82 ਲੋਕਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ ਹੈ, ਜਦੋਂ ਕਿ ਜਿਬੂਤੀ ਦੇ ਅਧਿਕਾਰੀ ਬਾਕੀ ਲਾਪਤਾ ਲੋਕਾਂ ਦੀ ਭਾਲ ਲਈ ਖੋਜ ਅਭਿਆਨ ਚਲਾ ਰਹੇ ਹਨ।
IOM ਡਾਇਰੈਕਟਰ ਜਨਰਲ ਏਮੀ ਪੋਪ ਦੀ ਅਪੀਲ IOM ਦੀ ਡਾਇਰੈਕਟਰ ਜਨਰਲ ਏਮੀ ਪੋਪ ਨੇ ਇਸ ਦਰਦਨਾਕ ਘਟਨਾ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਸਰਕਾਰਾਂ ਅਤੇ ਦਾਨੀ ਸੰਸਥਾਵਾਂ ਨੂੰ ਸੁਰੱਖਿਅਤ ਅਤੇ ਕਾਨੂੰਨੀ ਪ੍ਰਵਾਸ ਦੇ ਰਸਤੇ ਵਿਕਸਿਤ ਕਰਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ, "ਕੋਈ ਵੀ ਵਿਅਕਤੀ ਅਜਿਹੀ ਕਿਸ਼ਤੀ ਵਿੱਚ ਉਦੋਂ ਤੱਕ ਨਹੀਂ ਬੈਠਦਾ ਜਦੋਂ ਤੱਕ ਉਸਨੂੰ ਇਹ ਵਿਸ਼ਵਾਸ ਨਾ ਹੋਵੇ ਕਿ ਕੋਈ ਹੋਰ ਸੁਰੱਖਿਅਤ ਰਸਤਾ ਨਹੀਂ ਹੈ। ਅਸੀਂ ਇਨ੍ਹਾਂ ਮੌਤਾਂ ਨੂੰ ਆਮ ਮੰਨਣਾ ਜਾਰੀ ਨਹੀਂ ਰੱਖ ਸਕਦੇ। ਸੁਰੱਖਿਅਤ ਅਤੇ ਕਾਨੂੰਨੀ ਰਸਤੇ ਲੋਕਾਂ ਦੀਆਂ ਜਾਨਾਂ ਬਚਾਉਂਦੇ ਹਨ"। IOM ਨੇ ਦੱਸਿਆ ਕਿ ਓਬੋਕ ਸਥਿਤ ਆਪਣੇ 'ਮਾਈਗ੍ਰੈਂਟ ਰਿਸਪਾਂਸ ਸੈਂਟਰ' ਵਿਖੇ ਬਚੇ ਹੋਏ ਲੋਕਾਂ ਨੂੰ ਐਮਰਜੈਂਸੀ ਸਹਾਇਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਸਿਹਤ ਸੰਭਾਲ, ਮਨੋਵਿਗਿਆਨਕ ਸਹਾਇਤਾ, ਭੋਜਨ, ਪਨਾਹ ਅਤੇ ਸੁਰੱਖਿਆ ਸੇਵਾਵਾਂ ਸ਼ਾਮਲ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਪਸਾ ਪੰਜਾਬੀ ਸਕੂਲ ਦਾ ਮੇਅਰ ਟੈਰੇਸਾ ਹਾਰਡਿੰਗ ਵੱਲੋਂ ਰਸਮੀ ਉਦਘਾਟਨ
NEXT STORY 
