ਇੰਟਰਨੈਸ਼ਨਲ ਡੈਸਕ: ਅਫਰੀਕਾ ਦੇ ਅਸ਼ਾਂਤ ਸਾਹੇਲ ਖੇਤਰ 'ਚ ਸਥਿਤ ਬੁਰਕੀਨਾ ਫਾਸੋ ਇੱਕ ਵਾਰ ਫਿਰ ਜਿਹਾਦੀ ਹਿੰਸਾ ਦਾ ਸ਼ਿਕਾਰ ਹੋ ਗਿਆ ਹੈ। ਬੀਤੇ ਐਤਵਾਰ ਤੜਕੇ ਉੱਤਰੀ ਖੇਤਰ 'ਚ ਹੋਏ ਤਾਲਮੇਲ ਵਾਲੇ ਅੱਤਵਾਦੀ ਹਮਲਿਆਂ 'ਚ 100 ਤੋਂ ਵੱਧ ਲੋਕ ਮਾਰੇ ਗਏ, ਜਿਨ੍ਹਾਂ 'ਚੋਂ ਜ਼ਿਆਦਾਤਰ ਸੈਨਿਕ ਸਨ। ਇਹ ਹਮਲਾ ਦੇਸ਼ ਦੇ ਜੀਬੋ ਸ਼ਹਿਰ ਤੇ ਇਸ ਦੇ ਨਾਲ ਲੱਗਦੇ ਫੌਜੀ ਠਿਕਾਣਿਆਂ ਨੂੰ ਨਿਸ਼ਾਨਾ ਬਣਾ ਕੇ ਕੀਤਾ ਗਿਆ ਸੀ।
ਸਥਾਨਕ ਨਿਵਾਸੀਆਂ, ਵਿਦਿਆਰਥੀਆਂ ਅਤੇ ਸਹਾਇਤਾ ਸੰਗਠਨਾਂ ਨੇ ਪੁਸ਼ਟੀ ਕੀਤੀ ਕਿ ਹਮਲੇ ਨਾਲ ਭਾਰੀ ਤਬਾਹੀ ਹੋਈ ਹੈ। ਜ਼ਿਆਦਾਤਰ ਚਸ਼ਮਦੀਦਾਂ ਅਤੇ ਪੀੜਤਾਂ ਨੇ ਸੁਰੱਖਿਆ ਕਾਰਨਾਂ ਕਰਕੇ ਆਪਣੇ ਨਾਮ ਦੱਸਣ ਤੋਂ ਇਨਕਾਰ ਕਰ ਦਿੱਤਾ।
ਇਹ ਵੀ ਪੜ੍ਹੋ...ਕੀ ਹੁੰਦਾ ਹੈ ਸੀਜ਼ਫਾਇਰ? ਜੰਗਬੰਦੀ ਲਈ ਇਸਦੀ ਲੋੜ ਕਿਉਂ ਹੈ, ਪੂਰੀ ਜਾਣਕਾਰੀ ਜਾਣੋ
ਜੇਐੱਨਆਈਐੱਮ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ
ਹਮਲੇ ਦੀ ਜ਼ਿੰਮੇਵਾਰੀ ਜਮਾਤ ਨਸਰ ਅਲ-ਇਸਲਾਮ ਵਾਲ-ਮੁਸਲਿਮੀਨ (ਜੇਐਨਆਈਐਮ) ਨੇ ਲਈ ਹੈ, ਜੋ ਕਿ ਖਤਰਨਾਕ ਅੱਤਵਾਦੀ ਸੰਗਠਨ ਅਲ-ਕਾਇਦਾ ਨਾਲ ਜੁੜੀ ਹੋਈ ਹੈ। ਇਹ ਸੰਗਠਨ ਮਾਲੀ, ਬੁਰਕੀਨਾ ਫਾਸੋ ਅਤੇ ਨਾਈਜਰ ਵਰਗੇ ਦੇਸ਼ਾਂ ਦੇ ਸਾਹੇਲ ਖੇਤਰ 'ਚ ਸਰਗਰਮ ਇੱਕ ਵਿਦਰੋਹੀ ਨੈੱਟਵਰਕ ਦਾ ਹਿੱਸਾ ਹੈ, ਜੋ ਸਾਲਾਂ ਤੋਂ ਸਥਾਨਕ ਸ਼ਾਸਨਾਂ ਅਤੇ ਸੁਰੱਖਿਆ ਬਲਾਂ ਨੂੰ ਚੁਣੌਤੀ ਦੇ ਰਿਹਾ ਹੈ।
ਇਸ ਹਮਲੇ ਦੀ ਪੁਸ਼ਟੀ JNIM ਨੇ ਆਪਣੇ ਪ੍ਰਚਾਰ ਚੈਨਲਾਂ ਰਾਹੀਂ ਕੀਤੀ। ਇਸਨੂੰ "ਫੌਜੀ ਟੀਚਿਆਂ 'ਤੇ ਮੁਜਾਹਿਦੀਨ ਦੀ ਜਿੱਤ" ਦੱਸਿਆ। ਇਸ ਸੰਗਠਨ ਨੇ ਲੰਬੇ ਸਮੇਂ ਤੋਂ ਇਸ ਖੇਤਰ ਵਿੱਚ ਇਸਲਾਮੀ ਸ਼ਾਸਨ ਸਥਾਪਤ ਕਰਨ ਲਈ ਸੰਘਰਸ਼ ਕੀਤਾ ਹੈ।
ਇਹ ਵੀ ਪੜ੍ਹੋ...ਕੌਣ ਹਨ ਕਰਨਲ ਸੋਫੀਆ ਕੁਰੈਸ਼ੀ ਤੇ ਵਿੰਗ ਕਮਾਂਡਰ ਵਿਓਮਿਕਾ ਸਿੰਘ, ਆਪ੍ਰੇਸ਼ਨ 'ਸਿੰਦੂਰ' 'ਚ ਨਿਭਾਅ ਰਹੀਆਂ ਅਹਿਮ ਰੋਲ
ਰਾਜ ਪ੍ਰਣਾਲੀ 'ਤੇ ਗੰਭੀਰ ਪ੍ਰਭਾਵ
ਬੁਰਕੀਨਾ ਫਾਸੋ ਦੀ ਆਬਾਦੀ ਲਗਭਗ 23 ਮਿਲੀਅਨ ਹੈ ਅਤੇ ਇਹ ਦੇਸ਼ ਪਿਛਲੇ ਕੁਝ ਸਾਲਾਂ ਤੋਂ ਰਾਜਨੀਤਿਕ ਅਸਥਿਰਤਾ ਅਤੇ ਕੱਟੜਪੰਥੀ ਹਿੰਸਾ ਦਾ ਸਾਹਮਣਾ ਕਰ ਰਿਹਾ ਹੈ। 2022 ਵਿੱਚ ਦੇਸ਼ ਵਿੱਚ ਦੋ ਤਖ਼ਤਾਪਲਟ ਹੋਏ ਹਨ, ਜਿਸ ਤੋਂ ਬਾਅਦ ਫੌਜੀ ਜੁੰਟਾ ਨੇ ਸੱਤਾ 'ਤੇ ਕਬਜ਼ਾ ਕਰ ਲਿਆ।
ਅੱਜ ਹਾਲਾਤ ਇਹ ਹਨ ਕਿ ਦੇਸ਼ ਦਾ ਲਗਭਗ ਅੱਧਾ ਹਿੱਸਾ ਅੱਤਵਾਦੀਆਂ ਦੇ ਕਬਜ਼ੇ ਵਿੱਚ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮਸ਼ਹੂਰ ਰੈਪਰ 'ਤੇ ਜਾਨਲੇਵਾ ਹਮਲਾ, 14 ਵਾਰ ਮਾਰਿਆ ਗਿਆ ਚਾਕੂ, ਹਾਲਤ ਗੰਭੀਰ
NEXT STORY 
